عندما تكون أمك ....مصدر آلامك وجراحك ....

وربي عورني قلبي :(


معليش ياعزيزتي ..تحمليها , اذا عقيتيها ماراح تتوفقين لابدنيا ولا بآخرة ..ادعي ربي يحنن قلبها عليكم

هدف الموضوع
الوصول لحالة توازن مع الأم الصعبة

تبرها ابنتها مع اتقاء الأذى

وهي قضية شائكة جدا جدا ولكن لا بد ان كل واحده وصلت إلى مرحلة توازن مع أمها

أرجو ان تكتب الفائدة

موضوع مااا كنت متوقعه أني بسمع عنه في يوم من الاياام أو بسمع أنوفيه ناس عاانو مثلى من أمهاااتهم.أول شئ الله يرحمهااا ويغفر لهاا ويحللهااا ويبيحهااا عد كل شئ ذكرته منها..يوووه وش أكتب ولا أقول معاناه ما فيه أحد عاش فيهاا مثل لدرجة الكل توقع الجنون لى من ماجراء لى بسبب أمي من دعائهااعلى ومحاولة التفرقه بيني وبين زوجي ودعائها على ان أرجع ذليله تحت أخواتي الأصغر مني والتفرقه مع اهل زوجي وأقاربنا جميعهم وصديقااتي وكل من هم حولى حتي أتهمتني واختي بأنني سحرة زوجي..فيه أم تسوي كذاا ماافيه كذاا الا أمي بس ..ورغم محاولاتي لإرضائهاا بشتي الطرق وتدخل من هم أقارب وأحباب لهاا وأنا لم افعل شئ يزعلهاا ليش عشان أختها حسبي الله ونعم الوكيل في من كان سبب للفرقه بيني وبينهااا .. وفي الاخير بدات أرسل لها ما أريد وماهي تحبه وكل شئ جميل وأعطيه لاخوتي ليوصلوه لهاا وأنه منهم ولا يذكرو إسمي وبذلك اتمني رضاء ربي على ..حتي جاءهاا مرض في وقت قصير وذهبت لأزورهاا وقالت جيتي تتشمتين على آآآه قلبي يحترق على ما سمعته ورايته حتي طلبت مني الخروج من غرفتها في المستشفي ولم أيأس فذهبت مره أخري لهاا وأخذة صديقه وقريبه للعائله كل ما أردت زيارتها حتي لا تقول لى شئ أو أنها ترفض زيارتي حتي صار الوضع عادي وتجلس معي بس وين فيه في المستشفي مااتهنية في أمي ولا في جلساتهاا حتي ماتت ولم أحس بطعم حنان منهاا وكنت اتمني ان أضع رأسي على صدرهاا ولا أقدر على ذلك من كنت طفله صغيره ولم أحس بها اللحظه الا وهى ميته وضعت رأسي وحضنتهاا وأول مره في حياتي أحسهاا وتمنيتهاا ولا قدرت عليهاا الا وهي ميته وأنا ام اطفاال ودائما أقول فاااقد الشئ لا يعطيه .عذرا على الإطااله موضوع حرك فيني كل حزن واسي للعلم جلست بعيده عن امي حوالى السبع سنوات فياا اخوات تتوقعون يوم ماتت امي وفي ايام العزاء كان البيت مقسوم قسمين للعزاءليش بسبب التفرقه بين الاخوه والاخوات تفرقنا في الحياة وفي الممات وحتي الآن العاائله بأكملهاا متفرقه متشتته فلا أحد يعرف الآخر ولا يريده ..حسبنا الله ونعم الوكيل

كل اللي اشتكوا انا مصدقتكم
فيه امهات مافي قلوبهم رحمة
أنا مرررة بالمطعم بالسوق( مطاعم العوايل)
وشفت عايلة يتعشون
وبنتها ام سنتين تقريبا تبكي عالطاولة والام والاب والاخوان ياكلون
وكل شوي الأم تصفق الطفلة اللي تبكي
كف على فمهــــــــــــــــا بقوة
والطفلة تشهق
وتعيد الأم الكف
وما سكتت الطفلة
وتقوم تسحبها بالأرض وترفسها برجوها
زي الثور الهايج او الجمل الهايج
أنا حامت كبدي وعفت العشاء وبغيت استفرغ اعزكم الله
وخلت بنتها تبكي بالارض ورجعت تكمل البلع هي وزوجها
ولا كأن صار شي
وعيالها بعد ياكلون معودتهم عالعنف!!!!!!
والله خفت وقلت البنت هذى لمن تكبر
ايش راح تسوي بالمجتمع اللي ما حماها وقاعد يتفرج عليها
تنداس مشاعرها وكرامتها وكل حقوقها وبالعلن؟؟؟؟؟؟؟؟؟؟؟؟

