خطبني ولكن أصغر مني......... تعالو أرجوكم

مرحبا اخواتي

بصراحه مضــــــــــــــايقه واااااااايد ودموعي ما توقف من كثر الحيره اللي فيني

انا عمري 24 وتقدم لي ابن عمي وفيه مواصفات ايجابيه ولا شك فيه بعض السلبيات لكن الايجابيات هي اللي تفوق واهمها الاحترام.

تقولون وين المشكله ... المشكله انه اصغر مني تقريبا بسنه والله قلبي يعورني اذا ذكرت انه اصغر مني واقول برفضه لكن ارجع اقول ليش يمكن هو صلاح لي وانا ارفضه مايجوز

والله احترت دايما كنت أقول انا ابي اللي يتزوجني يكون اكبر مني اقل شي ب 10 سنوات وسبحان الله اللي خطبني وأهلي يحبونه اصغر مني... مب متخيله اتزوج واحد اصغر مني

امانه تكفون اطلب من اللي تدخل تقول اي شي لو تدعي لي بس وان شاءالله ما انساكم بالدعاء

انصحوني واعطوني من خبرتكم ولا تجاملوني تكفون واللي رجلها أصغر منها تقول لي السلبيات والايجابيات وهل هذا الشيء يأثر مستقبلا.. وانا هذا اللي مخوفني المستقبل اما بالوقت الحالي لا ..

ســــــــــاعدوني وادعولي طالبتكم ولا تردوني نفسيتي تعبانه

33 تعليق 10,235 مشاهدة

شاركي في النقاش

سجلي الدخول لإضافة تعليق.

التعليقات

32
  1. @orod_aatr

    السلام عليكم

    اختي الرسول اتزوج السيدة خديجة وهو اصغر منها بكتير

    كان عمره 25 وهي 40 سنة

    ...................

    هو احلى لما يكون الرجال اكبر من الحرمة

    انا اتقدملي واحد في عمري انا وهو 24 سنة

    سبحان الله

    الله يوفقك اختي مادام هو طيب واذا استخرتي وارتحتي مافي داعي تترددي

    كلها سنة بس
  2. @dyna_22

    انت نفس تفكيري ...قبل اتزوج كنت اتمنى يكون اكبر مني على الاقل شي ب10 سنوات
    لكن تزوجت اكبر مني بسنه وحده بس
    والحمد لله مبسوطه وماني حاسه بالفرق
    بالعكس فيه تقارب في التفكير والرغبات واشياء اخرى
    توكلي على الله ووافقي ولكن لاتنسي الاستخاره
    الله يوفقك امين ويرزق كل البنوتات الرجال الطيبين
  3. @zynh_ngd

    الله يوفقك أختي الغاليه وأتمنى أن تستخيري

    لكن أنا من وجه نظري والله مب عارفه أيش أقولك بس المرأه أجمالآ تكبر بسرعه بعكس الرجال

    والأفضل يكون الرجال أكبرلأنو حتى بعدين بيقول أنتي عجوز وأكبر مني لأن أعرف وحده متزوجه واحد أصغر منها ب 4 سنوات ودايم يقول لها كذا وهي متحطمه نفسيآ مع أنو هي مشببه عمرها وباينه أصغر منه بس كلمته ذي جرحتها هذي تجربه أنا أحكيها لك ومو شرط الرجال كلهم نفس بعض
    أستخيري وأن شاءلله ربنا يهديك للصواب

    والله يوفقك حبيبتي
  4. @ogh_alfgr

    صاحبة الموضوع
    اختي ورود عطره

    مشكوره اختي وطبعا الرسول عليه الصلاة والسلام هو اكبر قدوه لنا ...
    وانا استخرت ووكلت أمري لله سبحانه .. والله يجعل لي من دعاءك نصيب ولك مني الدعاء ان شاءالله

    ________________

    أختي دينا22

    سبحان الله نفس التفكير ولكن تصدقين بعد ماكنت اقول ابي واحد اكبر مني ب 10 سنوات الحين صرت أقول ياليته كان أكبر مني بيوم .. ومشكوره قلبي على الدعاء واتمنا لك التوفيق ان شاءالله

    _______________

    أختي زينة نجد

    كلامك 100% نفس اللي افكر فيه ومو بس خايفه منه .. الا خايفه على نفسي اذا وافقت يأثر علي هالموضوع وما اقدر اسيطر على نفسي .. وعسى ان تكرهو شيئا وهو خير لكم .
    وبصراحه دعاءكم يريحني مشكوره اختي ربي يوفقك
  5. تبغي الصراحة

    سنة وحدة ما في فرق ابدا

    اذا كان الرجل فيه مواصفات طيبة اهمها الدين استخيري الله و توكلي ..

تابعي تجارب أخرى من هذا القسم.