الحريم اللي يموتون غيرة على أزوااجهم..تعالو نتعاالج من هالغيــرة

بيب بيب
عيادة الغيرة الغير مبرره

ممكن اسوي كشفيه



اف اف اف 200 كشفية هذا والله النصب


طيب عادي ادخل اخذ استشارة والله ما آخذ من وقتكم شي


بس دقايق وبدون رسوم كشفية<<<<<متأثرة بالمستشفيات



مساء الخير على جميع الحلوات الغيورات الاتي ياعانون من ما اعاني منه وبعد........

انا بمووووووووووت من الغيرة من كل اللي حولي بالرغم اني حليوة الحين اخوه يبي يتزوج وانا


ميته غيره لأني حاسة انه بيتذكر أيام الزواج ويفكر يعيدها آآآآآآآه بس انا عمري 24وهو 30اخوه اصغر منه بسنه انا صار لي متزوجه سنتين ولدي طفل واحد هل من حلول مجدية لديكن لتفيدنني بها مع خالص شكري لكن

ماجابلي الغيرة والوسواس الاعالم جواء ومملكة بلقيس

بالرغم اني ماني غيورة مرررررة بس وسوست من قصص الحريم وسوست من الشغالات والجيران حتى اهلي ماصرت اروح لهم والسبة هالقصص استخفيييييت

بالغصب صرت غيييورة هههههههههه

أدري أنكم بس تقرون كلامي ما بيعجبكم بس اللي رجلي بالنار مو مثل اللي رجلي بالمي وما حد حس وشعر وعاش اللي أنا عشته
بقلكم عن غيرتي الغبية والمجنونة بس والله مادري وشلون جتني وانا خجلانة من مشكلتي جدا

العــمر؟
24

الفاارق العمري بينك وبين الزوج ؟
12 سنة

حد معين تغاري على زوجك منه ؟ أو غيرتك بشكل عام حتى من ذباب وجهه؟
أغار علي أذا ودى وحدة من خواته للسوق أو لأي مكان

السبب في البلا اللي إنتي فيه برأيك ؟
لأني تزوجت وكان مسؤول عن أخته وولادها الأربعة مع العلم أن والدها ووالدتها كانو بياخذونها لبيتهم لأننا عرسان حتى ناخذ راحتنا بس هي رفضت وضلت عندنا وكل ما نروح مشوار تروح معانا مع العلم أن أهلي بمدينة ثانية بعيدة عني والمصيبة الأكبر أن ظروف أخته الثانية وكان عندها 3 أولاد صارت معنا وضلت سنة ورجعت لبيتها والحين صار عندنا غير الأخت الأولى اللي عندها أربع أولاد صار عنده أخته الصغيرة اللي بالجامعة وبتعرفو بنات الجامعة ومشاكلهم بالملابس والزينة

مشكلتك وأكبر مخااوفك ؟
مشكلتي بالضبط أني ما أروح مع زوجي أي مكان لازم أما هم يروحون أو أخذ أولادهم والله أني نفسي أروح معاه مشوار أنا وأولادي كعائلة بس ما نقدر كل سنة ممكن منروح بحدود المرتين الى الثلاث مرات بوقتها بيكونو عند بيت أختهم وأنا ببيتي وطول ما احنا منتمشى اتصالات ويخلو أولادهم كلمو زوجي ويقولو له تعال خذنا يا خالي وأنا بزعل عليهم وبقله يلا ما علينا مع أنه يا حرام نفسيته تعبانه من ضغوط العمل والمسؤولية الزايدة
والمصيبة أنهم بس بيروحون لمكان للسوق أو أي مكان بيتصلو عليه وبيقولو له منروح لوحدنا ما مناخذ معنا أحد ( قصدهم عني ) وإن رحت طول الطريق يسمعوني كلام طبعا اذا كان زوجي نازل من السيارة ) أف اتأخرنا كان ودي أروح لوحدي حتى ما أتأخر ومن هالكلام
أكبر مخاوفي أني عيش طول عمري على هذي الحالة

شو اللي تريدين توصليله بالظبط من مشاركتك في العلاج ؟
فضفضة لأني أحس أن ما في علاج لي إلا أن أخت زوجي ترد لزوجها وأعيش أنا لوحدي مع زوجي وأولادي كعائلة



أدري أنكم بتوقفون ضدي بس والله من لما تزوجت ما قعدت مع زوجي مثل كل عائلة تخيلو أننا منتعشى دائما مع أهله ( ما عندي مانع ) بس تخيلو نسهر لساعة بعد العشا بس نجي منطلع لبيتنا بيقولو له نام على طول انت شكلك تعبان ما تسهر فوق وبس نطلع بدق علينا أخته على طول وتقله والله ما بتدخل بتنام إلا لما بتنيم أولادي والمصيبة أن أولادها ما بيصحو للعصر بالله عليكم وشلون بينامو ويا حرام زوجي ما يحب يزعلها بس والله أن نفسيتي تعبت من العيشة

عجبني موضوعك الله يبعد عنا الشك والغيره ويسخر لنا ازواجنا يارب
بصراحه مشكلتي مختلفه عنكم انا وزوجي مافيه فرق بينا وماعندي غيره من حريم اخوانه لان زوجي اصغرهم بس احس بالغيره لاني احس ان تفاهمنا يبي له وقت مع ان عندنا عيال بس احس اذا كان الفرق بين الرجل وزجته 4 سنوات واكثر هذا احسن شي ممكن يفهمها بس اقل من كذا لا تفكير الرجل الشرقي يقل بكثير عن تفكيرنا احنا البنات
اخوانه زوجاتهم اصغر منهم وفيه فرق بينهم احس التفاهم سهل بينهم
اخاف كثير من قصص البنات مع ان زوجي عمله مختلط بس انا غيرتي احسه من وقت العمل والساعات اللي يضيعها فيه ويخالط بنات كثير وعنده علاقات عمل نسائيه وغير كذا عنده اسلوب وله سوابق بس احس نفسي واثقه من نفسي ومن علاقته معي كزوج والقصص اللي اقراها بتقلب راسي

لا ومين قال رح نكون ضدك ؟؟؟


الحل عندك أختي...والحل تكوني قوية بس بالحق...كوني إمرأة مسؤوولة عن زوجها وبيتها مثل ما هم حريم عارفين يمشو أمورهم إنتي بعد كوني مثلهم

لكــن من غير لئم أو ظلم أو حقـد...

و أهم شي إنك ما تحاولين تقلبي زوجك على أخته..أو تعزليها عنكم كعاائلة ...لإنه أول من رح يعارضك ويوقف بوجهك زوجك نفسه؟!!

المشوار اللي تكوني حابة تطلعين فيه إنتي وزجك بروحكم خبريها قبله باللي في بالك

والمشوار اللي تقدرون تطلعون فيه كلكم مع بعض ..ما عليه خذيها معااك

يعني طلعة أسواق ..حدايق..بحر..إلخ كلها طلعات حلوة تكون فيها اللمة

لكن لو عشا خااص مثلا بمناسبة خااصة فيك وبزوجك...مافيها شي لو طلبتي تكونون بروحكم ..خبريها بينك وبينها ..تراها حرمة مثلك مثلها وأكيد رح تحس فيك وتفهم السبب

وإدعيلها ربنا ييسر أمورها وترجع لزوجها وبيتها