السلام عليكم يا بنات
وحشتوني من امبارح للنهارده
تجمع الموقنات برحمة الله ( خبرات متبادلة حول مراكز تأخر الحمل في مصر ) 14
متابعة النقاش، صفحة 334
شاركي في النقاش
سجلي الدخول لإضافة تعليق.
التعليقات
2,008ماما1983 يا بنات ساره بتولد الحمد لله ربنا يقومها بالسلامه ادعولها
يا ربىىى .. سارة بتولد ربنا يقومها بالسلامة ويقويها ويديها الصحة يارب ... ماما الله يكرمك طمنينا عليها على طول بكرة ادخلى بعد ما تولد طمنينا عليها انا قلقانه عليها جدا ... يارب خير يارب بشرة حلوة والله وخبر حلو ربنا يدى كل البنات ياااارباشتقت اليك السلام عليكم و رحمة الله و بركاته... ازيكم يا بنات... ريمو....مفيش أحلى من الصباح الجميل ده....ربنا يسمع منك و يبارك فيكى يا حبيبتى.....طمنينى عليكى كنتى غطسانة فين اليومين اللى فاتوا...
ربنا يكرمك يا شوشو يارب .. انا كنت غطسانه لعده اسباب .. اولها ان خالتى جت عندى من البلد علشان مريضة ربنا يشفيها وكانت جايه تكشف عند دكتور هنا وهى عندها كسر فى المفصل بعد الشر على اى حد يارب وبما انى عندى اسانسير فا الافضل ليها متطلعش سلالم فا قولت لها تعالى عندى وقد كان فا مكنتش عارفه اسيبها واروح افتح الكمبيوتر طبعا ..
السبب التانى ان شاحن اللابتوب بتاعى ودع وعمرة الافتراضى انتهى وفضلت شويه لحد ما لقيت شاحن يادوب مشغل الجهاز بتاعى بس مش بيشحنلى بطاريتة فاهمانى يعنى اول ما افصل الفيشه يقفل الجهاز بس بردو احسن من قلته كان زمانى محتاسه ومش عارفه ادخل ولا اكلمكوا ..
السبب التالت ان زوجى الاسبوع اللى فات كان عنده دور برد محترم ورقد فى البيت يومين فا كنت مشغولة معاه شويه
وربنا يكرمك ياحبيبتى على سؤالكmahaadham ام اياد ربنا يكرمك ويجزيكي خير يا رب والله ما حد عامل جو للملف اليومين دول غيرك ربنا يتمملك حملك على خير يا رب ويباركلك فيه ويفرحنا بباقي البنات جميعا ورا بعض وانا معاهم يا رب بصي بقى انتي بتفكريني بواحدة صاحبتي واخدة كل المواضيع المهمة ع…
نوفا ...
ايه اللى انا ققريتة ده ياحبيبتى .. لاحول ولا قوة الا بالله اوعى اوعى توصلوا للمرحلة دى لو كل واحده فينا عملت كده محدش هيكمل فى جوازة ياحبيبتى والرجالة بقوا عملة صعبه الايام دى ... لا انا مش عايزاكى تحطى الطلاق خيار فى حياتك نهائى مهما حصل منه او بينكم انسى كلمة طلاق لان صدقينى اللى قال الواحده مالهاش الا زوجها وبيتها صدق ومكدبش .. بس عارفه انتى عجبتينى جدا علشان مسكتى نفسك على اخر لحظة وبرافو عليكى اتحكمتى فى روحك اينعم فى الاخر بس قدرتى على نفسك ماطاوعتيش الشيطان .. خلوا بالكوا من بعضكوا وحاولى يبقى بينكم حوار مفتوح دايما تتناقشوا وتتكلموا لان الحوار المستمر بينكم هيقرب وجهات النظر المختلفة وهيعرفكم ببعض اكتر .. ربنا يبعد عنك كل شر ياحبيبتى .. وبالنسبه للزيادة بتاعتك مهما كانت كتير ياحبيبتى بالارادة هتتخطيها وتتغلبى عليها وتنزليها حطى لنفسك هدف واسعى علشانه هتلاقى نفسك بمرور الوقت حققتيه وخصوصا الخسسان مش عايز غير انك تكونى عايزة تغيرى شكلك من جواكى ساعتها بس هتقدرى على وزنك حتى لو كان اضعااااااااف الرقم ده
مسلمة ..
وحشانا يا قمر يالا ظبطى امورك ومستنيينك تحكى لنا اخبار جنه عاملة ايه دلوقتى وبقت قد ايه ربنا يحميها يارب وليه ظروفك كانت ملخبطة كده الفترة اللى فاتت دى لعله خير ياقلبى
نااادو ..
مبروك تصليح الجهاز ومبروك اكتر على الخسسان انا فرحانة بيكى جدا يا نادو انتى مثال جميل على الالتزام ربنا يكرمك يارب
عزيزة ..
ربنا يكرمك يارب ياحبيبتى فى التنشيط الشهر ده ويجعله بفايدة كويس انك بدأتى تانى شهر على طول ومش اجلتيه لان ده الافضل طبعا الفرصة هتكون اعلى فى الحمل مع التنشيط المتتابع المتصل
توفى ..
حمدالله على سلامه زوجك ياقلبى والف سلامة عليكى خلى بالك من نفسك كويس .. ان شاء الله ربنا يكرمك الشهر ده ياجميل وبلاش تفكرى كتير فى الاوجاع اللى ممكن جدا تكون زيادة تركيز منك مع جسمك مش اكتر ولا هيطلع كيس ولا شنطة حتى :)
المهم تعالى قولى لنا عملتى ايه امبارح طيب فى السونار
لومى ..
ازيك يا قلبى .. خطوة التنشيط مينفعش تجمعيها مع الصبغه ابدا لانك بتنشطى وتتابعى تنشيط فى اليوم السابع ولو عملتى الصبغه هيبقى اول ما البيريود تخلص طيب تمشى الاتنين ازاااى ؟
قولى لنا بس انتى ليه عايزة تعملى الصبغه دلوقتى فى شهر التنشيط
بالنسبه بقه لموضوع الابر شوشو ردت عليكى رد وافى كافى وفعلا الكلام بتاعها مظبوط انا مكانش عندى تكيس لكن عندى ضعف تبويض ولما جيت انشط مع د عادل الراجل حفاظا عليا بصراحة ادانى حقن الفوستيمون علشان ميخليش ال ال اتش يعلى لانها فعلا حقن اف اس اتش بدون ال اتش
وداع .. ام مريم .. مميزات .. توتا ... كوكر ... دانة ..
ام اياد .. ام التوأمان .. المشتاقة لمكة ..
وحشتونى كلكم جدا جدا جدارمـــــال يا ربىىى .. سارة بتولد ربنا يقومها بالسلامة ويقويها ويديها الصحة يارب ... ماما الله يكرمك طمنينا عليها على طول بكرة ادخلى بعد ما تولد طمنينا عليها انا قلقانه عليها جدا ... يارب خير يارب بشرة حلوة والله وخبر حلو ربنا يدى كل البنات ياااارب
انا فاهمه قصدك ايه بالبشرى الحلوه وهيا فعلا في بشرى حلوه قوي حتقول لكم عليها ان شاء الله
مواضيع مشابهة
تابعي تجارب أخرى من هذا القسم.