الموضوع مغلق

من حقها الألفين ولا لا...؟

السلام عليكم ورحمة الله وبركاته..

كيفكم ياحوائيات..؟

الله يرفع عن كل مريض ويشفي كل مبتلى ويهدي كل ضآل ويفرج هم كل مهموم..

قولوا آآآآآمين

انا عندي استفسار بسيط وياليت اللي عندها خبره او خلفيه ترد علي.. واللي ماعندها ترفع لي الموضوع جزاها الله خير..

المهم ياحلوات انا قبل سنتين كنت ادور الحمل وابي احمل وماأدري اش فيني.. المهم الناس دلوني على وحده تعالج ورحت لها

واعطتني علاج قالت علاجك هذا بستة آلاف واذا حملتي تعطيني الفين عليها

انا اخذت الموضوع تريقه ماحسبت انها جاده وتبي الفين من جد

وكانت معاي وحده قالت انا اذا حملت اعطيك عشره مو الفين

وانا ساكته ماقلت لها لا ايوا ولا لا

المهم دفعنا ست آلاف واخذت العلاج وبعد شهر حملت ولله الحمد والمنه

الحين اقول لزوجي نعطيها الالفين يقول خير ان شاء الله وش ذا الطمع..؟

تكفيها الست آلاف وزياده بعد انتي سكتي وماقلتي لها طيب بعطيك

انا اقوله ولو هي الحين مثل الدين والمؤمنون على شروطهم هي اشترطت وانا سكت يعني موافقه

والحرمه من ذاك اليوم ليومكم مادقت ولا سألت عن الفلوس

الحين سؤالي يحق لها الالفين ولا لا..؟

اخاف مانعطيها وتقعد برقبتي واتحمل ذنبها وش رايكم..؟

22 تعليق 1,477 مشاهدة

شاركي في النقاش

سجلي الدخول لإضافة تعليق.

التعليقات

22
  1. @tl_alahlam_1

    انا لو عني ادفعها وريح ضميري لاني اخاف يكون دين بذمتي دقي عليها وتفهمي معها يمكن تسامحك فيها
  2. @otn_7

    والله ما عندي فكرة حبيبتي عن احقيتها او عدم احقيتها بالالفين

    بس لو انا محلك بعطيها وانا مبسوطة ووحلال عليها الالفين
  3. @hms_albaad

    صاحبة الموضوع
    مو هذي المشكله

    انا مبسوطه بحملي وبولدي الحمدلله

    وودي اعطيها بس زوجي يقول لا مو من حقها

    قلت له بسأل وانت اسأل ناس فاهمه ونشوف .

    ربي يسعدكم حبايبي

تابعي تجارب أخرى من هذا القسم.