السلام عليكم اخواتي
كان ودي انا بعد اشارك بتجربة امومة لمراهقة بس ماعندي بنات
واعجبتني مشاركة ام مشاعل وام يحيى
وحبيت اشارك بتجربة أمي الله يخليها لي
أمي عندها ثلاث بنات ماشاء الله وكل وحدة شكل مختلف
وصفتها الناجحة والي اتمنى اني اقلدها فيه انها ماشاء الله ما نقصتها مشاعر الحب
امي انسانة حبتنا كلنا بس تعاملة مع كل وحدة على حدة
بالنسبة لي ولاني كنت احب القيادة كانت تستشيرني في كل شي وتاخذ رائي ولو ما اعجبها ما تقول لي لا مو زين
لو ما اعجبها كانت تقول طيب وش رايك لو سوينا كذا علشان كذا وكذا
قصدي انها تشرحلي بالتفصيل علشان ماتزعلني وفي نفس الوقت تدرسني
لما كنت اعصب- وانتم تعرفون المراهقة- كانت ما تناقشني او تخانقني. كانت تعطيني على قد عقلي وتخليني انفس غضبي وما تكلمني حتى اجيها واستسمحها وتقعد ساعتها تكلمني وتنصحني
كانت اهم وسائل امي -ولما اقول اهم قصدي اهم - هي القصص والمواعض
كانت دايماً تقص علينا من قصص الرسول(ص) الى قصص فلانة بنت فلان الي ما سمعت كلام اهلها و وش حصلها
كان لكل وحدة منا مسؤلية -علشان تربي فينا الاعتماد على النفس-كمان علشان تنشغل البنت وما تقعد تفكر باشياء اذا ما ضرتها ما نفعتها
علشان كذا لما تكبر بنتك قللي من شغل الشغالة وخلي بنتك تساعد في البيت علشان تحس انها حرمة ومسؤلة ولها اهمية
ولا تخلينها تنشغل في الانترنت او التلفون او الصديقات لان البنت في هذا السن تبغى تكبر بسرعة ومستعدة تجرب اي شي
وهذا هو الخطر
وسلامتكم:39:
البنت .. ماذا تريد ؟؟
متابعة النقاش، صفحة 3