شاركي في النقاش

سجلي الدخول لإضافة تعليق.

التعليقات

1,570
  1. ماما1983
    طيب انا محتاجه استشيركم في الخطوة الجايه دكتور حسام ربنا يكرمه قالي اجي على ثاني يوم الدوره وحيبدء معايا برتكول تنشيط جديد خالص من غير اي نوع من التثبيط ولا حبوب منع حمل قبله ولا لوكرين ولا اي حاجه تهبط من شغل المبايض تنشيط بس وحيستعمل دو…
    ياحبيبتى انتى مش اقل شجاعة ابدا من توتا انتوا الاتنين بسم الله ماشاء الله عليكم ربنا يكرمكم يارب عندكم اصرار وعزيمة مشفتهاش عند حد وبتخرجوا من تجربة تدخلوا فى التانيه بكل ايمان وقوة وبحس انكوا علشان راضيين ربنا بيراضيكم حتى لما بتفشل العملية بتحمدوا ربنا على كل حال .. فا انتى ياماما هتتجاوزى التجربة دى وهتخطيها وتعديها وترميها ورا ضهرك وانا واثقه منك فى ده تماما .. وده بحكم ايمانك بالله وكمان بحكم شخصيتك المتفتحة ..
    فا مش عايزة اسمع كلام عن نفسيه تعبانه ياحبيبتى خلاص نتعب يومين ونتدايق وبعدها نفك على طول ونجرى على اللى بعده وربنا يجازى باباكى على وقفته جمبك ويخليه لك ظهرك دايما فى الدنيا يارب وسندك ..
    يعنى ربنا يسر لك الاموال اهه علشان تدخلى بدون تعطيل وطبعا هتستخيرى كويس لكن بدون شك انتى محتاجة تسرعى وانا عارفه ان ده هيكون قرارك فى النهاية يا ماما لانك زى ما قولتى مش هتقدرى تغامرى وتنتظرى خمس شهور كاملين ..
    اكيد زوجك عايز يبقى معاكى وده حقه بس الظروف هى اللى هتضطركم تبعدوا عن بعض فتره مش طويلة فى سبيل انكوا تكون فرصتكم اعلى وافضل .. ولما تعملى العملية المرة دى وتنجح بأمر الله وترجعى له حامل هينسى كل ايام البعد ياحبيبتى اول ما يضمك اول ضمة
    فاهمانى ياشبة ولا نفهموكى .
    . ويالا استخيرى اليومين دول وقولى لنا انتى قررتى ايه ياجميل مستنيينك
  2. مصرية رقيقة
    رمال حبيبتى الحمد لله انا كويسه واهو النفسيه شويه كده وشويه كده ( ساعه تروح هااااااااا وساعه تيجي )
    لا مينفعش ياكوتى اظبطى ساعتك دى يا حلوة على التوقيت الرسمى للفرفشة والنعنشة ..
    عايزين الساعة على طول مظبوطة على السعادة والفرح .. وربنا يفرح قلبك يارب ويكرمك بالذرية الصالحة
  3. هيا ننشر الخير
    إنتى أكيد أم رائعة يا ريمو لأنك رائعه مع الناس اللى حواليكى كلهم يبقى أكيد هتبقى رائعة مع أعز و أغلى إنسان على قلبك ربنا يباركلك فى أنس و تشوفيه أحسن الناس
    ياحبيبتى ده من ذوقك والله ..
    بصى هو بدون شك اغلى انسان على قلبى ربنا يصلح لى حالة يارب ويبارك لى فيه ..
    بس ما هى دى المشكلة يارورو من كتر ما هو غالى عليا عايزة احسن حاجه ليه وافضل تربيه عاوزاة يكون ملاك ..
    بالاضافة الى ان بردة اصعب ما فى الامر هو انك بتتعاملى مع كائن مش عندو اى خبرات ولا اى خلفيات وانك انتى هتبقى المصدر اللى هتتسقى منه كل معلوماتة فى الحياة .. يعنى لازم نصلح السورس علشان الكوبى تبقى صالحة وسليمة ..
    Source و copy !!!! ايه اللى انا بقوله ده :blink:
    الظاهر الكمبيوتر اثر على نفوخى ياجدعان :icon32:
  4. اشتقت اليك
    ريمو.... بجد كلامك ده كتير عليا اوي....لأن أنتى إنسانة جميلة و ليها عقل و فكر بيجبر الكل على احترامه...ده غير قلبك الكبير **** بيساع الكل.... وعايزة أقولك على حاجة....انتى دلوقتى ممكن يتهيألك ان الامور ممكن تبقى صعبة...لان طول ماحنا بعيد ب…
    يابنتى انتى فعلا كلامك مظبوط وانتى قولتى كلام فعلا انا حاسه بيه كأنك دخلتى جوايا .. بس بجد انا حاسة انه مجهود خرافى ومسؤلية كبيييرة جدا يارب يقدرنى عليها .. مش عارفه اومال مامتى ومامتك عملوا كل ده لوحدهم ازاى بس .. سبحان الله اكيد ربنا بيقدر الواحدة بردة
  5. مميزات
    معلش انا كان عندى ضيوف من الاسكندرية وما عرفتش ادخل على النت خالص عزومات وفسح وسهر وانتم بقى عارفين اكرام الضيف واجب وبعد ما مشيو والله تعبت اوى ولسه يدوب فايقه لانى المسكن عمل مفعوله حاجة غريبة حصلت معايا الدورة نزلت عادى لكن تانى يوم مغ…

    معلش يا ميزو الف سلامة عليكى ياحبيبتى .. المهم تتابعى بس وتشوفى اخبار بطانة الرحم بعد البيريود بقت عاملة ازاى وتتابعيها فى اوقات متابعتها علشان نطمن عليكى وحاولى بقدر الامكان تريجى لان المغص اكيد شديد عليكى يابنتى معلش اكيد يومين ويعدوا على خير وكله فى ميزان حسناتك يا قمر احتسبى الوجع بس ..
    وفعلا انا حاسة بيكى اوى لانى لما تعبت بالمرارة كنت ببقى همووت من المغص وكان انس بيعيط على السرير وكنت ببقى لوحدى ومحتاسة بس غصب عنك هتضطرى تشوفى طلباته حتى لو فيكى ايه لانه مش هيصبر على الجوع ولا على غيرة .. الموضوع فعلا مجهود كبير

تابعي تجارب أخرى من هذا القسم.