السلام عليكم ورحمة الله وبركاته..
كيفكم ياحوائيات..؟
الله يرفع عن كل مريض ويشفي كل مبتلى ويهدي كل ضآل ويفرج هم كل مهموم..
قولوا آآآآآمين
انا عندي استفسار بسيط وياليت اللي عندها خبره او خلفيه ترد علي.. واللي ماعندها ترفع لي الموضوع جزاها الله خير..
المهم ياحلوات انا قبل سنتين كنت ادور الحمل وابي احمل وماأدري اش فيني.. المهم الناس دلوني على وحده تعالج ورحت لها
واعطتني علاج قالت علاجك هذا بستة آلاف واذا حملتي تعطيني الفين عليها
انا اخذت الموضوع تريقه ماحسبت انها جاده وتبي الفين من جد
وكانت معاي وحده قالت انا اذا حملت اعطيك عشره مو الفين
وانا ساكته ماقلت لها لا ايوا ولا لا
المهم دفعنا ست آلاف واخذت العلاج وبعد شهر حملت ولله الحمد والمنه
الحين اقول لزوجي نعطيها الالفين يقول خير ان شاء الله وش ذا الطمع..؟
تكفيها الست آلاف وزياده بعد انتي سكتي وماقلتي لها طيب بعطيك
انا اقوله ولو هي الحين مثل الدين والمؤمنون على شروطهم هي اشترطت وانا سكت يعني موافقه
والحرمه من ذاك اليوم ليومكم مادقت ولا سألت عن الفلوس
الحين سؤالي يحق لها الالفين ولا لا..؟
اخاف مانعطيها وتقعد برقبتي واتحمل ذنبها وش رايكم..؟
الموضوع مغلق