ماأحب أعزم أحد في بيتي/ قديم

قلت ادب اسمحيلي كل الناس تتعب وتتوتر لاعزمو مو انتي لحالك بس يجاملون
دام عندك بيت وشغاله يعني مالك عذر
ومو عذر بعد انك تقولي ماروح للناس الابمناسبه طيب سوي ببيتك مناسبه واعزمي
الكلام لك ولغيرك

انا احب اعزم بس على حبه حبه عشان بيتي صغيييير ومافيه مكان مخصص لضيوف وزوجي يحب يمر المغرب يتقهوى يعني احراج شوي بس احراج وينحاس نوم ولدي بايام الدراسه ولا يازين الكرم والله اني احبه ومو لازم الكلافه

نعم اختي ؟؟؟ خير اشقلتي ؟
وشو اللي قلة ادب ؟؟؟؟
لايكون الناس كانت واقفه عند الباب وقلت لهم ولاتشبرون داخل بيتي !!!!
الموضوع صارله اسبوع والردود اشحلوها .. حتى اللي انتقدت انتقدت بأسلوب حلو والدليل بآخر رد لي اني قررت اسوي عزيمة

بس للاسف الناس اللي مثلج واللي ردها نفس ردج هي اللي ماتنعزم

والله بيتي وكييييييييييييييييييييييييفي ,, البيت بيتي والحلال حلالي ,, ان بغيت اعزم بعزم وان مابغيت اعزم ماراح اعزم ,, والله اسلوبج هذا اللي كرهني بالناس ومجاملتهم على حساب نفسي ..

اعرفي شلون تنصحين وتتكلمين عدل بعدين تعالي قوليلي قلة ادب !!!

ايه عندي بيت وشغاله ولاتنسين عندي زوج ووظيفة واطفال ,, حتى زوجي عمره ماقالي شي ولاانتقدني لانه عارف ظروفي وانا عمري ماتكلمت عن ظروف شغلي واطفالي .. والدليل ارجعي لموضوعي ماشفتيني تحججت بوظيفة لين العصر واطفال وزوج طلباته كثيره ...

بس والله قهرتيني

اختي صاحبة الموضوع انا معجبه بصراحتج وباسلوبج باعكس انتي تكلمتي بكل شجاعه عن شي تحسين فيه وانا حبيت اشاركج واخفف عنج هالشعور بالضيق اللي تحسين فيه بقولج شلون :
اولا : انا ما اييد المره اللي دايم طايحه تعزم في خلق الله على الماي والاملاح بالعكس الكل بينقد عليها وبيقول هذي ماوراها بيت وعيال تنتبهلهم وماتراعي الخوف على حلال زوجها ومبذرتها في العزايم .
ثانياً : اللي ماتعزم بالمره بيقولون هذي مافيها خير ومب بنت نعمه وماتعودت على الخير وماتبي احد يدخل بيتها وبيكرهون جيتج ولا راح يقومون بواجبج.
الحل الوسط واللي اشوفه مريح وصحيح هو انج بين كل فترة وفترة وتكون بعيده وفيه مناسبة مثل العيد او العطله او رمضان تسوين لج دعوة على قهوة لجيرانج او يوم فطور لاهلج بروحهم والا يوم عشا لاهل زوجج علشان واجب الزوج وماتحاولين تتكلفين وترهقين نفسج بالاعداد والتجهيز يكون عندج وقت طويل للاستعداد وبالهطريقة ترتاحين ويرتاح ضميرج وماتحسين انج ناقصه او مب طيعيه

تسلمين اختي على ردج وصحيح معاج حق
انا ماعندي مشكلة مع اهل زوجي واهلي ,, لانهم اهل البيت وبالعكس يساعدوني
بس الاقارب البعاد , الجيران , الصديقات ,, يعني هذولي الناس اللي لازم تكون عزيمتهم رسمية شوي عرفتي
ومشكورة وان شاءالله باخذ بنصيحتج