ريلي يوم سويتها والياهال ماتو عليها (اسم الله عليهم)
وهاي صورتها

المقادير :
بطاطس كبيره الحجم تغسلينها زين وتحطينها بقدر ماء مغلي مع شويه ملح لين تستوي وبعدين طلعيها من الماي وخليها لين تبرد وقشريها
حطيها في الكيتشن ماشين او خلاطه كبيره وحطي عليها بيضه واحده وملح وكريما (كريمه الطبخ ) وزبده وحليب ( طبعا المقادير حسب حجم العائله ) واخلطي
نيجي حق صلصه المشروم
في مقلا ذوبي ملعقه زبده وحمري فيها ملعقه طحين لين يصير لونه ذهبي غامق مايل على بني وحطي عليه كوب كريمه الطبخ و2 مكعب ماجي وقلبي لين يصير لونه بني ومو ثقيل وايد وضيفي مشروم مقطع وخلي يطبخ شوي
في مقلاه اخرى حمسي شويه بصل مفروم لين يصير بني
في سرفيس حطي البطاطس وصبي الصلصه على الجنبين وزينيها بالبصل
وابالهناء والشفاء :)


