ليه محد يحب ولدي

بالاضافة ان حالتي مثل حالتك بس الفر ق ولدي شقي شوي ويخرب بيت اهلي ويسوي قلق ودوشة ماشاء الله عليه تبارك الله :09: يعني ولدي مثال ممتاز للعربجة


بس انا مطنشة يقولونها بوجهي ولدك كريه وماينحب:44: بس انا ماهمني بالعكس الولد صار متعلق فيني انا اكثر بعكس اخته اللي الكل يحبها ماشاء الله تبارك الله ماهي متعلقة فيني وممكن تروح تنام عند اهلي يومين وماتسأل عني ماعندها مشكلة بس الولد حنون علي ولو زعلني هو يزعل على نفسه ويقعد يراضيني ماشاء الله عليه عاد صدق انه دفش حتى في رضاوته:42: بس اهم شي احس انه يحبني


وفي النهاية ماحد يحب ولدي بس انا احبه :)



ادعولي الله يهدي ولدي ويصير عاقل وحبوب ويبطل عربجة :)

ياعمري بالله انتي جبتيه عشان الناس تحبه ههههههههه هو حبيبك انتي ووليدك انتي والباقي في قريح حتى اخوانك صدقيني بكره بيكبر ويذكرها لهم ادعي ان الله يصلحه وربيه على تعاليم الدين القويم وحاولي تصنعي منه شخصيه قويه لاترضى بالهزيمه خليه دايما ًيطمح للعلا ولاتضربينه عشان ناس مهي مقدره نعمة الاطفال

وصدقيني ااذا شافوه وصل الى درجات عليا من العلم والدين بيندمون

همسه في اذنك يمكن وليدك شقي صح ويمكن هذا تعاملهم عادي بس انتي حساسه شوي هااااه عيني بعينك اعترفي باين من كلامك انك حساسه من ناحية طفلك جدا

خلك صريحه معهم قولو ولدي وش فيه ترا قدره من قدري الي يغلييني يغلي ولدي واجلسي فتره لا تروحين لهم خليهم يعرفون غلطهم

انا كانوا اختي واخواني وامي يجيبون للبزارين هدايا وينسون ولدي مره بحجة انه اصغير ومره جبنا للبنات والمره الثانيه مادرينا انه بيجي وولدي مسكين ينكسر خاطره وجلست فتره ماعاد رحت لهم واذا دقوا قلت ليه اجي عشان تكسرون بخاطر ولدي وزعل عليهم الوالد والحين لوبيشترون حلاوه احسبو ولدي حتى لو ماجيت يوزونها له

عادي ..مب لازم يحبونه..وغبية لو هاوشتيه عشان الناس!!

صدقيني هو مميز..ودائما المميزين والأذكياء الناس ماينسجمون معهم..أفرحي فيه وثقي إنه ثروة بيجي يوم كلن يعرف قدرها ودايم الثروات ماينعرف درها وقيمتها من بداية الأمر..
أنا عندي ولد كذا..وكل من شافه قال فيه ثقالة دم(هو ثقيل لأن تفكيره أكبر من الأطفال)بس هم ما يفهمون..
عاد إذا أحد قالي ياثقل دمه قلت لهم بيجي يوم تتفاخرون فيه إنكم قد سلمتوا عليه أو إنه يقرب لكم..
طبعا كل هالكلام على افتراض إنهم صدق يكرهونه..والله لا يبين غلاه بس ترى الحب من الله..أنت الحين تحبين عيال اخوانك كلهم؟!!

بس انت خلي عنك الحساسية ولا تحسسينه بهالشي وتكبرين نفسه على أهللك..هو طفل وياخذ الأمور ببساطة وتكبر عنده لما يشوفها كبرت عندك..