شاركي في النقاش

سجلي الدخول لإضافة تعليق.

التعليقات

203
  1. طيب مادام انك تدرين انه خطا ليش تطيعين امك وتخلينه يفصل من الوظيفه من جد عصبت عليك بالله هذ سوات تسوينه بالرجال يعني لو قلتي لامك يمه ماقدر تعتبر هذي مي معصيه انه حياتك انتي وزوجك اسمحيلي خليتي الدم يغلي فيني الود ودي انط عليكي من الكمبيوتر البلشه انك متعلمه وتفهمين بالامور زين اه يالقهر ولاحد يهجم علي هذا رأي
  2. @asayl_malk

    صاحبة الموضوع
    قلبfars
    الله قلبى تقطع عليه ياليت تكملين بسرعه
    السلام عليكم ورحمة الله وبركاته
    في البدايه أحب أشكر الجميع على المرور وأعتذر عن التأخير والله يسامح إلى تحسب على وعلى الوالدة بدل ما يدعيلي بالهدايه والتوفيق وبالنسبه للأخطاء الأملائيه فتر الكتابه على الكمبيوتر مو مثل كتابه القلم لازم تنسي حرف ومع رغبتي كتابة القصة وشعوري أثناء الكتابه ما أركز وشكراً على التنبيه
    نرجع للقصه آيه وين وصلنا ؟؟؟؟؟؟؟
    زي ما ذكرة سابق حسيت فعلاً أني حطمت الرجال وبصراحه حسيت بلأسى عليه لكن أيش تقولون الله يسامح إلي كان السبب بعد عمله الجديد تغيرت نفسيته ودب فيه الحياه وأهتم بعمله بشكل كبير ولدت وجبت ولي العهد وهو ولدي مالك الله يهديه وكان فرحتي فيه كبيره ومو بس أنا الجميع خاصة هو ومتدرون قد أيش يحبها وكأن الولد جاه حافز أو يمكن هو شاطر أكيد شاطر والا أشلون كان مدير فرع في شركه بعد ولادتي بكم شهر تفاجئة أنه أستغل عمله كمعقب وتعرف على شخصيات مهمه ولقي وساطه وتوظف في دائره حكوميه يعني نفذ رغبتي صحيح ماهي ذيك الوظيفه مجرد مستخدم براتب 1300 ريال لكن على قولته ( ريحة أبو علي ولا عدمه ) أما بنسبه للنقل ماعاد جاب سيرته رغم أني توقعت أنه بيطالب فيه بما أنه نفذ رغبتي وتوظف وظيفه حكوميه وخاصة أن يحب جده موت أستمرين على هذا الحال ثلاث سنوات إلين صار مالك حبيبي عمره ثلاث سنوات لقيت الرجال قاعد يسعى لترقيه وبصراحه ما صدقت أن بيحصل على ترقيه بهاذي السرعه لكن زي ما قلت هو شاطر رفع للوزاره شهاداته الجامعيه وشهادات الخبره الي عنده مع التوصيه الشركه على كم خطاب من رؤسائه في الدائره خاصتاً أنه كان مستخدم مثالي وملتزم وفعلاً مع شوية متابعه على شوية وساطه على كم دفه رقه على المرتبه السابعه ورجع مدير إداره وراتب حوالي 9000 ريال تخيلو يعني بجد شاطر أنصدمت وبكل صراحه فرحت في ترقيته وباهذه المناسبه سويت عزيمه أشكبرها يستاهل ومدريت أن الجاي أعظم هنا كانت المفاجئه الترقيه جات في جده وعشان يسهل الموضوع قلي أنا أقدر أداوم في جده وأطلب ألحاق لديره إلى أن تنقلي لكن أنا ما أبي أنقل تعذرت أن ممكن ما يجي نقلي بسهوله ويمكن أطول سنه ثلاث عشرة ما أدري قلي أنتي قدمي النقل والباقي علي بس وريني أنك معاي بصراحه حاصرني ورحت أجري على أمي أطلب الحل وش تتوقعون رأي أمي ( أضحك عليه وقولي قدمت نقل ونوميه في العسل وبعدين ييأس ويطلب هو نقل لان أسهل عليه ) بصراحه شفتها كبيره أكذب عليه رغم أن أمي قالتلي كذب بيضه يعني هونته علي ونفذت كلام الوالده لكن على مين مو قلتلكم شاطر أتضح أن في إدارة التربيه واحد من قرايب أبوه بلغه أن مدرستي بذات من بين كل مدارس المنطقه ما رفعت أستمارات نقل خارجي وبعد كلم المديره يسأل عني أذا عبيت الأستماره طبعاً المديره أصرت أن مافي ولا معلمه تبي تقدم على الحركه هذا العام !!!!!!!!!!!!!!!!!!!!!!!!
