علم مع بعض انا الكرواسون بعمله ب 3 طرق بصراحه من الاسهل للاصعب فالاصعب وهاحاول انزلكو كل طريقه علي حده نبدا باسهل طريقه وهي من عجينه العشر دقايق مع اختلاف بسيط.المقادير :
2كوب دقيق عليهم 1 م ك حليب بودره زيها سكر زيها خميره ونصف معلقه ملح وعلبه زبادي 100جرام او اقل زي ما تحبي وكوبايه وربع مياه ونصف كوب زيت ونخلطهم يا اما في الخلاط او بمضرب البيض اخلطي حتي تحصلي علي عجينه شبيها بالكريب او عجينه لقمه القاضي سبيها لساعتين وضيفلها دقيق لحد ما تتماسك معاكي وتبقي عجينه متماسكه بتلزق شويه في ايديكي سبيها 10 دقايق واعجينيها تاني كويس لحد ما متلاقيها مبتلزقش في ايديكي وهنا سبيها تخمر نصف ساعه واشتغلي بيها
هتاخدي من العجين كوره وتفرديها كده.
وتعملي بالسكينه الشرط المايله دي وتلفي العجينه لحد النهايه وتقوسيها علي شكل هلال كده.
هتدهني وشها بصفار بيضه مع شويه حليب وكام نقطه زيت وسبيها تخمر خالص لحد ما حجمها يتضاعف.
وتخبيزيها في الفرن عادي خالص علي 200 ولما تستوي من تحت ولعي الشعله من فوق عشان وشها يتحمر ملحوظه الشكل ده لو متخمرش هيطلع معجن من جوه ومش مستوي.
</B></I>
