شاركي في النقاش

سجلي الدخول لإضافة تعليق.

التعليقات

41

  4. @ymam_ngd_1

    بقول لك شي وانت حرة تاخذين بكلامي او تقطينه وراء اذنك او وراء عينك دام حنا نكتب

    زوجك انسان متعود انه يسوي الي براسه وهذا طبيعي والا كيف بيصير رجل اعمال ناجح

    هو مايكرهك لكنك امر واقع بحياته ام عياله وبس
    امراة ما اختارها لكن اختاروها له اهله وبوقت مراهقتكم كنتي مناسبة له لكن الحين هو كبر وانت مثل اول ماتغيرتي
    تعود على انك مو معاه ولا يحس بقيمتك ومع هذا يحبك بدون ان يحس انك يحبك كثير
    اصلا هو مايعرفك انت مجرد زوجة تقليدية زوجة تليق بمستواه يحبونها اهله تنفع ان تكون ام لابنائه وبس (هذا بوجهة نظره ) خصوصا بالحاح اهله عليه يعاند كانك مفروضة عليه
    كوليت صديقته انيقة تنفع دور العشيقة وامراة يسافر معاها وينام معاها وفيه شعور انه ما خذ شي بارادته مو بارادة اهله
    وواضح انه ماصار يقرب لك جنسيا لانه كرجل اعمال ماعنده طاقة
    الشغل بالتجارة يجهد الاعصاب وطاقته يادوب لهالكوليت ويمكن هي بذكائها تفرغ طاقته اول باول لاجل لا يصفى لك شي

    انا مابدخل بتفاصيل علاقتكم بالماضي لاننا اولاد النهار دا على قول اخواننا المصرين
    لكن انت فكري كيف تجذبين زوجك لك من جديد

    فكري ان عندك عناصر قوية
    اولها انك بنت بلده ومجتمعه
    ثانيها ام عياله التؤوم وماعنده عيال غيرهم وماقلتي انه يحب اولاده بشكل انه متعلق فيهم او حب عادي
    ثالثها ابو زوجك وامه واهله معاك بصفه

    اذا المشكلة الان بعلاقتك مع زوجك
    ابداي وفكري ليش ماصرتي جذابة مع زوجك
    هل علاقتك الخاصة معه راضية عنها
    هل تبادري له او تنتظري مبادراته
    اذا صار مايقرب لك جسديا ليش ما تتقربي له بنفسك بنعومة الانثى وبجمالها خصوصا انك انيقة وتهتمي بنفسك وماينقصك شي ماديا لتكوني افضل من كوليت واهل كوليت كلهم
    تقربي له وبادري بنفسك
    فكري وحطي نفسك مكان زوجك اش هو يبي

    بريحك واقول لك اش عادة رجال الاعمال يحبون
    يحبون المراة النغشة الي تريحهم والنغشة معناها الجريئة الواثقة من نفسها
    وبنفس الوقت ماتكون لحوحة تعرف متى تطلب ومتى تعطي ومتى تمنع


    زوجك عنده المال الله يزيدكم ويسافر ويبي وحدة تسافر معاه وتكون جريئة وتتكلم وتناقش ويكون عندها شخصية ويمكن يبي وحدة ترضى تكون معاه باماكن مختلطة وحفلات عمل وعشاء عمل وغذاء عمل

    انت تزوجتي صغيرة وهذا مو ذنبك
    لكن هو كبر وتغير وتغيركما ماكان متكافئ او بالعربي مو مع بعضكما
    والرجل اذا تعود يعيش بدون زوجته يهون عليه فراقها

    غير انك ماعندك شخصية امامه لتطلبي منه وتواجهيه بنفسك
    حتى الحين اذا جاء وكلمك سكتي واتبعتي اسلوب الصمت معه عن المواجهة والمطالبة بحقوقك وحتى التذمر من الوضع
    اذا انت ساكتة معه كيف بينام معاك
    اي مشكلة رحتي شكيتي لامك وامه وجاوا اهله وانبوه
    هالشي ماينفع مع الرجال فكيف بزوجك وهو رجل عنده شركة وموظفين ويامر وينهي ليجي ابوه يجر اذنه ويقول له عيب يا ولد
    يا حبيبتي انتوا كبرتوا وزوجك كبر وهالشي لازم تستوعبينه انه مو الرجل الي تزوجتيه من اكثر من 12 سنة وانه مايجي بالتهديد ولا لوي الذراع
    هو تغير بحكم خبرته وتجاربه وانت ماتغيرتي
    وهالكوليت جاته بشخصيته الجديدة المراة الي حس بفراغ بحياته فلقاها هي قريبة له وتفهمه وكوليت كانت بنزين جنب نار
    رجل عنده فراغ عاطفي وميسور ومقتدر ويبي يعف نفسه بالحلال

    السكرتيرة التي خلبت لب مديرها
    تعرفين ليش لانها ماعنده شغلة الا تفهم الي يبيه بدون مايتكلم
    تعرف الي يدور بمخه وترتب له
    تعرف تخفف عليه ضغوطاته بدون مايطلب منها
    تكون هي مجندة لخدمته
    وهي تبي المال وهو ما بيقصر عليها لانه ماعنده مشكلة بهالشي
    هو محتاج فعلا سكرتيرة يا حبيبة قلبي محتاج زوجة تكون متعددة الاستخدام وهذه مشكلة الي تتزوج من رجل ميسور او رجل اعمال او مجهد او مضغوط
    لانه ماعنده مشكلة مادية ويختار اسهل الحلول ومنها الزواج ولانها تلاقي صعوبة بارضائه لانه طالع وداير وشايف وبنفس الوقت ما يعيقه شي وقالها لك يوم انه سافر بدون مايعلمك واستنكر عليك السؤال
    واضح من الامثلة البسيطة الي قلتيها انه مايحب اسلوبك معه الي مايحسسه بالثقة فيه

