السلام عليكم ورحمة الله وبركاته
كانت غارقه بافكارها يوم
حست برعشه فجسمها....
طالعت الساعه....
باقي ساعتين علي الفجر....
هدووووء....
ومافي حركه للمسافرين....
(شفيك بردانه والا خايفه)....
كانت تكلم عمرها....
ههههه خوف......نسيته من زمان....
رجعت فيها الذكريات لسنين مضت.....
ذكرت اول ايام لها فالوظيفه....
كانت كل ما تقبل علي غرفة المطبقات
يمغصها بطنها...وتترجي اخوها يرجعها....
انزلي بلا دلع هذا رده لها....
كانت تنزل وهي ترتجف من الخوف....
بالليل....
العساكر الافراد....
يتسلون بتخويفها هي او اي موظفه بمكانها
لانه كان شي جديد عليهم ان بنت تشتغل معهم
يقلدون اصوات ذيابه...
او يحركون يد الباب من غير ما يفتحونه طبعا....
واحيانا....كانت تلقا الانس بصوتهم....
وهم يلعبون مع بعض....
ازعاجهم افضل من الهدوء....
الموحش اللي جالسه فيه....
زادت الرعشه مع برد الذكريات....
قامت وهي تسمع صوت الريح بري...
شغلت الدفايه....
وخذت من الدرج شال تلفه علي جسمها....
آآآآه يالله...اكيد 15 سنه كفيله انها توخر الخوف
هه توخره الا تموته وما عاد يكون له مكان....
ايييييه 15 سنه... يوم ادخل هالمكان كان عمري 20 ....
مر العمر وحالي مثل ماهو مها ام العشرين هي نفسها
مها ام 35....
لا زوج ولا عيال....
ليه يابوي سويت فيني كذا....
وش استفدت يوم ضيعت عمري....
صوت فتح الباب قطع عليها شريط الذكريات....
السلام عليكم...
وعليكم السلام...
اثناء ما كانت تختم لها الجواز...
قالت لها المسافره....انا مشبهه عليك
كم مره امر من عندك وابي اقولك
بس يكون عندك زحمه...
تفضلي....
انتي كنتي مدرسه....
هههه ماشاءالله عليك ايه
كنت مدرسه روضه...درست سنه وحده بس
انا كنت متأكد....الحمدلله الذاكره ما خانتني
شلونك وشخبارك؟؟
ذكرتك لانك كنتي محبوبه من كل الاطفال....
ولدي كان دايم يتكلم عنك....
حست بغصه...ذكرت حبها الجنوني للاطفال
وحلمها القديم ان يكون عندها عيال تفرغ عاطفتها فيهم
انتبهت علي اخر كلام المره...اللي زاد في حزنها والمها
كنا نقول اذا هي كذا مع عيالنا شلون اجل مع عيالها
ياحظهم فيها.....
ابشرك ولدك الحين فالجامعه....
جامعه فهد للبترول والمعادن...باقيله سنه ويتخرج مهندس....عقبال عيالك ان شاءالله
يتبع.....
