(تجارب المطلقات) دعونا نتشارك بمعاناتنا واراءنا وتطلعاتنا لبناء مستقبل جديد

متابعة النقاش، صفحة 7

شاركي في النقاش

سجلي الدخول لإضافة تعليق.

التعليقات

2,976
  1. @ammhmd_1

    بنت الجزيرة1

    شكرا حبيبتي على المرور ... و الحمد لله على كل حال .. هي تزوجته طمع فيه ..أكيد راح تخسر في النهاية .. لان تفكيرها من الأساس غلط ..
    صحيح صعب الوحده تتزوج واحد متزوج .. لانها تخاف تظلم زوجته الاولى وماتدري شلي يخليه يتزوج عليها ويمكن يتزوج الثالثه عليهم و الرابعه بعد .. بس تعرفين الوحده تخاف إنها تكبر وماتلاقي احد معاها ..ونفسيا تحتاج الوحده فينا ان يكون معاها زوج لو كانت بصحتها وفلوسها عندها .. هذا مايغني عن الزوج .. خصوصاً إلي ماعندها عيال ..
    يعني اللي عندها أولاد أو ولد ممكن يشغلها عن التفكير وعن الوحده لان معاها اللي اهم من الزوج .. اللي تربية وتخاف عليه ..

    الحمد لله على كل نعمه .. و على كل حال ..
    و الله يصبرنا ويفرج عنا وعن جميع المسلمين و المسلمات ..
  2. sooooon
    الله يفرج هم كل مطلقة ويعوضها خيرا ويصبرها ويقويها وما يجعلها تحتاج الا لوجهه الكريم.
    خواتي العزيزات انا ملكت وفسخت ملكتي بعد سنة تقريبا والانسان اللي تزوجته خذته عن حب وسبب الانفصال كان طلب مني والسبب سالفة طويلة عريضة ابحثوا فمواضيعي بتعرفون قصدي..

    انا مقتنعة بطلاقي بس المشكلة فقلبي يعني اتضايق واحس الدنيا تسود بوجهي يوم يمر اسمه صدفه فالتلفزيون او اقراه فجريدة او مجلة او اي مكان .. يابنات احس قلبي يتقطع يوم اتذكر الاشياء الحلوة اللي كانت بيننا او البس شي كان هدية منه او شريته معاه .. كل مكان فالبيت يذكرني فيه..
    حتى هداياه لي للحين عندي واغلبها اشياء حق ديكور غرفة النوم وانا ماشلتها من الغرفة لانه موهاين علي..

    انا ماابيه ولاابي ارجعله والحمدلله اللي افتكيت منه بس تكفووووووووون علموني شلون اتجاوز هالمحنة .. علموني شلون انسى .. ارجوكم علموني شلون انسى :(
  3. @ammhmd_1

    bnt_nas

    ماادري شقول لج عيوني .. بس اتصور لو تتخلصين من التحف و الهدايا الموجودة عندج بالغرفة عشان تخفيين شوي من الضغط النفسي اللي عليج منها .. لانها تذكرج فيه ..
    وقبل هذا الدعاء .. و القرب من الله ترى احسن شي تسوينه .. القرآن .. و الاستغفار
    لا تفتشين عنه في التلفزيون أو الجريدة او المجلة أو اي مكان .. ولو شفتيه صدفه .. اعتبري انه هم وانزاح .. أو انك ماشفتي شي أساساً ..

    تعرفين شي.. آنا أهلي لين تذكروا طليقي كل واحد حسب حالته ذاك الوقت بعضهم يتحسب عليه وبعضهم يسبه .. وبعضهم يدعي عليه .. وبعضهم يقول من وين جا لنا كنا مرتاحين .. المهم أنا شقول لين تذكرته أو شفت اسمه في الجريدة .. لانه شغله كاتب وصحفي يعني كل يوم اسمة منرز في الجريدة وصفحة اولى .. لم اشوفة .. أقول الله يسعده دنيا وآخره ... :) و أقول الحمد لله اللي خلصني منه .. يمكن تستغربين من اني أدعي له .. أدعي له لانه كان سبب قربي من الله ولله الحمد .. ولان الصدمه معاه وعتني بشكل أكبر على الدنيا ..
    غير هذا انه حقق لي حلم .. في إني أصير أم .. رغم كل عيوبه .. ورغم كل شي .. وماودي في يوم ولدي يكره أبوه .. لأي سبب من الأسباب ..

    أتمنى تجربتي تنفعج ..
  4. @mbrkaah_hanm

    صاحبة الموضوع
    اجمل ايامي18
    اخواتي وحبيباتى الله يرزقكم الازواج الصالحين المحبين الي يسعدونكم ويعوضونكم عن الايام الي شفتوها---------------------------------- وترا كل شى يتعوض ويتصلح وعليكم بس بالدعاء------------------- وانا حبيت ادخل واقول لكم اني احزن كثير من مقو…
    اختي الغاليه بنت الجزيره
    اشكرررررررررك الف شكر على مرورك وكلامك الجميل فعلاااااااا الحمد لله كما ينبغي لجلالك وعظيم سلطانك ,,,,,,,,نعم عديده اسأل الله ان يرزقنا شكرها
    فعلا الحياة مو كلها زوج بس غصب الوحده تفتقد للانيس والقريب خاصة في مجتمعاتنا الاسلاميه ولله الحمد التي تخلو من الصديق والعشيق ,,,
    بالنسبه لقريبتك اللي اخذت متزوج فعلا مو حرام بس الناس اللي الله يهديهم حرموه من انفسهم وصاروا يحاربونه ويحاربون الزوجه الثانيه ويعتقدونها سفاحه مجرمه ويحسسون الزوجه الاولى بانها مظلومه مسكينه ,,,يعني العيب مو من تصرف قريبتك لو بنجي نتكلم من منطق الدين والعقل بس العيب من هالناس اللي يعظمون الامر ويخلووووونه كبير ,,,,يعني انا احس لما يتقدم لي متزوج على طول يروح بالي على كلام الناس وبسسسسسس ,,,,,,,,سببوا لنا عقده من هالموضوع ,,,
    الله يجزااااااااااااااك الف خيررررررررر على دعواتك الصادقه غاليتي ...

تابعي تجارب أخرى من هذا القسم.