    لتكسبي زوجك او اي رجل بما فيهم عيالك ا لذكور امنحيهم الثقة وبتشوفي البدع

    نجي للحلول وهي الي تهمك

    كيف زوجك يحس بقيمتك وانت امر واقع بحياته


    هو عنده طالما انا اصرف عليها وهي بفلتها مع شغالاتها وسواقها وماعليها قاصر مالها شي عندي


    على فكرة طلب الطلاق الحين هو مناه وخاطره ويمكن يريحه من مسؤوليتك خصوصا لو لويتي ذراعه
    لا تستغربي ان كوليت تحرضه بطريقة ذكية وتعرض عليه حتى تتولى مسؤولية الاولاد خصوصا انهم اولاد وهو مقتدر يجيبون لهم مربية او حتى تنصحه ياخذهم لمدرسة داخلية باوربا وتصير هي الزوجة المتوجة الوحيدة عنده
    لا تستهيني بها هي مو غبية وما ملكت قلبه لدرجة الزواج وان يضرب بالكل عرض الحائط الا لانها عرفت مفاتيحه


    اول ابداي مع زوجك تقربي منه وبالذات بالعلاقة الخاصة
    واصري ان يعدل بينكما لكن بدون لوي ذراع لكن قولي له انا زوجتك واشتاق لك وانت زوجي حلالي واحبك واشتاق لك شي فيك وخذي حقك بنفسك حتى لو في هذا ضغط على مشاعرك

    غريمتك امراة مي بسهلة لا تستهيني فيها
    هي بعد دايرة وشايفة ومن مجتمع متحرر ومستعدة تعمل لزوجها البدع لتكسبه

    اذا بتصيري تقليدية بالفراش معه سلبية تنتظري متى يطلبك ما بتكسبينه ولا بتجذبينه ولا بيهتم اصلا بينام معك وهو مخلصة طاقته القليلة اصلا

    قولي له فعليا انك تحبيه وانك تفتقديه وهو زوجك حلالك

    لا تعاتبيه كثر العتاب بيطفشه وبيبعده عنك لكن بنفس الوقت عبري عن مشاعرك
    اذا جلس معاك قولي له انا بنفجر لهذا ساكتة تقدر تسمعني بدون ماتقاطعني وقولي الي بداخلك لكن بحب له يعني ماهقيتها منك تجازيني كذا ماتوقعت اني اهون عليك وانت حبيبي وحياتي
    انت مو بس ابو عيالي لكنك زوجي وحبيبي وكيف كنت انتكر الايام تمر لترجع لي
    طيب قولي لي وش قصرت معاك ليش ماعطيتني فرصة لو انك شايف اني مو مقصرة او ما اعجبك ان اتغير
    قولي له انك مجروحة لهذا سكتي
    لكن بالعكس ريحيه لما يكون معاك خلي الوقت الي هو معاك فيه وقت استرخاء له ودلال وخليه يدللك بعد
    خليه يحب البيت ويحب ان يرجع لك لان البيت بيلاقيه مصدر الحب والراحة
    واربطيه بعياله
    عيالك ورقة ضغط رابحة لو استغليتها صح
    لو ارتبط بعياله وارتبطوا فيه هم بيجرونه لبيته غصب عن هالكوليت
    بيت كوليت الحين الي مافيه عيال هو بيت راحة له واسترخاء وماحس زوجك بقيمة العيال لانه يدور ويسافر وماعاش معاهم ولا عرف حلاوتهم ولا مشاكلهم بعد

    واصنعي لنفسك مثل اول عالم يمتعك لكن باشياء تزيد ثقتك بنفسك
    الرجل يحب المراة الواثقة من نفسها وثقتك بنفسك لاجلك مو لاجله وبس
    لاجل تحسي بكيانك وانك امراة مستقلةب ذاتك مو لانه صنعك بفلوسه

    هو يشوف انه مو قاصر عليك شي فهذا من حقه ان يكون له حياته وعالمه
    وانت بعد شوفي هالشي ان يكون لك عالمك ومتعك الشخصية الشرعية طبعا بدون ان تغصبي الله ولا تغضبيه لكن ان يكون لك نشاط يشغلك عن التفكير بمشاكلك الخاصة معه

    اذا هو فيه خير بيرجع لك
    لكن بعد بنفس الوقت اثيري غيرته عليك

    خليه يحس انك متغيرة وانك متقلبة لتجننيه

    يوم تبينه ويوم لا

    وفيه كرت لكن لا تحرقينه الا باخر شي اذا لقيتي انه مافيه فايدة معاه
    وهو ان الرجل ما يخاف على زوجته ويحس فيها الا اذا لقى انه يمكن غيره ياخذها
    طبعا بحلال الله
    وقتها تطلبين منه الطلاق بحجة انك تبين تعفي نفسك وتتزوجي
    لكن هذا كرت يخوف ما ينفع مع كل الرجال يمكم يكرهك لو سويتيها

    والزمي الاستغفار وصلاة الليل وداومي على قراءة سورة البقرة

    والله يوفقك

تابعي تجارب أخرى من هذا القسم.