    سألني ذاك اليوم إذا قدمت وبكل وقاحه قلت أكيد وأصريت على كلامي لكن فاجئني بالأتصال بقريبه وسمعني رده وهو يقله أنه كلم المديره وأكد بتسمية المديره أبله ..........
    تخيلوا كيف كان وضعي تمنيت تنشق الأرض وتبلعني ولا هذا الموقف ما قدرت أتكلم ولا أقول كلمه سوى في نفسي الله يسامحك ياماما هو قفل الخط وناظرني بذك النظره أكيد متخيلين الموقف الذي ما تتمنينه لعدوك وبما أن أنتهت الحركه يعني ما أقدر حتى ألحق على الملحق كمان قلي بكل هدوء ( شوفي كان بأقدم الحاق سنه وأقعد معاك لكن الواضح أنك ما تبيني ) وهددني لأول مره دائماً أنا إلى أهدد لكن صدقوني ما ينلام تعرفون وش هددني فيه أني لو ما قدمت على الحركه السنه القادم سواء نقلت أولا بس أهم شي أبين النيه بأني أطيعه وراغبته ولا راح يرسل ورقتي وخرج من البيت وأنا ماني مصدقه إلي أسمع تمنيت يكون حلم وأنا باقي مصدومه تفاجئة بالباب يدق وفتحت ألى هذي الوالده والوالد على الباب والوجيه ما تبشر بخير سألت أيش فيه طبعاً بعد ما رحبت الوالد ناظرني بنظرت أزدراء وقال ( ما توقعتها منك أن ربيتك كذا تكذب على زوجك وطيح وجهي عنده ؟ ) طبعاً الوالده أبداً مو مؤيدته قعدت تدعي علي زوجي وتقول لأبوي( ما سوت منكر بعد هو يفهم البنت ماتبي جده تبي تقعد هنا في الديره ) الوالد قلي وهو متضايق ( خليك ورى أمك إلين تضيعين ياله شيلي أغراضك ما يبغاك في البيت ) جزاي وأقل من جزاي بعد أتصل في الوالد وقله كل شي وبعد طردني حملت أغراضي وأنا أبكي وقلبي بيتقطع ورحت بيت أهلي حسيت أني رايحه السجن مو البيت إلى خرجت منه قبل كم سنه وأمي تدعي وتمسح دموعي وتقلي( ما يستاهل دمعه لاتبكي بكره أخليه يجي راكع يطلب الرضى ما ترضين بس أسمعي كلامي!!!!!!!!!!) أي كلام مو ما وصلني هنا إلى كلامك وين وعدك لي أني راح أرتاح وأنبسط وأصير الأميره إلي ما ينردلها طلب الوالد الله يحفظه قلي ( أتصلي فيه وبيني الندم وطلبي السماح وأوعديه بأنك راح تنفذين كلامه ) لكن الوالده سكتته وحذرتني أن أتصل وأذل نفسي على قولتها ولا راح يمسحبي البلاط سمعت كلام الوالده ولا تقول ليش غبيه ما أفهم مادري ليش !!!!!!!!!!!!!! مرت شهور والحال على ماهو عليه لا يكلمني ولا حاولت أكلمه حتى المسجات الغزل إلى كان يرسلها لي بسبب وبدون سبب ما أرسلي ألاقي مصروف ولده في حسابي شهرياً ولا يسأل وأنا خلاص بأنجن ولي يصبرني وعود أمي بأنه جاي وأنه يحبني وماراح يتحمل البعد وحشني كلامه الحلو وحشني صوته وحشني دخلته علي بأبتسامته الرقيقه وحشتني أيام الهنا ودلع معاه
