(تجارب المطلقات) دعونا نتشارك بمعاناتنا واراءنا وتطلعاتنا لبناء مستقبل جديد

متابعة النقاش، صفحة 8

شاركي في النقاش

سجلي الدخول لإضافة تعليق.

التعليقات

2,976
  1. @mbrkaah_hanm

    صاحبة الموضوع
    أم*محمد
    مبرقعة هانم .. هلا حبيبتي .. شلونج ؟ عساج بخير ... أنا معاج إن الفضفضة تريح الوحدة .. بس أنا عندي صديقتين هم اقرب الناس لي .. أكثر شي أفضفض عندهم .. طبعا هذا بعد ماانفصلت .. ما عاد عندي صديقات .. الله يجازيه خير إن شاء الله حكم عليّ إن…
    ام محمد زعلتيني منك ليش تسوقين وانتي معصبه وتبكين كذا خطر عليك يصير لك شيى ,,,,,,,, ولفتي انتباهي شيى غريب يام محمد اللي هو تواصلك مع اهل زوجك ؟؟؟؟كيف ؟؟؟؟؟؟؟؟ اشرحي لي كيف الوضع وانتي الان مطلقه ؟؟؟
  2. @mbrkaah_hanm

    صاحبة الموضوع
    bnt_nas
    خواتي العزيزات انا ملكت وفسخت ملكتي بعد سنة تقريبا والانسان اللي تزوجته خذته عن حب وسبب الانفصال كان طلب مني والسبب سالفة طويلة عريضة ابحثوا فمواضيعي بتعرفون قصدي.. انا مقتنعة بطلاقي بس المشكلة فقلبي يعني اتضايق واحس الدنيا تسود بوجهي يوم…
    اختي الغاليه بنت ناس
    انا تابعت موضوعك قبل فتره وعرفت انك طلبتي الطلاق بسبب شكوكه
    واقولك الحمد لله انك ما تزوجتيه بس كنتي مملكه عليه ,,,,هذا أهون كثييييييييييييييييير من انفصالك عنه بعد الزواج ,,,,,,الحين ما يطلق عليك مطلقه في نظري لانه ما دخل بك ,,,,صدقيني ايام وتنسيه ,,,,, واوصيك ونفسي باللجوء الى الله وكثرة الاستغفار والدعاااااااااااااااااااااااااااااااء فهو ملاذ المومن ,,,,
    وهالفتره تبي تاخذ وقتها منك اكيد بس صدقيني ايام وتمر وبتنسينه ,,,,الله يعوضك خير حبيبتي ,,,,,,واحنا هنا نستقبلك ونحييك وكل ما حسيتي انك متضايقه ادخلي وفضفضي وقولي اللي بقلبك كله ,,,,,لان همنا واحد فعسى الله ان يعوضنا خير
    اغلى التحيات لك غاليتي :)
  3. @aal_tbyaatha

    انا على وجه طلاق واصبحت متأكده من وقوعه لأني مصره عليه طبعا بعد ارادة رب العالمين
    انا اريد الطلاق بصراحه لكن خايفه من عدة امور مثل
    نقص في الماده واعتقد اني انا اللي راح ارفض أخذ شي منه واكيد راح ارفض وممكن ادور على عمل او والدي يصرف علي من جديد الله يعينه
    وكمان خايفه من فقدان الحريه اللي كنت استمتع فيها في زواجي
    وخايفه من الوحده والقعده لفترات طويله لوحدي خصوصا اني ماعندي صديقات نهائيا نهائيا
    ماعندي اقارب يجوني ولا لي اي علاقات اجتماعيه
    مااخرج وانا متزوجه الا للسوق او اماكن النزهه والفسح والتمشيات وصالونات التجميل
    بالله فين اروح بعد الطلاق ؟؟ هذي كلها ماعاد بيكون لها طعم
    والزينه ماعاد بيكون لها طعم
    ولا شي بيكون له طعم غير طعم الانتصار على نفسي الضعيفه
    راح اتطلق علشان انتصر على نفسي الضعيفه وبس واصلح حياتي
    كمان خايفه انه ياخذ ولدي مني بس ماعتقد لأنه مايهمه حتى يقعد معاه ولا يدري عنه
    وبصراحه لو جالي نصيب زين اكيد بوافق اجل ليش بتطلق كان قعدت قعدتي هذي
    بس برضو خايفه من الزواج الثاني
    خايفه ان نفسيتي تتعقد من الوحده والفراق الي لابد منه
    لازم في البدايه المواجهه صعبه
    بس اتمنى نوقف جنب بعض يااخوات وتوقفون معايه
  4. السلام عليكم ورحمة الله وبركاته


