شاركي في النقاش

سجلي الدخول لإضافة تعليق.

التعليقات

703

  2. صاحبة الموضوع
    قشطة محمضة
    تسلم إيدك وجزاك الله ألف خير :26:
    بالنسبة للسبانخ انا بغسلها كويس جدا علشان بتكون مليانه رمل وبعدين اخرطها بالسكينة واضعها فى حله من غير ماء خالص ووطى النار حتلاقى السبانخ بتنزل مايتها ولما تشربها اطفى النار وعادى ضعيها فى الاكياس وفضى الهواء وكملى عادى ولو كنتى بتعى معاها كسبرة خضراء اغسليها وقطعيها بالسكينة وحطيها معاها فى الحله
    وبالنسبة للسلق اعمليه عادى خالص كأنك حتحطبه على القلقاس ولما يبرد فى المقلايه ضعيه فى اكياس صغيرة او فى برطمان (فكرتينى والله انا لسه حكتبلكم طريقه تقشير القلقاس وطبخه )


    ولا تحتارى خاااالص انا اللى حقولك :) انا اسمى دينا بس لما جيت اسجل فى المنتدى راسه والف سيف ميسجلنيش الا باسم دن don قلتله خلاص دن دن المهم ادخل :hahaha:

  3. صاحبة الموضوع
    don
    بالنسبة للسبانخ انا بغسلها كويس جدا علشان بتكون مليانه رمل وبعدين اخرطها بالسكينة واضعها فى حله من غير ماء خالص ووطى النار حتلاقى السبانخ بتنزل مايتها ولما تشربها اطفى النار وعادى ضعيها فى الاكياس وفضى الهواء وكملى عادى ولو كنتى بتعى معاها…
    تفريز المعجنات والحلويات



    اولا عجينة الشو


    نشكل العجينة سواء بلح الشام او اكلير او بروفيترول

    اذا كنتى عايزة تجمديهم نيين من غير ماتحمريهم او تدخليهم الفرن يعنى نيه

    1- بعد ماتشكليهم رصصيه فى صاج او صينية ودخلى الصاج الفريزر لحد ما يجمد
    2- شيليهم من الصاج وهما متجمدين ورصصيهم فى علبه بلاستيك
    3- غطى العلبة بورقه ذبد ثم بالغطاء بتاع العلبه واحفظيه فى الفريزر

    طيب لما تيجى تستعمليه :-
    الاكلير والبروفيترول رصصيهم فى الصينية المدهونة لحد ما يفك شوية من الثلج وبعدين دخليه الفرن متوسط الحرارة

    لكن البلح الشام اتركيه يفك شويه من الثلج وبعدين حمريه عادى فى الزيت الغزير

    اذا كنتى عايزة تجمديهم وهما مخبوزين

    الاكلير والبروفيترول اخبزيهم بس ماتحشيهمش واتركيه يبرد

    والبلح الشام حمريه بس متحطيلوش الشراب واتركيه يبرد
    رصصيهم فى علبه بلاستيك وغطيهم وجمديهم فى الفريزر

    طيب لما تيجى تستعمليه :-

    1- طلعيهم من الفريزر وخليه يفك شويه من الثلج
    2- وبعدين حطيهم فى صاج او صينية ودخليهم فرن حار نوعا لاعاده تسخينه
    3- بعد مايبرد يحشى بالكريمة او حسب الرغبة

  4. صاحبة الموضوع
    don
    تفريز المعجنات والحلويات اولا عجينة الشو نشكل العجينة سواء بلح الشام او اكلير او بروفيترول اذا كنتى عايزة تجمديهم نيين من غير ماتحمريهم او تدخليهم الفرن يعنى نيه 1- بعد ماتشكليهم رصصيه فى صاج او صينية ودخلى الصاج الفريزر…
    تجميد الفطائر



    عجينة الميل فى النيه

    1- نشكل العجينة حسب الرغبه
    2- ثم نضعها فى الصوانى المستديرة او المستطيله وندخلها الفريزر لحد ماتجمد
    3- وبعدين نشيلها من الصينية وهى متجمدة ونلفها فى ورق ذبدة
    4- ثم نضعها فى كيس بلاستيك او علبه وتحفظ فى الفريزر

    طيب لما تيجى تستعمليها :-

    رصصيهم فى الصينية المدهونة لحد ما يفك شوية من الثلج وبعدين دخليه فرن متوسط الحرارة

    اما اذا كنتى عايزة تحفظيها وهى مخبوزة :-

    بعد ماتتخبز وتتركيها تبرد رصصيهم فى علبه بلاستيك وغطيهم وجمديهم فى الفريزر

    طيب لما تيجى تستعمليها :-
    1- طلعيهم من الفريزر وخليه يفك شويه من الثلج
    2- وبعدين حطيهم فى صاج او صينية ودخليهم فرن حار نوعا لاعاده تسخينه
    3- بعد مايبرد يحشى بالكريمة او حسب الرغبة

  5. صاحبة الموضوع
    don
    تجميد الفطائر عجينة الميل فى النيه 1- نشكل العجينة حسب الرغبه 2- ثم نضعها فى الصوانى المستديرة او المستطيله وندخلها الفريزر لحد ماتجمد 3- وبعدين نشيلها من الصينية وهى متجمدة ونلفها فى ورق ذبدة 4- ثم نضعها فى كيس …
    تجميد الكعك(الكيك)

    اولا الكعك الاسفنجى

    يفضل تجميده مخبوزا لانه يفقد الهواء الذى ادخل فيه بخفق البيض ولا يعطى ناتجا جيدا وهو مجمد نىء

    ثانيا الكعك الدسم
    يمكن تجميده نىء ويبقى فى حالة جيدة



    تجميد الكعك الدسم نيئا

    1- بعد ماتعملى الكيكة ضعيها فى الصينية او القالب اللى انتى حتخبزيها فيه وتكون مدهونة ومرشوشة بالدقيق

    2- دخليها زى ما هى الفريزر لحد ما يجمد سطحها

    3- وبعدين ضعى الصينية فى كيس بلاستيك وااحفظيها فى الفريزر

    طيب عند الاستعمال :-
    1- طلعى الصينية او القالب من الفريزر واتركيها حوالى ساعه وكده حيكون التلج ساح نوعا ما
    2- دخليها الفرن تستوى زى الكيك الطازج فى فرن متوسط الحرارة حتى ينضج

    ملحوظة
    الكيك المجمد بيكون اصغر حجما من الكيك المخبوز الطازج / وبيكون اقل نكهه من المخبوز الطازج

    تجميد الكيك المخبوز
    1- بعد ماتخبزى الكيك شيليه من القالب او الصينية واتركيه يبرد تماما
    2- لفيه فى الفويل او ورق ذبده ثم فى كيس نايلون
    3- ودخليه الفريزر يجمد

    ملحوظة
    يجب عدم تركه بضعه ايام قبل تجميده حتى لايفقد طزاجته وطعمه الجيد ونكهته
    (يعنى ) متسبيهوش كذا يوم بره او بعد ما الاولاد رفضوا ياكلوه وتفكرى تجمديه بعد كده

    طيب عند الاستعمال :-
    1- ضعيه فى فرن حار نوعا لمدة 10 دقائق
    2- ويترك مغلفا بورق الذبد او الفويل ليعطى ناتجا كالطازج

تابعي تجارب أخرى من هذا القسم.