جبتي العيد وانتي بزر؟؟ تعالي اسدحي موقفك هنا خلينا نعيد معك

انا موقفي مع اخوي كان فيه غباء شوي اخوي وقتها كان برابع ابتدائي وانا بثالث الموهم هو وعيال عمي راقين فوق بالسطح يدخنون المهم انا كنت جالسة في امان الله تحت في الصالة العب الا وجاني اخوي يمشي مليون ومعه ولاعه يبي يحرقني وانا اهج مدري وش السالفة الا يمعط شعري واطيح على الارض يقول ياوويلك ان علمتي علينا قلت وش اعلم عليكم فيه قال اننا ندخن <<فضح نفسه الغبي ههه المشكلة اني ماجبت خبرهم ولا كنت داريه انهم يدخنون <<< عليه غباء مدري من وين جايبه ههههه ((كسر قاعدة امشي عدل يحتار عدوك فيك )) ههههههههههههههههههههههههههههههههههه
المهم في النهاية ابوي سمع صياحي وجا قال وش فيك قلته السالفة ومير يمسكهم ويحشرهم بالمجلس وانواع الضرب بالخيزران اسمع اصواتهم اي اااح اخخ طااع وانواع الصياح احسن يستاهلون هههه << وانا مستانسة خذيت حقي هههههههه

الموقف هذا تقريبا له 18 او 17 سنه بس مانسيته هههههههه

السلام عليكم
جلت دخول عشان هالموضوع مخصوووووص


مالكم بالطويلة ،،، جبت العيد في أكثر من مرررره
نبر ون _ نفس سالفة الاخوات في الصلاة على الميت من الحيوانات << يصلح عنوان كتاب (خرافات االاخوات في الصلاة على من مات من الحيوانات) خخ استغفر الله ربي

المهم ما مات عندنا من حيوان جبناه ودفناه بعدين صلينا علينا (وصلى عليه جمع من وفود البزران)
لأننا وفيين وما تهون علينا العشرة


نبر تو اانا وبنت خالتي الله يهديها تسلطنا على الحشرات اللي تتجمع على الليتات وصرنا نجمعها بعلب بلاستك شفافة صغيرة ، وبعدين نحط عليها التركيبة (كلوركس، بف باف، صابون جلي الصحون، صابون أيدي، صابون ملابس، ....) ونمسك العلب ونخضها لين تقول بس، ونركض بها عشان تدوخ الحشرات. ويوم خلصنا تشاورنا وش نسوي، قالت نشم ريحتها وععععع
وبعد ما شمينا الريحة رجعنا نتشاور وشنسوي ـ فاتفقنا على اننا نرميهن بالزبالة<< طيب من زمان اختصرتوا الموضوع يا قمر الزمان

نبر ثري يوم كنت ثاني ابتدائي عمي يرجعني من المدرسة، وكان على بال ما طلع من الجامعة يتاخررررررررر
وانا انطق بهالشموس، والقايلة والحر ، وافطس ما فيه خبر احد بيجيبني، والدنيا زحمممه قصدي حررررر
والبرادات حقت الماء تفوح يالله النجاة من النار ، فما في حل الا اني ادور على المدرسة واتفتف هالمشروبات اللي منثورة في الساحة من بقايا فطور الطالبات،وكنت بالفسحة ادور وكل ما شفت وحده معها مشروب غازي، اقول يا رب انها ما ترميه بالزبالة يارب انها تخليه على الجدار او بالأرض، لأن باحتاج له وباشربه بوقت الانصراف << يا كبديييييه ،
انا ما ادري ليه ما اشتري ماء بارد بوقت الفسحة واخبيه لوقت الانصراف,, والله اني أنقهرر من نفسي

وسالفة ثانيه .. طبعا انا فراشة المدرسة (يعني اخر من يطلع) تعرفون نظام المناوبةللمدرسات ، يبلشون بي، واللي مدرسة تعرف معنى هالكلمة
وكلهن يقولون لي بنوصلك وين بيتك ، وانا ارررفض
حتى مرة كانت المناوبة على المديرة ، وهي تحاول منا ومنا وما عندك احد ، وتجرجرني، وبرضه ما عندك احد رراااافضة، ويجي زوجها-الله يرحمه- ويقنعني ويسحبني اركب وانا ما زلت رافضة (امي تقول لا تروحين مع احد)
ويروحون وانا منطقة عند باب المدرسة (طبعا يطلعوني برا ويسكرون الباب واظل انتظر عمي ووانا برا المدرسة)، وربي رحمن اني ما انسرقت او خطفت ، لو اني اروح مع االاستاذات وربي ارحم من اني اجلس لوحدي (تذكرت الماضي آآآآه)
تخيلو من 12 اطلع وما يجي عمي الا يمكن 2

وسالفة ثانيه .. طبعا انا فراشة المدرسة (يعني اخر من يطلع) تعرفون نظام المناوبةللمدرسات ، يبلشون بي، واللي مدرسة تعرف معنى هالكلمة
وكلهن يقولون لي بنوصلك وين بيتك ، وانا ارررفض
حتى مرة كانت المناوبة على المديرة ، وهي تحاول منا ومنا وما عندك احد ، وتجرجرني، وبرضه ما عندك احد رراااافضة، ويجي زوجها-الله يرحمه- ويقنعني ويسحبني اركب وانا ما زلت رافضة (امي تقول لا تروحين مع احد)
ويروحون وانا منطقة عند باب المدرسة (طبعا يطلعوني برا ويسكرون الباب واظل انتظر عمي ووانا برا المدرسة)، وربي رحمن اني ما انسرقت او خطفت ، لو اني اروح مع االاستاذات وربي ارحم من اني اجلس لوحدي (تذكرت الماضي آآآآه)
تخيلو من 12 اطلع وما يجي عمي الا يمكن 2[/quot
ذكرتيني بنفسي في الكلية كنت اداوم الساعة 6 الصبح والمحاضرة تبدا الساعة 11قبل الظهر