    جات الإجازه وزارونا أمه وأبوه وحده من خواته يسلمون على الولد أمي أستقبلتهم أسوء أستقبال وأنا ماخرجت عليهم لأن الوالده موصيتني ولم سأل عمي عني أطر الوالد يكذب ويقول أني عند بنات عمي أنا وخواتي عمتي أعطت الولد فلوس وقالت لأمي أنها تبي تاخذه أبوه يبي يشوفه أمي رفضت وقالتلها يبيه يجي هنا يسلم عليه ولا نسي أنه هو إلي طردهم خرجت عمتي وأخته ووجهم ألوان من أمي ومعاملتها لهم والعكس عند الرجال أبوي إلي وجهه ألوان من عمايلي تنهد يوم شافني وهز راسه وقلي هداك الله وما تتصورون حالتي بعد ما عرفت أنها شرى فله في جده وبحى راقي وأنه قاعد يفرشه وأن أستلم الوظيفه في جده سلفتي مرت أخوه أتصلت علي تحذرني أن مرت أخوه الكبير قاعد تشبر عليه تبي تزوجه أختها المطلقه طبعاً أمي كذبتها وقالت أنها مرسوله من أهله علشان تخوفني وأرجع لكن الحال طال والشهور صارت سنه وأمي خفت من التحريض وكأنها بدت تخاف من أنها خربت بيتي ولقيتها تسألني عن الحركه عرفت أنها خربتها وقعدت على تلها لكن ما يحتاج أستناها تندم لأني رحت ركض أقدم في الحركه إلي صارت همي وكنت ما أبالغ أني أول وحده رفعت أوراقها تبي النقل وبعد كم يوم من تقديمي على الحركه مسكت جوالي وأنا أفكر أتصل ولا أرسل مسج ولا أخليها بعدين أختي ولي كانت على وشك تتزوج شافتني قامت وجابت جوالها وقالتلي تبين رساله حلوه خطيبي مرسلي كثير وصارت تدورلي رساله مناسبه كانت تعرف أني برسلها وفعلا أرسلت مسج حلو مسروق من خطيب أختي وأخرها كلمت أعتذار مع البشاره وكانه كان ماسك الجوال يستنى زي ما أنا أستنى رن جوالي أحلى رنه رنه أستنيتها سنه ردتي ولا تكلمت أستنى أسمع صوته أول كنت زي الضايع ما صدق لقي الطريقه قال ألوه حسيت الروح ردتلي رديت ألوه قال ( الله ما أجمل هذا الألوه نغمه ) وما تتخيلون كانت أحلى مكالمه سمعني فيه أحل الكلام وأنا كمان سمعته وكانت هذاي تباشير الخير طبعاً عرف أني قدم النقل من قريبه السابق الذكر والحمدالله نقلت وصرت الحين في فلتي مع حبيبي وأبو ولد تغيرت معاملتي له وصرت أقدره وأطيعه وأمي ماعاد سمحتلها تدخل في شؤني صحيح أنها ما بطلت لكن صرت أدخل كلامها من أذن وأخرج من الثانيه ولا أسمع إلى لصوت ضميري إلي ياما قلي أنتي غلطانه وما صدقته وأنا ما أحرضكم تعصون الوالده لكن أحذرن ثم أحذرن تدخلون أمهاتكم في حياتكم الزوجيه وأنتي أم تزعل من إلى يضايق طفلك في المدرسه وتكرهيه كيف لما بنتك تتزوج وتقعد تشكيلك منه أكيد راح تكرهيه وتحرضيه عليه وحبك لبنتك يعمي عنك وما تحسي إلى وأنتي مخربه بيته بدون قصد علشان كذا دافع أمي الوحيد كان حبها لي أعماها أنها قاعده تخرب بيتي والحمدالله على كل حال
    وتقبلو تحياتي
  3. @am_lyan_oryan

    اهم شي نهاية القصه والله ان زوجك طيب وابن حلال الله يخليكم لبعض والانسان مو معصوم من الخطاء بس المهم انك استفدتي من اخطائك وجت لصاالحكم الحين وامك الله يهديها وحذري اخواتك لايغلطوا غلطتك مع امك

تابعي تجارب أخرى من هذا القسم.