إن شاء الله من عيوني بكتبه لكم .. بس نصيحة بنات لازم تمشون على النظام عدل وفي مسابقة التخلص من النحافة سجلوا فيها لان البنات اللي فيها يشجعون بعض ويستفيدون من خبرات كل وحدة وانا بصراحة ما دشيت المنتدى الا عشان المسابقة
ونظامي اهو الصبح على الريق زبيب منقوع في كوب ماء ( ملعقتين زبيب أسود في كوب ماء بالليل والصبح تخلطينهم في الخلاط وتشربينهم ) وقبل الأكلات الرئيسية الثلاث حبة فاتح شهية وأحسن شي موسيجور وبراكتين وبعد الأكل حبتين من حبوب زيت كبد الحوت .. ويوميا حليب بالموز .. ومرتين باليوم بودرة جيفرال مع الحليب مرة الصبح ومرة قبل النوم ( بودرة كاكاو بالصيدلية تحطينها في قلاص كبير مع حليب كامل الدسم ) وقبل النوم ملعقة حلبة مطحونة مع كوب حليب كامل الدسم .. هذا غير الحلويات والمكسرات والشبس يعني اي شي سعراته الحرارية مرتفعة .. والوجبات الرئيسية لازم تكون دسمة واذا العشا من مطعم يكون احسن بعد ..
تقريبا هذا كل شي .. وحبوب فتح الشهية اول الأيام تسبب النوم بس مع الوقت يتوعد عليها جسمج وتفتح شهيتج
وبالتوفيق يا رب والله يسمني ويسمنكم .. وأي سؤال انا بالخدمة