الله يرحم امي وكل ام رحيمة

نصيحة للبنات اللي الله بلاهم بمثل هالأم القاسية اللي تدوس طفلتها

انهم لا يردون عالأم لانها بتزيد
يسكتونها بقولة :ـ ابشري وسمي وما يصير بخاطرك الا طيب
وتامرين أمر والله لايخلينا منك وان شاء الله تم كل اللي تبينه
وما ندري شنسوي من غيرك؟؟؟ ومن هالكلام الزين انتم تعرفون كلام زين أكثر مني.....

كل هذا مو على شانها

لأن رب العالمين قال (واخفض لهما جناح الذل من الرحمة)
وحتى تعطون درس عملي لأطفالكم...صدقوني الطفل ما ينسى
أنا أمي الله يرحمها شافوها اولادي وبناتي قبل يدخلون سن المدرسة
ودايما يقولو لي نتذكرك يا ماما كيف كنتي تقصين أظافر جدتنا وتحنين شعرها ويدينها
وتخيطين لها عند الخياطة احسن الثياب وتعلمينها القرآن _ امي كانت متزوجة صغيرة بس بدوية ما درست)

علمتها تقرأ القرآن.... وحاجات كثيرة من ضمنها السنة الماضية بعثت لها حجة الحمد لله
كله لله ثم دروس لعيالي

ولا عمري وضحت لعيالي انها كانت تفرق بيننا لأنها تحب الولد اكثر من البنات
وتاخذ مننا وتعطي أخوي
يلعب بفلوسنا وورثنا من ابوي الله يرحمة
كله بيت لأخوي وسيارة وتزوج منه ولا حتى كمل دراسته
وسكتنا ارضاء لأمي
وحتى يقتدون بنا عيالنا ولا دريوا اولادنا بشي أبد
كنا نبغاهم يحبونها ويركضون يحضنونها لأننا
ما خبرناهم بشي للحين لهذه الساعة...

هي الأم حسب ايمانها بالله ..تعليمها وثقافتها وخبراتها وتربيتها ومعاناتها يمكن... يمكن مع الأب
أحيانا تفرغ بعيالها

ووحدة من خواتي البنات كانت
عاقة لأمي فتزوجت مدمن
وجابت اربع عيال منغوليين
وبنت توحدية!!!وهالحين مطلقة وترعاهم
وكويس انها موظفة!!الله يسامحها

أذكر اني مرررة بصعوبة أقنعت أمي أوديها لطبيبة
نساء كان معها نزيف سن انقطاع الدورة....

كانت محرجة من الكشف لأنها ولدتنا كلنا بالبيت...
وكانت رغم شراستها وقوتها كانت تتصبب عرق من الحياء وتمسح وجهها
لمن الممرضة قالت لها (شيلي ال......... للكشف النسائي)
وتناديني من خلف الستارة وتقول لازم؟؟؟؟؟
ما يكفي تشوف بس بطني؟؟؟

قلت: لازم

والله انها بعد ما ارتاحت عالعلاج انها ما غير كل شوي تبوس يديني
واسحبهم منها وابوس يدها وراسها...
الله يرحمها..

الحمد لله ماعمري حاسبتها ولا عاتبتها
اسوي نفسي ما اشوف ولا اسمع الحاجات اللي ما تعجبني منها واتعذر لها عند اخواني..
بصراحة ما كنت شايفتها هي

كانــــــــــــــت عينـــــــــــــــــــــــــــــي عالجنــــــــــــــــــــــــة اللي تحـــــــــــــــت قدمــــــــــــــــــــــــها!!!!

الله يرحم امهاتنا ولا يحرمكم انتم بعد الجنة!!

امي والظروف علي
ظروفي قاسيه وحياتي صعبه وامي تخليها اصعب