بسم الله الرحمن الرحيم
اول شي احب اشكر ادارة عالم حواء لقبول تسجيلي فيها طبعا انا متابعة لعالم حواء اكثر من 4 سنوات طبعا من خلف الكواليس واليوم قررت وتشجعت اكتب تفاصيل حملي وولادتي وان شاء الله البنات يستفيدون من الشي هذا.
طبعا اول ما تزوجت ما حملت الا عقب سنة لان كان عندي التهابات وعالجتها والحمد لله الله كتب لي حمل بعد سنة كانت فرحتي كبيرة لين الدكتورة قالت لي انج حامل بتوام طبعا وراثي في اهل امي واهل زوجي .
لين وصلت الشهر الخامس راجعت عند الدكتورة هدى الجفيري الله يجزها خير وكانت الصدمة اني حامل بتوام ثالث بس غير مكمتل النمو وقالت لي بنقدر نوصلج لين سابع ونظطر نولدج قيصيري لكان الله ما كتب لي نصيب فيهم صارت لي ولادة مبكرة في السادس والاطفال الله اخذ امانته كانو 3 ذكور بعدها بواحد عشرين ابوي توفي :icon33:وكانت نفسيتي زفت ولكان لي خاطر في الحمل بس الحمد لله الله اكرمني بعد شهرين بحمل مرة ثانية وقررت الدكتورة تسوي لي عملية ربط عنق الرحم وخسرت وظيفتي وقعدت في البيت لين وصلت الشهر التاسع علما اني كنت استخدم دوفاتسون لين شهر الثامن طبعا الفولك اسد والاسبرين بعدين فتحت لي ربط على الاسبوع السابع والثلاثون وعطوني طلق صناعي وبعدها ولدت ما تتصورن يا بنات ولادتي شلون كانت سهلة لين كنت اطلق اردد في لساني اية الكرسي وكل الادعية والله ما خاب ظني دخلت غرفة الولادة ساعة 1 الظهر والحمد 1.24:icon28: ولدت ويبت احلى فاطمة بالدنيا طبعا تاريخ ولادتي كانت 9-9-9 *19 رمضان والحمد لله الله عوضني عن كل شي.
كتبت قصتي عشان الكل ياخذ عبرة ان الله ما ينسى عبده وكل شي بالدنيا تتعوض فقدت اطفالي وفقدت ابوي وفقدت حتى وظيفتي بس والله لين شرفت بنتي نسيت كل شي والحمد لله.
في النهاية احب كل من يقرا موضوعي يدعي لي وادعي من كل قلبي ربي يرزق كل محرومة وسوري على الاطالة.:)
شاركي في النقاش
سجلي الدخول لإضافة تعليق.
التعليقات
22- ماشاءالله ولا قوة الا بالله
ربي يجعلها بارة بوالديها ومن حفظة كتابه
ويحفظها من كل شر - ياعمري الله يجعل اللي راحو يشفعون لك
ويرحم ابوك ويسكنه فسيح جناته
الحمدلله على سلامتك والف مبروك العروسه تتربى بعزكم يارب :)
دعواتك الله يرزقني الولد الصالح كامل الخلق والخلقه ويسهل حمله وولادته - الحمد لله على سلامتك وسلامة بنوتتك الحلوه فطووووم .. والله يخليها لك يااارب وتفرحي فيها عروسه
عقبالي ياارب .. أنا ألحين بالشهر الثامن وإحتمال يولدوني قبل موعدي .. دعواتكم لي - مبروووك..
وتتربى بعزك.. elesar ko مبروووك.. وتتربى بعزك..
مشكورين وما قصرتوا والله يرزق كل وحدة باذن الله.
مواضيع مشابهة
تابعي تجارب أخرى من هذا القسم.