    اخواتي العزيزات عمر الطلاق ما كان نهاية العالم


    بالعكس فيه بنات تطلقوا وتزوجوا للمره الثانيه والثالثه ويكون احسن من الزوج الاول

    هذي وحده اعر فها ابوها زوجها ولد عمها وعمرها 14 سنه وهو متزوج قعدت معاه اكثر من سنه ثم تطلقت وبعدين خذت واحد ثاني متزوج وقعدت معاه اقل من السنه ثم تطلقت

    واللحين ماشاء الله تبارك الله تزوجت واحد بكر هههه ماتزوج وسعيده معاه بس ماعندها اطفال الله يرزقها قولوا امين

    ووحده ثانيه تزوجت وماتوفقت وتطلقت ثم تزوجت واحد ثاني ماتزوج واللحين معاها اطفال منه ماشاء الله تبارك الله



    بنات اللي يتقدم لها واحد كفؤ لاترده تستخير وتتزوج مره ثانيه عادي موب حرام ولا عيب
    على الاقل عشان الوحده تجيب عيال يسندونها اذا كبرت

    وبالنسبه لاختي ام محمد اذا زوجك سعى للصلح وحسيتي انه تغيرللاحسن استخيري وادعي الله اذا فيه خير ترجعين له عشان يتربى الطفل بينكم حسيت من كلامك انه يحبك
    واختي بنت ناس انا قريت موضوعك قبل قولي الحمد لله انك عرفتيه قبل يدخل عليك وانصحك تتخلصين من كل هداياه كلهااااااااااا
    وانسيه نهائيا وفكري بالمستقبل وبس

    الله يوفقكم واللي منفصله الله يرزقها الزوج الصالح اللي يسعدها ويعرف قيمتها , واللي زعلانه مع زوجها الله يهديه لها ويصلح حاله امين , واللي ماعندها عيال الله يرزقها الذريه الصالحه امينن يارب العالمين

    بنات ادعولي بالذريه الصالحه الباره


    وان شاء الله اقرا اخبار تفرح في القر يب العاجل

    والله يوفقنا جميعا ويبارك فينا ويحفظنا من كل مكروه امين
  5. @ammhmd_1

    مبرقعه هلا عيوني .. شخبارج ؟؟
    :) تعودت إني اسوق وانا بهذي الحالة وماارتاح إلا كذا .. لاني مااقدر ابكي في البيت ..يمكن يكون كبريائي وعزت نفسي يمنعوني .. هذا غير اني لم اطلع اغير جو بالمرة .. عن جو الخنقة تدرين الوحده تحس بعض الأحيان انها مخنوقه .. ومافي طريقة إلا هذي تريحني .. الحمد لله .. :)

    وعن أهل طليقي .. تراهم أحسن الناس ولله الحمد .. وقفوا وياي ضد ولدهم :) لانهم يدرون إنه ظلمني .. ولليوم ولبكرة لو يجلسون مع بعض ويذكروني يبكون .. ترى مو مبالغه ..بس ام زوجي لم تتصل فيني أكلمها شوي وماتقدر تتكلم معاي من قد ماتبكي وتحزن .. :) واخواته مثل اخواتي ويمكن أعز .. لازم يتصلون فيني كل كم يوم ولو أتأخر مااتصل فيهم يومين يتصلون منزعجين وخايفين اش فيج عسى ماشر .. و إذا اتصلوا ومارديت على التلفون يقلقون ويتمون يتصلون لين أرد ... الله يخليهم ويحفظهم من كل شر يا رب ..
    أزروهم بإستمرار :) وأطلع معاهم عادي مثل ماكنت قبل وياهم ماتغير شي بينا غير اني صرت طليقه ولدهم :) ..

    غير هذا انهم عادوه بسببي صاروا مايحبون يقعدون وياه ولايكلمونه لدرجة ان امه ماعادت تسأله لو أكل مااكل ولا تخلي له أكل لو كان مو موجود في البيت .. يبي شي يتكفل بنفسه .. ونفس الوضع مع أخوانه الشباب ..
    يعني بالمختصر .. ولله الحمد أنا صرت لهم أعز من ولدهم :)

    و إنتِ حبيبتي شلون تقضين وقتج ؟

تابعي تجارب أخرى من هذا القسم.