خطيبي يخطئ وانا ادفع الثمن شورو علي ارجوكم!!!
بدايه صباح الخير للجميع ..
راح ادخل بالموضوع على طول واتمنى من كل وحده تدخل موضوعي
انها ترد وتقول رايها ..ووالله العظيم اني ماحبيت استشريكم الا لثقتي فيكم ..
الموضوع هو كالتالي :
من شهر تقريبا من الان كلمني خطيبي وقالي انو هو يبغى يسافر القاهره
في البدايه ترددت ولاني عارفته حتى لو اني ماوافقت راح يبذل المستحيل علشان اوافق
وراح يزعجني بالموضوع وهو كل شوي فاتحه ..قصرت الموضوع عليه وسمعته للاخر وكان من بين الكلام اللي قاله انو العطله طويله وممله يحتاج يغير جو ويجدد نشاطه للشغل ومن ذا الكلام ..
وانا كنت زي اللي حاسسني قلبي انو راح يصير شي قلتله ماباقي شي على زواجنا كلها اربعه شهور ونملك وبعد اربع شهور نتزوج اصبر نسافر سوا ..
لكن يابنات ماوافق ومااقتنع قالي انا راح اسافر مع شباب ووضع العائله يختلف عن وضع الشباب ومن هاالكلام ..وقالي برضو انتي وش خسرانه الميزانيه انا مرتبها وكلها 10 ايام وانا راجع ..فرديت عليه انو انا مو مقتنعه والاحسن انو يصبركلها سنه ونسافر فمااقتنع..
المهم ..وافقت على سفره ويشهد الله يابنات اني ماكنت مقتنعه وماكنت مرتاحه وصارت بيني وبينه مضاربات كثيره على هالموضوع فقلت يابنت اخلصي ووافقي ..
المهم انو ابو الشباب سافر وكان المفروض انو يجلس هناك بس 10 ايام لكن للاسف امتدت اقامته 23 يوم لسبب هو كان السبب اني استشيركم الان ..
والسبب اللي خلاه يجلس هناك كل هالمده الطويله هو انه كان راكب تكسي فنسى
اوراقه من جواز وتذكره وبطاقه شخصيه في التكسي ..
طبعا راح بلغ الامن هناك وراح السفاره ومشاوير وتعرفون هالمشكله ابدا ماهي سهله فتأخر هناك 23يوم ..الى هنا المشكله بسيطه وتنحل
لكن المشكله الاعظم انو جا فقالوله انو هو ممنوع من السفر لمده 3 سنوات جايه
وهنا تكمن المشكله كيف يمنع من السفر 3 سنوات وحنا زواجنا مخطط له انو يتم
في ظرف 8 شهور !!!
المهم انو البارح كلمني ابو الشباب وقالي انو المنع ثلاث سنوات وانو حنا راح نتزوج بس ماراح نسافر برا المملكه راح نقضيه داخل المملكه وبعد ماتنتهي المده راح يعوضني ونسافر وطلب رايي ..
طبعا انا مااقتنعت وقلتله انت غلطت غلطه وانا اللي المفروض ادفع ثمنها وهذا اللي مستحيل اخليه يصير ..انت سافرت غصب عني وبدون رضاي وانت كنت عارف بهالشي والتصرف اللي سويته تدفع ثمنه وبلاش نتزوج الحين نتزوج لما يرفع عنك المنع..
قالي هو انو ثلاث سنوات كثيره وفي ظل هالمغريات لازم يتزوج لانو يخاف من الغلط ومن هالكلام ..
طبعا وقلت وقالي وقلت وقالي وكثر الكلام وقفل السماعه وهو متضايق ..
اللي ابغى اعرفه من اللي معه الحق انا ولاهو ..
1-انا عارفه انو السفر ماهو شي اساسي ..والسعاده الزوجيه ماهي مرتبطه بسفر ولا غيره ..وياما ناس سافرو بس ماانبسطو انا عارفه هالكلام لكن هل لكم ان تتصورون اني راح اعرس وماراح اسافر ..
2-ووش اقول للناس لما يقولون لي وين بتسافرين اقولهم ابها وجده والطايف مثلا؟؟؟!!!
واذا سألوني ليه ؟؟وش اقول؟؟
واصلا اصلا السياحه الداخليه انا مس مؤمنه فيها اطلاقا لعائله فما بالكم بزوجين بشهر العسل ؟؟كيف بنقضيه ؟؟وين بنروح؟؟
3-وانا مش واثقه فيه لما قالي انو راح يعوضني لانو خطيبي من سنتين وانا عارفته زين من الممكن انو يصرف الفلوس ويقول ذاك الوقت انو الماديه ماتسمح ومن هالكلام ..
4-وبصراحه انا مش هاممني كلامه لما قال انا احتمال مااقدر اصبر ثلاث سنوات
لانو برايي انو اللي بيغلط بيغلط سواء تزوج ولا ماتزوج هذا شي.. والشي الثاني انا عارفه انو هذي وسيله ضغط يستعماها معي ..
5-واذا كان في نيته انو يغلط انا مش فارقه معي لانو اللي يغلط يغلط لنفسه وهو اللي يأثم ماهو انا واللي صار نتيجه ظروف هو اللي كان السبب فيها ..وانا ماعندي ادنى استعداد اني اضحي ..
6-اللي ابغى اعرفه منكم من اللي معه الحق انا ولا هو .؟؟؟؟؟
والله يسعد كل وحده ترد علي ..
مع السلامه ..