موسوعة الخفايف((بالصور))شاركينا

مكرونه بالاجبان

نسلق المكرونه وينضاف لها ملعقتين آجي وملح

لما تستوي وتنشف مويتها اضيف لها ملعقتين جبن سايل جبن شيدر وشوي موزيريلا
ممكن اضافة فلفل رومي وجزر مبشور وتقدم على صحن مفروش بالخس و واحب اشرب معها بيره تفاح اخضر يمي يمي يمي وماتاخذ ربع ساعه الى عشرين دقيقه

الصامولي اقطعه حلقات وادهنه بجبنه او لبنه وارشه بشوية زعتر او سماق واصفها بصحن
تصلح مع الشاي اذا مستعجله وعندك ضيوف سويتها مره جاني اخوي وماعندي وقت واعجبته مره

اقطع اطراف البريد ثم اقطعه مربعات او مثلثات وادهنه بشوية حليب محلى وارشه بدارسين
وممكن جوز هند ملون ورتبه بصحن حلو <<حلا للقهوه سريع

اذا ابي اسوي حلا بالاكواب ومستعجله

احط بقاع الزبديه شريحه من كوب كيك لوزين او بسكوت شاي مكسر او حتى (صامولي مقطع صغار للزنقه)
وارشه بشويه حليب محلى او هيرشي
ثم خلطه : قشطه + كريم كراميل
ثم ازين باللي موجود : هيرشي - فليك - كاكاو بودره - فارمسيل ملون - فواكه مشكله
<<ينفع حلا للعشا

خلي دايم بالفريزر : سمبوسه محشيه وجاهزه للقلي - كبه تونه او دجاج (يمدحون ميني كبه شامي بالسوبر ماركت )
بيتيفور سولاف بالمشمش او التفاح او الفراوله يجنن وماياخذ الا ربع ساعه بالفرن رووووعه


وطبعا مملكة البف باستري غنية عن التعريف للحلا او للموالح

ممكن البيتزا الفرنسيه:
شرايح من الصامولي حلقات تدهن بكتشب ثم قطع من الدجاج (باقي من الغدا مثلا)
وفلفل بارد قطع صغيره
زيتون قطع صغيره
ابشري فوقه جبن وعلى الفرن من فوق بس يذوب الجبن

شغله دقايق بس


,,

هذا اللي في بالي الحين

والموضوع روعه بخليه بالمفضله وارجع له باذن الله

ويابنات التزموا بالموضوع وبشروطه من باب الاحترام لصاحبته


..