زوجي يبغى رأيكم في الموضوع

انا مع زوجك وانا شخصيا متزوجة وعندي بنت وما اريد شغالة في بيتي مع انه زوجي ماعنده مانع انه يكون عندي شغالة بس لما افكر فيها اشوف انه حياتي بتخترب بوجودها يعني ما رح اخذ راحتي في بيتي ولا زوجي بعد ويمكن بنتي تصير متعلقة فيها وهذا اللي يعور القلب .... خلج على حياتج بدون شغالة وطيعي زوجج ولا تنسين انه زوجج بيكون مرتاح لما مرته اللي تطبخ له وتغسله لانه بيحس انه مهم عندج وانج شايلتنه ومحافظه عليه ... والشغل ان شاء الله مقدور عليه وانتي قدها ... والله يوفقج

قالتلك وحده من الخوات

جيبي وحده تشتغل بالساعات

فتره الصبح إللي مايكون موجود

تنظفلك البيت من إلى

وتجهزلك كل شي

والله يسهل عليها

تبين نصيحتي
فراق الشغالة عيد
لا تجيبينها ويمكن تتحسفين في يوم انك جبتيها
الشغل بتتعلمينه وبتاخذين عليه يوم بعد يوم
وبتصيرين محترفة ولا ياخذ منك وقت
بعدين استمتعي وانتي تشتغلين
وغير كذا عندك وقت طويل تخلصين فيه شغلك لان شغل زوجك دوامين
الله يسعدك ويوفقك ويسهل امرك ولا تنسينا من الدعاء يا غالية :)

اسمحولي اشارك معاكم بس لاتواخذوني ...انا بفهم شي واحد انتو شلون تقدرون تلحقون على شغل البيت والاهتمام بانفسكم وعيالكم وازواجكم؟ اذا مثلا بتطلعون حفله ..عرس ...سوق...وين تخلون عيالكم؟؟؟؟؟ واذا مثلا جالك زوار شلون تقعدين عند الضيوف والا تطبخين والا تحضرين السفره ؟ واذا راحو منو ينظف يمااااااااااااااا يالتعب :angry: اللللله يعينكم انا اقترح تحطين شغاله للبيت تنظف وتغسل المطبخ اللي شغله مايخلص وتكوي وانتي عليج الطبخ والعيال والتزين للزوج شهريار اللي يبي الزوجه دايما على سنجة عشره والله لو تخلين زوجج اللي يشتغل بدالج اتوقع بدال الشغاله بيحط عشررررررررررره لكنه يرفض لان التعب مب عليه :( بنات حواء لاتصيرون ضدي والله صحيح اتكلم لو الرياجيل هم عليهم شغل البيت والعيال شيصير فيهم :30:

والله ياحبيبتي انا مااحب الشغاله لكنن وجودها بصراحه اصبح ضروره
وسبق جبت وحده مسلمه وصفيره وماتزوجت وطلعت عيوووووووني صح انها نظيفه بس ماتحب ولدي ومالها في الصغار ولا الطبخ ولا شي وبطيييييييييييييييييييئه غير انها مدري ايش فيها الظاهر مريضه نفسيا او شي من كذا وماطولت عندي وسفرتها
والحين جبت وحده كبيره بالسن وعنده اولاد ومطلقه <<<هذي كانت شروطي
ولله الحمد مرررررررررره مبسوطه معاها صح اني انحكرت حبتين بلبسي يعني كنسلت شي اسمه شورت او ميني جيب من حياتي في غير السفر
الا اني ولله الحمد مرتاحه ومبسوطه اجي من الدوام وغداي جاهز وولدي نظيف وانام والجو هاااااااااادي<<<لانها تاخذ الولد العصر بغرفه ثانيه يتسدح فيها ويلعب
واقوم المغرب وقهوتي جاهزه والبيت يلممممممممممممممممممممممع من النظافه والملابس مغسوله ومكويه ومرتبه
وش احلى من كذا:)