عمري 42شوالحل

@shabh_17

خواتي ساعدوني وممكن تفيدوني ...أنا عمري 42وبدت على وجهي الشحوب والجفاف ...والخطوط حول الفم ونفسيتي تبعانه مع أني أهتم وسوي خلطات ...وكريم مرطب ..لكن ما في فايده شو تنصحوني ...وفي حد من الا خوات في مثل عمري وبعد لو في حبوب أو شي يظعف لأن وزني زاياد وبطني كبير ..وما أحب الرجيم ولو في شي أشربه ولا حبوب مجربه بستعمل لين أخف وزني وبعدين بحافظ عليه:(:44:

36 تعليق 5,116 مشاهدة

0 0

شاركي في النقاش

سجلي الدخول لإضافة تعليق.

التعليقات

35

  1. @narng_1

    س1- وشو الكريم اللي تستخدمينه ؟؟

    يمكن تحتاجين تبدلين الكريم اللي حق الترطيب ،، خذي نوعية تكون تحتوي على الكولاجين

    أو جربي تدهنين وجهك بالزيوت بالليل يازيت اللوز أو جنين القمح أو زيت الزيتون

    وبالنسبة للتخفيف هذولي الأعشاب ممتازة للبطن

    الشاي الأخضر - الزنجبيل - النعناع - الميرمية - الزعتر - رجل الأسد

    واهتمي بشيء واحد ماراح أقولك ريجيم

    يعني كلي اللي تبينه واستمري على المشروب بالأعشاب اللي توفرينها

    والعشا خليه بدري ،،، ان طولتي ماتصير الساعة 8 الا انتي مخلصة عشا

    وماتنامين الا لما تحسين بطنك خف العشا منها في حال ان عشاكي ثقيل



    أول شي بتحسين بخفية الجسم والشي الثاني راح تتخلصين من نفخة البطن والامساك

    وصدقيني انا استمريت على كذا قريب الشهر يعني خففت شي بسيط من أكلي

    مو ذاك الزود أقولك خففت أكل وكنت كل يوم أحط لي كذا نوع من الأعشاب اللي فوق

    كل يوم أبدل عن الثاني

    واهتميت ان عشاي مايتعدى الساعة ثمان وتدريجياً صارت لما آكل شي الساعة 6

    أحس روحي مابي أتعشى وأنام بدري على التسعة

    و خف وزني كيلوين مع العلم ان وزني ماكان يتحرك أبد لو أسوي تمارين طول اليوم ماتحرك

    بس الحمد لله ،، على قولة المثل

    من تعشى تمشى ..

    يعني نامي خفيفة

    والغدا خذي راحتك بالمجابيس بس اشربي الأعشاب من بعد الأكل بساعة أو قبلها بساعة


    وكثري ماي

    وان قدرتي انك تمشين لو خمس دقايق باليوم بركة ..

    بالتوفيق

  3. @drr_almas

    بذرة قطونا من العطار تشد التجاعيد تحطينها قناع لوجهك بعد ماتنفعينها بماء لمدة ساعه

    وللجسم اشربي زنجبيل طازج مع نعناع
    او شاهي اخضر

تابعي تجارب أخرى من هذا القسم.