ملف الآكلات المصرية المتجدد(الجزء الخامس و السادس) للمبتدآت و المحترفات

صباح الفل

أزيكم جميعاً
دندون صاحبة الأفكار الجميلة ومبدعة المطبخ تسلم الأيادى
أنا عملت امبارح المكرونة بالباشميل والجبنة طلعت جميله وعجبت ياسمين جدا
وممكن نزود فيها سوسيس أو قطع همبورجر صغيرة أو فراخ متبقية من يوم سابق
وعجبتنى فكرة القشطة قوى انا كنت بسويها على النار الهادئة لحد ما تفصل الميا اللى فيها بس كده اسهل ممكن مضرب البيض العجان السريع ولا لأ مينفعش

تسلمي يا دينا انا فعلا شفت موضوع منهم و هو جميل اوي تسلم ايدك اللي حطته لان احمد فعلا مجنني في موضوع الاكل ده و هو اصلا عوده رفيع فمع عدم الاكل بقى ما فيهوش خالص
بالنسبة للزبدة عرفتي ازاي؟
ايوة احنا فعلا ما عندناش لبن سايب اللبن اللي موجود كله معلب

ايوة يا نودى بتشترية من عند العطار وبنستخدمة زى ما قلنا قبل كدة فى الكبسة كبسة الفراخ وكبسة اللحمة وكبسة الجمبرى وبنحطة زى ماهو وبنشيلة واحنا بنغرف وممكن قبل ما تحطية تخرمية خرم بس بالسكينة او بالشوكة طبعا بيدى طعم جميل فى الاكل

صباح الخير يا ام ياسمين بالف هنا وشفا وتسلم ايديكى بالنسبة للمضرب ينفع طبعا بس اضربى جامد وعلى طول وما تقلقوش لو لقيتوها فلى الاول خالص بتفك وتسييح لما تستمرى فى الضرب حتلاقوها مسكت تانى

ايوة يا دندون انا نزلت طريقة السمنة من القشطة قبل كده بس مش فاكرة في الجزء ده و الا اللي قبله حالف لفه كده و ارجعلكم بالرابط ان شاء الله

ازيك يا رواء و يا ام ياسمين عاملين ايه؟ يا جماعة اللي عندهم اطفال صغيرين خلوا بالكم من الجو اليومين دول عشان تقلبات الجو و تغيير الفصول و اللي بيودوا ولادهم مدارس او حضانة الصبح بدري بيبقى فيه شبورة ساعات و الجو بيبقى رطب عليهم ربنا يسلمهم كلهم من كل شر