جبتي العيد وانتي بزر؟؟ تعالي اسدحي موقفك هنا خلينا نعيد معك

اووووه ياكثر مواقفي
مرة وانا صغيرة كنت رايحه مع ابوي الله يحفظه وعمي لمزرعة صديقهم الله يغفر له ويرحمه
وكان عنده بالمزرعه فلفل اخضر حار
وقبل ما نطلع من مزرعته
قال لابوي وعمي تبون حبحر >>>اهل نجد يسمون الفلفل الاخضر حبحر
قال ابوي وعمي لا
قلت انا ألا نبغى امي ولطيفة يحبون الحبحر ....لطيفه مرة عمي كنا ساكنين سوا حنا وعمي ببيت واحد
وكبرت وتزوجت وجاني عيال ولازالو اهلي يذكرون السالفه
::::::::::::::::::::::::::::::::::::::::::::::::::::::::::::
موقف ثاني
يوم كنا صغار كان بيت جدي استراحه فيها دجاج
كنت انا واخواتي ناخذ البيض من تحت الدجاج
ونكسره ونخلطه مع التراب
او نرجمه على الجدار الخلفي البعيد
ومرت الايام يمكن حوالي 20 سنه
وكنا نسولف مع جدي عن بيتهم القديم
قلت انا واخواتي الله نذكر اول كنا ناخذ البيض ونكسره ونخلطه مع التراب
قعد يضحك ويقول ايييييييييييييييه
وين العصا وين العصا وهو يمزح ههههههههه
عاد عيالنا مايدرون وش السالفه
:::::::::::::::::::::::::::::::::::::::::::::::::::
ومرة انا واختي الكبيرة نلعب على اخواتي الصغار
نقول لهم انو تجي طياره كل يوم تمر فوقنا ويرمون علينا حلاو انا واختي
ونسميها طيارة الهنود (متأثرين بالهنود اللي في مسلسل الاطفال سالي خخخخخخخخخخ
واخواتي مصدقات وعاشين جو
ونقول لهم انهم مايمرون الا اذا صرنا لوحدنا اذا صرتوا معنا مايجون
هم اصدقائنا
:::::::::::::::::::::::::::::::::::::::::::::::::::

ههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه

مواقفك تمووووت ضجك من جد انتي روووووعه ..

هههههههههههههههههههههههههههههههههههه والله مواقف تضحك

بصراحه ذكرتوني بموقف اذا تذكرته يعورني قلبي 00 مره رحنا لخالي معزومين وجت وحده من جاراتها انا واخواتي كنا نكرهها موووووت كانت عود يابس 0(اش دخلنا في الحرمه ماادري)) المهم مادخلت مزاجنا وحست بهالشي فصارت ماتطيقنا لانا كنا نضحك عليها واذا سولفت نموت ضحك وامي تهزأنا وتقول اطلعو برا وهي تقول خليهم أطفال تبغى تقهرنا كنا وقتها بالمتوسط اللي اول واللي ثاني وانا كنت ثالث طبعا اللي كان يموتنا ضحك انها كانت تشمق ماادري تعرفون اش معنى هالكلمه يعني تطالعنا وترف بعيونها المهم مره كنا في المطبخ وكان ولدها شقي ومايسمع الكلام وهذاك اليوم كان مصلع يعني حلق شعره ع الصفر وكان براد الشاي في يدي توني طفيت النار بحطه في الصحن واشوف ولد الحرمه العصلا اللي فقعت مرارتي واكب على صلعته شوي من الشاي :icon33: ياقلبي عليه واخواتي ماتو ضحك وانا خفت وامسكه وادخله الغرفه واسكته ولا الولد بيموت قمت اخذت ثلجه واحطها ع المكان المصاب والا الولد يصيح اكثر مسكين مايتكلم عمره سنتين تقريبا ويروح لامه وتجي امه كانها حست انه احنا المجرمات قالت اش فيه ليه الولد يبكي قلت ليه مين امه انا ولا انت :mad:قوية عين قامت زعلت وماانسى كلمتها لعن الله ذا العيون :mad:
ومره كمان رحنا عند جيراننا من قبيله ثانيه وجاء ثنتين اخوات استغفر الله العظيم تقولون طالعين من القبر طبعا هالكلام زمان بس مستحيل انسى هالموقف طبعا شعورهم منفووشه ونص الشعر قصه او غره واحمر الخدود شكلهم حاطينه بالروج السحري هذاك اللي لونه اخضر عرفتوه والكحل اقسم بالله تقولون نظارات المهم هذا كله كوم والرقص كوم ثاني يوم قامو يرقصون تقولون كهرب ومسكهم والمؤخره حدث ولا حرج ترقص لحالها خخخخخخخ المهم انا متنا ضحك ضحكنا بجنووووووووون وامي مسكينه قامت ماقدرت تتحمل لانها ضحكت شوي من ضحكنا والناس قامو يتفرجون علينا واحنا نكعكع وشوي وحده من اخواتي تمسكني بقوه قلت وانا اضحك اش فيك قالت ببول وهاتك ياضحك ماقدرنا نتحمل واش تتوقعون بالت وانتو بكرامه على فستانها الزهري :hahaha:طبعا الناس استغربو اش فينا لانا نضحك بجنون والحريم خلاص قعدو كرهناهم في الرقص وشوي قالو يالله العشاء قمنا نضحك وجات امي قالت والله ماعاد تروحون معي فشلتوني يالله قومو العشاء قلنا لا لا الحمدلله شبعانين قالت والله لامسككم بشعوركم وجات صاحبة البيت يالله قومو العشاء وانحرجنا واختي شوي وبتبكي من الاحراج (بدل الضحك اللي قبل شوي )ويحاولون فينا وتقوم تمسك يدي وانا اسحبها بقوه ههههه وكنا انا وخواتي متماسكات بيدينا خايفين ويحاولون فينا قامت امي شكت في الموضوع وعلمناها باللي صار وانحرجت قالت خلاص لاحد يقوم وجابت عبايتها وحطتها على اختي وقالت خليك هنا لحد مانتعشى وقمنا انا واختي الثانيه نتعشى وخليناها نذاااااااله وجو الحريم بعد العشاء مستغربين اش فيها وامي تقول بردانه واحنا في عز الصيف00 طبعا هزأتنا امي لين قلنا أميييييييييين

ههههههههههههههههههههههههههههههههههههههههههه
الله يوسع صدوركم بالعافيه ضحكت لين قلت بس
:)