كرهت نفسي وتحطمت ويئست واتخذت قرارا من اليوم ورايح انني لن اتجمل له بأي من مساحيق التجميل لأنني اليوم انصدمت منه حينما واجهته وقال لي وهو مابغى يقول لي الا يوم فتحت الموضوع وسالفتي كمايلي:كنت في وقت علي الدوره الشهريه اشارت علي واحدة من صديقاتي اني اغير من شكلي قالت لي اصبغي ،وقصي شعرك ،وشقري حواجبك (أول مره اشقرحواجبي) يعني غيري من شكلك شوي بعد ماتخلص دورتك وانتي بشكل جديد ، المهم رحت للصالون وقصت لي شعري وقصرته مره على اساس تروح الصبغة الأوله وتحط لي من جديد طبعا هي من كيفه قصرته من غير ماتشاور وحطت لي الصبغه ولونه عادي حلو ومعقول اشقر رمادي فاتح وشقرت فقط لاغير.. انامعجبة في نفسي صرت دايم قدام المرآة اسوي شعري واحط احيانا بكلة صغير او شباصة اتفنن تقل طفلة المهم يوم دخل علي الرجال توقعت انه شفق ومشتاق انتظر ظمة او قبلة او شي من القلب مافيه شي،، مشيته؛؛؛وهوساكت ماأبدأ رأيه
اليوم اللي بعده مثل ذلك مشيته وانا مستغربه ؛؛؛
واليوم اللي بعده وبعده ....لي اسبوع الآن وانا على هالحاله وبرضه اذا كان جالس في البيت يمضي وقته دايم حاط عيونه على التلفاز لو فيه فاصل.. او جالس على الكمبيوتر واذا كلمته عادي يرد لكن هو مايتكلم يسولف ابدا الابطلبات جيبي ودي ،،صراحه بديت احس اني مكروهه عنده كارهني مايحط عيونه بعيوني ،،يوم كلمته اليوم وش السالفه وراك صاد عني قل لي فيه سبب لصدودك عن والا مافيه بكل صراحه علمني ؟؟
قال لي:بكل صراحه مثل مايقول المثل(جا يداويه واعماه) روحتك للمشغل خربت عليك صرت اشوفك وحده ثانيه عجزت اتقبلكي ،قلت انت زعل علي ؟قال والله ماني زعل منك لكن صرتي غير بعيوني ؟؟؟
مع اني والله مهب اول مره اصبغ شعري والا اقصة لكن هالمره اقصر من اللي دايم وانا مع الوقت ماقدرت استوعب ان هذا هو السبب احس فيه شي ثاني ،،وهل هذا ممكن يصيرعند بعض الرجال؟؟
للمعلومية له زوجة اخرى غيري اتوقع كذا مكتفي ومستغني عني!!!!علشان كذا تحطمت حياتي ودي اكون على طبيعتي دون اي زينة..
ارجو منكن ياأخواتي التفاعل ومشورتكم علي...
شاركي في النقاش
سجلي الدخول لإضافة تعليق.
التعليقات
31- الله يسخره لك .... خليك على طبيعتك ولا تتصنعين .. بس زودي الدلع شوي .. وخليه على راحته بيتعود
رفع - يختي يمكن انك خرعتيه باللوك ........!!:42:
دوري على الشي اللي يحبه .........!!
الألوان اللي يرغبها ويفضلها .........!!
بعد هو زوجك وله حق عليك يبي يشوف ........!!
والرجال ماتملى عينه وحده او ثنتين عشان تقولين مكتفي ........!!
انتي شوفي وش يحب وش يرغب وسويه وشوفي ان ماجاك طاااير .......!:42: - ياعمري والله هي مسألة وقت وبعدين يتعودعلى شكلك بس لاتحطمين نفسك وتذكري أن الشعربسرعه يطول حطي فيه زيت وأستشوريه بعدالترويش الله يسخره لك
- اسفهية وبيتعود عليك ........ ولا روحي غيري صبغتك
- شوفي ياعزيزتي بقولك من خلال تجربه وخبره بعض الرجال مايحبون اللون الاصفر بالشعر ولا الشعر القصير مره وكمان تشقير الحواجب انا احيانا ماتعجبني على بعض الحريم شكلها غلط حواجب صفراء مع احترامي ااحمدي ربك زوجك صريح معك وقالك السبب وبكذا عرفتي ذوق زوجك يبغاك على طبيعتك ولاتزعلين نفسك ولاشي انا كنت ازعل اول وبعدين لمن عرفت ذوقه ماصرت احط الاشياء الي ماتعجبه
مواضيع مشابهة
تابعي تجارب أخرى من هذا القسم.