والله يا شام موضوع يخوف :44:
حنا مقصرين في حق أنفسنا قبل عيالنا
الله المستعان ..
من ناحية إعلام الطفل عن الساعة .. أتوقع عمره يحكم
ولازم نشوف سيرة الرسول اللهم صلي وسلم عليه متى علم الأطفال عن هذي الأمور ..
لو نشوف مثلاً الصلاة نأمر الأطفال عليها من السابعة لكن نضربهم عليها في العاشرة وأكيد مو الضرب المبرح
فهذا أهم أمر عن علاقة العبد بربه .. وفيه فرصة تعليم 3-4 سنوات وبالتدريج
موضوع الساعة والموت والجنة والنار في نظري يبغى لها روية في طريقة الإخبار ونستغل الظروف أو الأحداث
ونذكرهم بأن الله يرانا وفيه يوم حساب ينتظرنا وان مافيه شيء يضيع .. الله يحاسبنا على كل شيء
و نذكرهم بمبدأ الثواب والجنة ونعيمها وان النار مصير من يعصي الله
عيالي لما يسألوني متى نروح الجنة أقول بعد مانموت يقولون مانبي نموت :(
أحس الموضوع أكبر من عمرهم ولدي عمره 8 يعني الحين يعرف الله سبحانه وتعالى
والرسول اللهم صلي وسلم عليه
يسمع بيوم القيامة بس مايتخيلها
يعرف الموت والجنة والنار ويسأل عنها كثير
بس الساعة والمسيح الدجال وأشراط الساعة ما جا مجال أكلمه عنها
حتى لما أشوف في المنهج الدراسي حقهم كل الأمور عن الإيمان و أساسيات العبادة يعني بالتدريج مرة
لأن الأهم في هالوقت انه يعرف دينه
ان عرف دينه وعرف ربه بيعرف ان فيه نهاية للكون وحساب وعقاب بعد كذا ..
يعني زي مانزل الإسلام بالتدريج يكون تعليمهم بالتدريج .. لأن رهبة الكلام عن الساعة تصيبنا احنا فكيف بالطفل
أتوقع أهم شيء يكون الطفل في بيئة إسلامية وأصدقاءه واللي حوله يكونون من دينه ...
وأكيد راح يجي هالموضوع ويعرفون عنه ويسألون
زي ما حصل معنا في بلادنا
الله يعصمنا عن الفتن ويجيرنا من أهوال الساعة والقيامة :(
موضوع يشغل بالي كثيرا .. آولادنا وقيام الساعة ..!!!!
متابعة النقاش، صفحة 2