بنات الامارات الحلوات ممكن طريقة عمل العرسيه (^_^) بليـــــــــــز

السلام عليكم ورحمة الله وبركاته
هلا وغلا بخواتي الامورات :)

بنات ممكن تعطوني طريقه مضبوووووطه لعمل العرسيه الاماراتيه وتكون بمقادير قليله يعني تكفي بس حق شخصين انا وزوجي يااااااااااااااااربي نفسي اطبخ كميات كثيره بس خواتي واهلي بعيد عني اهيء اهيء اهيء :icon33: <<< قلبتها حزن الاخت لا تلوموني <<<<<<< وحده متعلقه في اهلها وايد :heart: :22:

7 تعليق 5,088 مشاهدة

شاركي في النقاش

سجلي الدخول لإضافة تعليق.

التعليقات

7
  1. @bysan_77

    السلام عليكم ورحمة من الله وبركاته ...

    مرحبا أختي جنان ... أنا ما عرف بالضبط كيف يسون العرسيه ... بس قلت لازم أقولج ألي أعرفه ... العرسيه تي نوعين ... وحده بالطحين ... وحده بالعيش ... وطرقتها مثل طريقة الهريسه ... على ما أعتقد أنج أول شيء تطبخين اللحم في ماء وملح بس ألين ما ينضىء ... وبعدين تحطين الطحين ... مادري أحس شيء ناقص ... هذا ألي أعرفه ... وأن شاء بنات الامارات مايقصرن .
  2. صاحبة الموضوع
    مشكوووووووره حبيبتي بيسان انتي الوحيده اللي رديتي علي وبالنسبه للعرسيه انا ابغي اللي بالعيش والصراحه اول مره اعرف ان في عرسيه بالطحين على العموم تسلمين اختي :)
  3. @shthy_alaatr

    السلام عليكم ورحمة الله وبركاته
    بخبرج اختي عن مقاديرضبطت ويايي ونجحت فيها عقب تجارب فاشلة
    المقادير:
    دجاجة
    ملح
    رشة فلفل أسود
    هال (اختياري)
    كوبين ارز مغسول زين ومودن في الماي
    5 أكواب ماء سلق الدجاج
    سمن
    الطريقة:
    قطعي الدجاج قطع على حسب رغبتج وشلي الجلد وبعدين اغسليها عدل.
    اسلقي الدجاج مع اضافة الملح والفلفل الأسود والهال لين ما تلاحظين ان لحم الدجاج طري وبسهولة
    ينشل عن العظم..
    في قدر مناسب صبي 5 أكواب من ماي الدجاج.
    بعدين عندج اختيارين:
    - اما انج تشيلين العظام وتردين قطع الدياي في ماء السلق وبعدين تحطين الأرز
    -او تحطين قطع الدياي بدون إزالة العظم وتضيفين الارز.........طبعا في الحالتين تضيفين الارز بدون الماي اللي ودنتيه فيه.
    اتركي الخليط يغلي حتى ينضج الارز ويغلظ وبعدين وطي النار......نار هاااااادية......ويفضل انج تحطين قطعة الحديد العازلة تحت القدر.......غطي القدر بورق الالمنيوم وحطي فوقه الغطاء........
    اول ما يختفي السائل، اضربي الارز بمضراب الهريس (هالعملية متعبة ويفضل ان شخص قوي البنية يقوم بها) وشلي العظام لو حطيتي قطع الدياي بدون تفتيت.
    عقب الانتهاء من عملية الضرب، يسكب في صحن مناسب ويدهن بالسمن...

    ملاحظة: استخدمي في قياس الارز وماء سلق الدجاج نفس الكوب

    وبالعافية عليكم

تابعي تجارب أخرى من هذا القسم.