شاركي في النقاش

سجلي الدخول لإضافة تعليق.

التعليقات

2,131
  1. @shymolata

    عزيزة يا حبيبتى بصى يا قمر
    التكيسات بتكون عبارة عن بويضات كتيرة متكيسه على المبيض
  2. ماما1983
    اوكسي بصي مش عاوزاكي تزعلي مني بس انا لو مكانك كنت كملت مع المدينه انا برفض بشده التنطيط بين الدكاتره تفكري انا مش زعلانه من د حسام طبعا زعلانه جدا حد يدي مريضه سن ياس مبكر كل المثبطات ده انا مش حاسبه العمليتين الي فاتوا وبعتبرهم ماحصلوش و…

    ماما ياحبيبتى اسمحى لى ارد عليكى انا كمان ولو ان الموضوع يخص فى النهاية اوكسى لوحدها لكن من منطلق الاخوة انا بردة هقول رأيى بحيث يبقى نقاش نستفاد من اختلاف وجهات النظر فيه
    بصى ياماما .. اوكسى مش هتسيب الدكتور لانها عملت عمليه عنده والعملية فشلت لا مش ده المنطق فى الموضوع ده خاااااالص ولو كان ده كلام اوكسى ونيتها انا كنت قولت لها انتى غلطانة بمنتهى الصراحة .. ولو قارننا بين حالتك وان عمليتك فشلت وحالة اوكسى وعمليتها هتلاقى اختلاف شديد جدا من حيث كفاءة الدكتور والمكان ومستواه .. انتى حتى قولتى ان د حسام مطلع وفاهم وكمان معمل المركز كويس .. لو مسكنا النقطتين دول بس وقارننا بين المكانين والدكتورين هنلاقى ان فى تباين شديد بينهم وده سبب ادعى ان اوكسى تسيب الدكتور والمركز
    بصى يا ماما انا رأيى ان الاستمرار مع دكتور ما مش فى كل الاحوال تعبير عن انك ماشية فى الطريق السليم
    لا بالعكس قرار ان اوكسى تسيب الدكتور ده والمركز قرار فى صالحها لان الاستمرار فى حالتها يعنى فشل عملية اخرى هو طبعا كله فى عليم الغيب لكن الاستمرار مع دكتور معدوم الضمير ومعندهوش ادنى احساس بالمريضة ولا بصحتها بالاضافة الى ان كفائتة مشكوك فيها يبقى مينفعش نستأمنه مرة تانيه والمؤمن لا يلدغ من جحر مرتين
    ولو انى معاكى جدااااااااااا فى مسألة التنطيط بين الدكاترة وانا كمان مش بأيدة لكن المنطق ده مش فى حالة اوكسى صدقينى .. ولا المكان كويس ولا الدكتور شاطر وشفنا سلبيات كتييييير فيه وخطيرة مينفعش نستمر معاه بعد كده ياحبيبتى ..
    وكمان بالنسبه لنقطة ان د حسام اداكى ادوية تثبيط كتير وانتى عندك سن يأس مبكر .. بصى يا ماما انا رأيى ان مهما كان الدكتور شاطر الا ان لكل عالم هفوه ... ولو اعتبرنا انها هفوة منه قصاد مميزات كتييييييييير جدا انتى وغيرك وغيرك اخدها يبقى مفيش عليه لوم ابدا .. مش بدافع عنه بشكل شخصى لكن كلامى بناء على رأيى الخاص يامامتى
    وده رأيى وفى النهايه لكن محدش عارف الخير فين قد اكون مخطئة ده وارد وربنا يقدر الخير فى النهايه
  3. @shymolata

    ودعه يا حبيبتى بالنسبة للتكيس مش حاجه فظيعه لدرجة انك تعملى فى نفسك كده دا الحمد لله من اسهل اسباب تأخر الحمل بس علاجه محتاج شوية صبر وان شاء الله ربنا يكرمك
    بالنسبة للدوستنكس كده جرعته العادية كويس
    بس بالنسبة للجلوكوفاج انتى هتبدأى ب500 بس ياريت شوية كده وتزودى الجرعه بعد ماجسمك يتعود انا قعدت سنة كامله اخد جلوكوفاج 500 ولا كإنى خدت حاجه ولما اخدت 850 مرتين اتحسنت والحمد لله
  4. @shymolata

    boba boba
    شيمو ازيك اخبارك ايه هى بطة نور حامل ولا ايه؟ هى صحيح ليه مش بتشارك ليها فترة طويلة
    بوبا حبيبتى اولا ربنا معاكى فى العزومات دى بجد اتضايقت اما قريت موضوع العزومات ده
    بالنسبة لبطة نور اخر مرة دخلت كانت حامل فى الشهر الثالث وده يمكن من 3 شهور كده
  5. @ashtkt_alyk

    عزيزة....ممكن جدا تكونى اخدتى الابرة ديه اكتر من مرة علشان كده جسمك اتعود عليها و محسيتيش بمغص....وحتى لو التبويض حصل بعدها كده كده الحيوانات المنوية بتعيش مده مابين 48 ل 72 ساعة...

    وداع...ديه مش نهاية العالم ..ده اسهل حاجة فيما بتعلق بامراض تأخر الحمل....وده السبب فى سوء استجابتك للتنشيط...وعلاجه مش هيكلفك كتير...واحنا قلناه هنا مرارا و تكرارا....خسسان+ميتفورمين ...ثم لو محصلش حمل يتعمل تنشيط لعدة شهور متتالية و بامر اله ربنا يكرمك....

    تويتى...ربنا يخليكى يا قلبى و يفرح قلبك فى القريب العاجل.

    أوكسى....الخطة اللى كنت اقصدها مش استشارة الدكتور عادل...طبعا ديه حاجة فى صالحك و هو كمان مش هيتأخر عنك لو طلبتيها....لكن اللى كنت أقصده هو مكان العملية....نتعب شوية و نعملها فى مكان أبعد شوية...لكن مضمون...أحسن ألف مرة ما ندخل تجربة مش مريحة و نغرم فلوسنا و جهدنا و أعصابنا....احسبيها مع نفسك و جوزك...و برده استخيري الأول على الدكتورين اللى عندك...

تابعي تجارب أخرى من هذا القسم.