سوالبف الضحى ( ياليل أبو لمبه )
متابعة النقاش، صفحة 9
متابعة النقاش، صفحة 9
شاركي في النقاش
سجلي الدخول لإضافة تعليق.
BASMAT2@basmat2
ورده العيد@ordh_alaayd
**أسيرة الحرمان**@asyr_alhrman_8
و ئام@o_yam
فور روز@for_roz
المكان مهيب مخيف يجتمع فيه كل عرابجه البلد والمتهمين في أي تهمه حتى لو كانوا مظلومين مثلي .. بصراحه حنا مو فاهمين ليش جايبينا هنا ؟ قررت اني اتشجع وأسأل سيدي الضابط اذا دخلت كل الأسئله اللي في بالي من اليوم ومن كل يوم عرفت فيه العسكريه يعني بسأله ( ليش تلبسون اللون الزيتي والجيشي ها ليه ما تلبسون لون يفتح النفس مثلا : برتقالي على الصباح عشان يكسب الضابط فيتامين سي زي جوانتانامو .. أو مثلا وردي وأصفر عشان لما يمشون في الشوارع وعند نقاط التفتيش تكون أشكالهم من بعيد ورود جميله ... السؤال الثاني : ليش لما تصير ضابط ماتضحك ؟ هل هموم الدوله على راسك ؟أجل وش نقول للجندي اللي يشيل ضغف مسؤلياتك مسكين ؟ .. وليش لما تصير ضابط أول ما تفكر فيه كيف شكل مكتبك يعني ماهمك في المنصب الا ذا المكتب ؟والمشكله انك ضابط يعني شرطي ومخلي شرطيين يحرسونك لييييييه ؟ تحفه فنيه محد يبي يضيعها ؟ شرطي ما تعرف تحمي نفسك ؟ من زمااااااااااااااااان وانا ودي أسأل لكن محد وداني قسم الشرطه حتى اني كنت اتضارب مع اختي عشان نروح ( البوليس ) لكن ما قد ماتت ولاقد ودوني للبوليس .... الحمد لله جت الفرصه على قدميها لكن .... انا ليش هنا
؟ يا متهمه يالله الضابط يبي يشوفك ... انا : انا لله وانا إليه راجعوووون يعني الواحد ما يقدر يفتك من ابر العضل هذه لا عند الكتورة في الوحده ولا عند الضابط ؟ يالله امرنا لله ندخل نشوف وش نوع الإبره اللي عنده ...... دخلت وهنا كانت المفاجأه ... يا إلهي هذا هو
... الضابط ؟ ... انه أكبر من أي شخص أعرفه أكبر من أي منصب عرفته سابقا أكبر من أي سؤال ممكن اني أسأله أكبر من أي حرامي ممكن يسرقه ... لاإله إلا الله كم وزنه ؟ وانا كنت اتوقع اني الدبه الوحيده في الكون ...
.. الضابط يتكلم بذهول مو انتي معتوقه ؟ انا .... والله مدري على راحتك اذا شايف اني معتوقه فأنا هي واذ مو شايف كذا فأنا مو هي ( أثاري شغل الإبر أسهل يمممممممه وينك ؟) ضحك الضابط قال : سمعنا انك تقومين بترويج بضاعه عباره عن اعشاب طبيه غير مصرحه من وزاره الصحه صح والا لا ؟ أنا اللي تشوفه .. قال صح والا لا ؟ قلت : لاو الله انها أمي مو أنا فتتتتتتتح عيونه فيني لين بغت تخرج قلت الا اتذكرت انا انا
ياناس في عيوني دموع بس مو راضيه تنزل لييييه ؟ اظنها نشفت من الخوف ... الله ياخذك يامفتوقه قلت لك ان الحريم بيزعلون من البطاطس ما صدقتي ...قام يفتش في الأوراق انا بموت من الحر والعطش قلت : لو سمحت ممكن واحد مويه بارد ؟ قال تبين شيء ثاني ؟ قلت إذا فيه بطاطس ليز والا شيء نبلع به الله يجزاك خير ما فيه مانع انت وذوقك ... قال : تعرفين مويه الحنفيه ؟ قلت ايه ماهي بزينه اذا تبي عندي لك ذيك الخلطه اللي تخلي المويه شفاااااااااااااافه تجنن وانا أوصلها لحد باب بيتك ولامن شاف ولامن دري
.. قال بدينا شغل النصب ؟ ماكفاك اللي سويتيه في الحريم ترجعين علي انا ؟ انا : وش سويت ؟ قال : انتي اكبر دجاله شفتها في حياتي تاخذين مبلغ وقدرة بس عشان تدغدغين الحريم وتصبين لهم مويه الحكومه ؟ قلت والله ما صار هذا الكلام اني ما اعطيتهم مويه الا من مويه حنفيتنا احنا أحد يقدر يتعدى على ممتلكات الحكومه ؟ حاشا وماشا أن أفعل هذا يا أخ العرب ( كننا في الدوله العباسيه )...
.... الضابط : بس خلاص تفاولين علي ياللي ما تستحين على وجهك ؟.... شوي الا التلفون يدق ويجلس يهاوش ربع ساعه صراحه شكيت انها زوجته حسيت من الكلام انه زعلان منها لأنها ما عاد تغير في شكلها أو ماعاد تجيب عيال أو انها ما نجحت في امتحان لأن كلامه يدل على كذا قال ( انت كل شوي تدق ما تميتوا القبض على المتهم ؟ ايش الكلام هذا ؟ احنا هنا في العسكريه نشتغل والا نلعب ؟ ) مو صح كلامي زوجته واااااااااضح تبغى أغراض للبيت ومو راضي يجيب ...
وأكون من فئه عضوة ذهبيه ثم يكون عندي تاج برتبه رائد وأكون عضوة ألماسيه ثم يكون عندي 3 نجوم وتاجين و3مقصات ( دفتر لواصق مو رتب الله لايبلانا ) لواء عميد وأكون مشرفه على موقع الحياه الإجتماعيه أحط اللي ابغى وأشيل اللي ما أبغى وفي النهايه آآآآخذ جمييييييع أنواع النجوم والمقصات والتييجان برتبه ركن زاويه طرف اللي تبون وأكون مااااااالكه الموقع ( اتخيلوا هنا ضحكه شريره)
ها ها ها ها ها وأفرض على كل وحده بتسجل تسجل عندي في نادي التمريخ بالدغدغه والجوائز قيمه لكل وحده تدخل يكون حرفها الأول هو نفسه الحرف الأوسط من اسم أبوها هو نفسه الحرف الأخير من اسم جدها هو نفسه كل حروف لقبها هااااااااااااااااااااااه وإيش رأيكم فيه أحد ممكن ياخذ الجائزه ؟ نسيت أقولكم ان الجائزه هي عريس معلب جاهز من مجاميعه يمشيكي ويسفرك ويموووووت عليكي ويتمنى رضاك الطبخ يطبخ والغسيل يغسل والراتب كلللله في يدك حتى انه هو اللي يشيلك ويمشي بك ما يخلي رجلك تمس الأرض ( آثار التمريخ ) وان كان عندك حريم هو اللي يحط الأكل ويشيل ويغسل المواعين ويسوي الشاي والحلا البارد بعد أما الحر ما يقدر لأنه وقت التعليب ما علموه كيف يطبخ ساخن .. واللي متزوجه تخليه عندها احتياط يمكن تحتاجه في يوم من الأيام الله أعلم ....تابعي تجارب أخرى من هذا القسم.