تجاربكم مع وصفات تكثيف الشعر

السلام عليكم ورحمة الله وبركاته

حبيباتي متصفحات ركن العناية بالشعر
أدعوكم للمشاركة في هذا الموضوع

"تجاربكم مع وصفات تكثيف الشعر"

بعرض تجاربكم مع أي وصفة استخدمتوها لتكثيف الشعر تحديداً
سواء وصلتِ إلى نتيجة طيبة أو لا حتى نستفيد من بعض وما نكرر أخطاءنا
أكيد البشرات مختلفة واللي نفع مع فلانة مو بالضرورة يناسب فلانة
بس برضو عرض التجارب مفيد برأيي خاصة في هذا الموضوع "تكثيف الشعر"
فمن خلال اللي حولي لاحظت ان أغلب اللي يعانون من الشعر الخفيف تكون شعورهم دهنية
وفي ظني الشعور الدهنية استجابتها رح تكون وحده لأنواع العلاج << الزبدة عطونا تجاربكم وخلونا نستفيد

أبدأ لكم أنا ...

- استخدمت حبوب هيردال قلنا نبدأ العناية من الداخل حبة يومياً والعلبة تاخذ ثلاث شهور فيها 60 كبسولة وما لاحظت أي تحسن
- نظراً لكوني أصبغ شعري فما أقدر أستخدم الحناء فجربت السدر كمان ما شفت تقدم يُذكر
- جربت تونك نيكسوديل وفي نفس الوقت كنت استخدم (جلي الفراولة مع الشامبو) جتني حكة فضيعة في شعري فبطلتهم الاثنين
- الزيوت ما استخدمت شيء لانه دهني ما يحتاج أخاف يدخل الزيت مخي بعدين :hahaha:

وبس ..

عزيزتي المتصفحة أتحفينا بتجربتك ولا تجربة أختك والا صديقتك والا جيرانك والا بنت عمك << ناشبة لك دبري عمرك وجيبي لي وصفه:32:


وختاماً أذكرك بقول المصطفى صل الله عليه و سلم "حق المسلم على المسلم ست قيل ما هن يا رسول الله؟ قال إذا لقيته فسلم عليه وإذا دعاك فأجبه وإذا استنصحك فانصح له وإذا عطس فحمد الله فشمته وإذا مرض فعده وإذا مات فاتبعه" رواه مسلم

:26:

104 تعليق 119,777 مشاهدة

شاركي في النقاش

سجلي الدخول لإضافة تعليق.

التعليقات

103
  1. @aaashk_dhn_alaaod

    فكرتك جدا رائعه ليه ماتخليه مثل التجمع يصير احلى كل وحده تحط يومياتها وطريقه اهتمامها وايش النتائج على تجربتها انا عني استخدمت حبوب من ارمال كثفت وطولت شعري غطاالعلبه موف ولونها بني غامق نسيت اسمها المهم راح نتساعد ونكبر الموضوع ايش رايك
  2. @rawan1990

    انا شعري دهني كان كثير وتساقط كم سنه
    استخدمت اشيا كثيره لكن ماداومت عليها
    لي الحين شهر ونص او شهرين تقريبا
    كل اسبوع احط حنا مع بابونج وليمون وشاي واخليه ٤ ساعات واغسله بالمويه بس واليوم اللي بعده احط اي نوع زيت بس الحين لي اسبوع استخدم زيت عافيه مع الحلبه
    واحس بالتحسن يعني بشعري مررررره مفيده ترا الحنا وزيت العافيه مع الحلبه عن جد مافي احسن من الحنا
    استخدمت قبل فتره الجيلو مع الشامبو واحس شعري طال وقتها بس الحين مو مره يطول
  3. @cyrine_1

    عاشقة دهن العود
    فكرتك جدا رائعه ليه ماتخليه مثل التجمع يصير احلى كل وحده تحط يومياتها وطريقه اهتمامها وايش النتائج على تجربتها انا عني استخدمت حبوب من ارمال كثفت وطولت شعري غطاالعلبه موف ولونها بني غامق نسيت اسمها المهم راح نتساعد ونكبر الموضوع ايش را…
    أيدي بأيدكم والله يوفق ألي يفيدنا:(

تابعي تجارب أخرى من هذا القسم.