بيت حبيباتنا المغتربات في المانيا الملف الخامس

مسا الورد يا ام نور شايفك سهرانه
صدقي هالاطفال اذكياء وبدهم جهد ليقدر الواحد يستوعبهم ... انا هاي الطريقه تعلمتها من ابراهيم الخليفي وصدقي زبطت على طول بس بدها تصميم .. كان ابني الكبير يغلبني في السوق لما يشوف الالعاب ويصير يبكي ويصرخ طبعا لاعطيه اللي بدو ايله .. بعدين صرت اتركه يصرخ و اطلع وما اناقش ولا احكي طبعا و الناس تتفرج بس ما بهمني حدا و مره على مره وهلأ زي الساعه بطلب بأدب أدا وافقت كان بها وادا لأ خلص بيقتنع .. كان ديما بيحكي الخليفي خلي عندك فم البعوضة واذن الفيل ههههههههه والله يهديهم يا رب

صباح الخير يا صبايا شو اليوم الشمسات حلوين ماحدا رح يقعد في البيت ماعداي شايفين جوزي شو بيعمل فيني هدا تاني سبت عندو مؤتمر ومساكين الاولاد هنن عرفوا بابا مسافر جنوا وعندهم اليوم في المدرسة حفلة عن العصور الوسطى ومشاركين يا حرام فيها الله بيعين
اعذروني امبارح ما كملت معكن ما خلونيييييييييي :44: اكتر من3 مشاركات بس بلو سكاي انا جيت وقبلت العزيمة ليه ما فتحتي الباب هههههه بس على فكرة عملت همة وجربت العجينة ياي شو سهلة وحبوها الاولاد كتير
بسسسسسس المحمرة يا حلوة ما بدها صلصة بندورة خدي الطريقة
انقعي فليفلة ناعمة تكون حراقة شوي بالماء ولما تشرب الماء افرمي بصل ناعم كتير 2 كبار واقليه بزيت الزيتون ولما يتحمر حطي كمون وملح وعصرة ليمونة وحبة بركة واضيفي الفليفلة تحريك بسيط حتى تنشف وصحتين وهنا

ام نور كيفك حليب البودرة بتلاقيه بdm جانب الاكل تبع البيبيات مكتو ب عليه kleinkind milch
وفية نستله اذا بدك
موضوعكن حلو عن تربية الاولاد ومع اني تربوية واختصاصي تربية الا انه ببحث كتيرفي كتب تربية الاولادوبحب استفيد من تجارب الغير
:icon35:الان ما عندي وقت لازم اروح على المدرسة والي عودة ان شاء الله سلام للجميع دون استثناء

ولو لا شكر على واجب و انتي موفقه في الغربه كمان !:)