طلبتكن ساعدوني تحدي بيني وبين زوجــــــــي&&&

هلا مراحــــــــــــــب باحلى حوائيات.
دخيلكن اللي عندها خبره اتساعدني ,ترى تحدي بيني وبين الغالي اني انقص وزني .ترى وزني قبل لا اتزوج 55 وبعد الزواج وبعد ما يبت بنتي فديتها ارتفع وزني وصار 68 والحين بتكمل سنتين بنتي صار وزني 65 وطبعا سوينا تحدي اني ارد وزني الاول وهو 55وبديت رجي
وهو فطوري:
توست اسمر مع لبنه قليل الدسم او جبنه قليل الدسم
وشاي حليب قليل السكر (عاد ما اقدر استغنى عن الشاي ولا السكر)او عصير برتقال ميلكو
واحياننا بيض مسلوق
الغدا:
سلطه خضراء مع قطعة دجاج مشوي
معه عصير ليمون قليل السكر او عصير برتقال قليل السكر
او زبادي قليل الدسم مع حيلر
العشاء:
توست اسمر او خبز اسمر مع جبنه او لبنه قليل الدسم مع عصير ليمون
او زبادي مع خيار

طبعا اشرب ماي كثير وعصاير احياننا احس بالجوع واروح اكل شيبس .
خرب الرجيم صح بس ابا من اللي عندها خبره اتساعدني وتقولي رجيمي صح ولا مخبص
طبعا مع مشي في اليوم ساعه ورياضه ربع ساعه
انا طبقته هالرجيم تقريبن 8ايام ورحت وزنت ونزل وزني 63حلو ولا اطبق رجيم ثاني .
ادعولي ارد وزني الاولاني .

6 تعليق 817 مشاهدة

شاركي في النقاش

سجلي الدخول لإضافة تعليق.

التعليقات

6
  1. @jameelah676

    رجيمك حلو وصحي بعد
    استمري و راح توصلي لهدفك
    و ما شاء الله معدل نزولك جدا حلو

    موفقه
  2. @almyash99

    بالعكس رجيمك روووووووووعه بس حاولي تخلي الخبز الاسمر على الغداء والعشاء كثري من اكل الاناناس الطازج مو المعلب لانه روووووووووووعه للتنحيف بالذات البطن يمسحه ويااااااااااارب توصلين الوزن المثالي وتكسبين التحدي الله يجعلك اجمل النساء بنظر زوجك ولاتنسين الرياضه لو ربع او نص ساعه عشان ينشد جسمك
  3. @fdyt_alrym

    صاحبة الموضوع
    مشكورات حبيباتي رفعتو من معنوياتي ان شاء الله ابشركم بوزني الاولاني
    وين الباقين ..؟
  4. كمان دخلي المشروبات الحارقة لبرنامجك زي القرفة والزنجبيل والكمون والشاي الاخضر كعامل مساعد
    موفففففففففففففففففففففففففففــــــــــــــــقة

تابعي تجارب أخرى من هذا القسم.