شاركي في النقاش

سجلي الدخول لإضافة تعليق.

التعليقات

1,603
  1. انا رجعت تاني
    معلش يا بنانيت أنا والله لما بقولكم الكلام ده بقولهولكم علشان أنا عارفهاه كويس
    ومريت بكل اللي بتقولوا عليه بدل المره عشره
    أنا يمكن مش أكبركم سنا لكن أطولكم فترة زواج وربنا رزقني بعد مده طويله
    كان نفسي لو حد من بداية زواجي يفهمني كل ده ويقولي كل الكلام ده
    كانت الدنيا هتتغير معايا تماما
    فاهمني يا حبيباتي
    وأولا وأخيرا إنتم إخواتي ومش عايزه أشوفكم مضايقين أو زعلانينده أنا كنت أبهدل اللي مزعلكم ده بس لو أطوله
    ربنا يخليكم يارب ويرزقكم كلكم من حيث لا تحتسبوا يارب
    ويعطيكم كلكم من كل ما تحبوا وتتمنوا حتى ترضوا يارب
  2. @boba_boba

    oxygenatom
    بوبتى حبيبتى ... الف سلامة عليكى .... يا قمراية كل وحدة فينا ليها وقت بتعدى فيه بلحظات ضعف واكتئاب ... لكن صدقينى الانسان بيقدر يتعلم انه يبقى قوى وفوق كل الأزمات اللى بتمر عليه ... عارفة ازاى 1- قوة الايمان هى المحرك الاساسى اللى بيخلينا …
    اوكسى ربنا يكملك بعقلك والله فعلا معاكى حق فى كل كلمة قولتيها وانا مقتنعة بالكلام ده 10% بس هو الضعف البشرى بقى والشيطان ربنا ينتقم منه
  3. صاحبة الموضوع
    توفي
    بصي يا قمراية انا مش هزود كتيير علي كلام البنات ، بس انا قابلت مواقف من ده كتييييييييييييير اوي وكنت علي فكرة زيك كدة في الأول وبعض اقول ايه ده دي فلانه هتتجوز لحسن تحمل قبلي وشكلي هيبقي ايه والكلام ده ، والله نفس اللي بيدور في دماغك بالضبط
    المهم اول واحدة كانت قريبة زوجي وحملت في شهر العسل وانا كان بقالي 4 شهور زواج ، طبعا ساعتها قلت عادي وانا لسة عروسة جديدة والكلام ده ، عارفة المشكلة بتكون في ايه ؟
    في الناس هيا اللي دايما بتحسس الواحد ان في حاجة غلط حتى لو كنتي لسة مكملتيش سنتين جوازومعندكيش اي احساس بالغيرة ، هما الي بيغلو الواحد يحس بكدة

    بس انا عملت ايه بقة قررت اني فعلا مش هتأثر نفسيا ودي حاجة بتاعت ربنا وبالعكس كل اللي يسألني اقولهم ادعولي واخد الموضوع عادي جدا وكنت بقعد العب مع البيبي وابقي شايفاهم بيبسولو نظرة شفقة وانا ولا كأني شايفة.
    وأتكرر الموقف تاني مع قريب أخر من أهل زوجي واحنا اساسا بيت عيلة يعني كلنا مع بعض وبرده اتعاملت ببرود شديد جدا للموقف كأني مش عندي اي نقص في اي حاجة لدرجة ان الناس بقت مقتنعه اني مش زعلانة علي موضوع تأخر الحمل ده اساسا واني فعلا عايشة سعيدة مع زوجي وناس كتيير بتضرب بينا المثل

    انا فعلا سعيدة جدا مع زوجي وموضوع تأخر الحمل من جوايا ببقي مضايقة مش علشان الناس لأ علشان نفسي اتوج حبي لزوجي بطفل

    فأنتي خليكي عادي جدا ولو حصل وحملت علطول وقالولك علي الخبر لازم تفرحلها جدا وتظهري ده جدا جدا حتى لو من جواكي مضايقة ، لو حسستيهم انك مضايقة هوا ده الغلط وهيبقي فيه حساسيات من الطرفين فملهاش لزمة ، حاولي تتحكمي في مشاعرك واعصابك قدام الناس ، صدقيني ده احسن حل وانا والحمد لله الناس دلوقتي بتعملني من غير حتى ميسألو علي الموضوع الحمل ده اساسا لأنهم شايفني سعيدة ومش محسساهم اني نقصني حاجة وبحب اطفالهم جدا جدا
    يا رب اكون افدك يا قمر

  4. صاحبة الموضوع
    ممس
    كلامك والله عين العقل ومعاكي حق في كل اللي بتقوليه وانا فعلا بحاول دايما ابص للنص الحلو بس زي ما بوبا بتقول الشيطان لما بيسيطر علي الواحد ويحاول يخليه شايف بس النص الوحش
    بس الحمد لله ان الفترة دي مش بتطول وبرجع زي الأول وأحسن
    الحمد لله رب العالمين علي نعمة الرضا

  5. @boba_boba

    totta_55
    بوبا بوبتي يااااه يا حبيبتي كل ده انتي فيه ومش بتتكلمي ولا بتقولي انا طبعا كنت في حالة شبة الحالة اللي انتي فيها بس مكنتش بعيط خالص ، كان عندي حاجة غريبة عارفة لما تكوني مغيببة ومش فاهمة ايه اللي بيحصلك ومتنحة ومسهمة ومش عايزة برده اكل…
    عارفة ياتوتا انا بفرح جدا كب مابدخل والاقى مشاركة ليكى
    لما بشوف كلامك مكتوب بحس انى سامعة لحن حلو قوى مخلينى طايرة فى السما
    والله يا توتا انا مش بجاملك وربنا وحده يعلم انا بحبك كانى اعرفك من سنين
    يمكن مش دايما بنتكلم مع بعض او احنا يعنى مفيش حوار دائم مابينا بس بحس انى اعرفك ليه مش عارفة
    ولما بلاقيكى بتنشطى او بتعملى سحب وترجيع ربنا اللى يعلم بحس ان انا اللى بعمل ده وببقى قلقانة ومتوترة قد ايه
    عشان كده بتأثر بيكى قوى لما بحس انك متضايقة
    بس لما بلاقيكى راجعة ونفسيتك كويسة بترد فيا الروح وبحس ان مفيش حاجة فى الدنيا مهما كانت تستاهل الزعل

    يعنى انا مرتبطة بيكى نفسيا ياريت دايما بقى تبقى موجودة معانا ونفسيتك يارب دايما تكون فى السما

تابعي تجارب أخرى من هذا القسم.