عندما تكون أمك ....مصدر آلامك وجراحك ....

15 مايو 2010

امي وحرام فيها كلمة الام ...هي سبب تدمير البيت كله مو انا بس
امي انسانه حقوده تحقد على اقرب الناس لها وهم عيالها
لما كنت امرض من انا صغيره كانت مستحيل ترعاني او تجيب لي دوا او كاس مويه تخيلي كنت امرض في غرفتي اسبوع او اسبوعين ما احد يدري عني ...
وكانت تحرضنا على بعض ..تمسك اختي وتحرضها علي لين تقوم بينا مشاكل بسببها ..حتى خواني العيال كانت تحرضهم على بعض لين صرنا كل واحد في جهه ما كنا اخوان
وتغار مننا اذا شافت احد من اخواني جاب لنا هديه وتنجن وتسوي لنا مشاكل طول اليوم لين اخواني حسو ا وصاروا يقولون لنا امي لا تدري انا جبنا لكم هديه مع انهم يجيبون لها زينا..تخيلي في واحد من اخواني له 3 سنوات مسجون ما تزوره ولا تدري عنه....
وتتكلم فينا انا وخواتي قدام الحريم اللي يقربون لنا لين شوهت سمعتنا وصار ما احد من قرايبنا يخطبنا ..بالله عليك هاذي ام...وعندي اخت صغيره مريضه مرض مزمن ..تخيلي انهنا ما تدري عنها ولا تجيب لها حتى حلاوه تفرحها فيها لين اختي صارت تظن اني انا امها والله شايله هم شلون بتزوج واترك اختي احيانا اقوا بهون ما ني متزوجه
وتخيلي لها سنتين ما تكلمني انا واختي عشان احيانا اذا جو اهلها ما نقابلهم مع ان علاقتها في اهلها مو زينه ولا يحبونها ولا تحبهم لكن الظاهر انها تعودت تسوي مشاكل على اي شي.....اما كيف تصرفت مع مشاكل امي ..بصراحه ما لقيت طريقه معها غير التطنيش وقللت احتكاكي فيها ...لان ما في غير هالطريقه فهي انسانه رضاها لا يدرك ولا همها غير رغباتها ومصلحتها حتى ولو كان على حساب مصلحتنا ...
واخيرا ما اقول الا حسبي الله ونعم الوكيل فيها والله يكفينا شرها وبس

عندما تكون أمك ....مصدر آلامك وجراحك ....

التعليقات

عندما يجتمع الإبداع والتميز👌

عندما يصل الإستشراف بالحكم على العباد بالنار

عندما يُريد الله......💚🤍

عندما يُحب الله عبداً💚🤍

عندما تُتهمين بالتأليف... في مكان لا يمنح شهادات تقدير!"