ولا يهمك ياحبر وورق وهيو غاليات والطلب رخيص انا ساكنه بالرياض يعني بس اعطيكم هالمعلومه انا اشتريه من صديلية ديرما الي عند عيادات ديرما بس تلقينه بالصديليات الكبيره وبس بس جد جد راح تدعون لي .
وبالنسبه لنصائح المكياج انا تعبت من الكتابه في المره الاولى
بس ان شاء الله اني راح اقولك كم نصيحه ان شاءالله تفيدكم اهم شي بالمكياج الحلو انه يكون على بشره نظيفه منتعشه صحيه خاليه من العيوب ولا تحطين مكياج فوق مكياج يعني مثلاً انتي كنت معزومه الظهر على عزيمة غدا وعندك بعد المغرب عزيمه لا تحطين مكياج جديد فوق مكياجك القديم خصوصاً اذا كان منحاس مثلاً الماسكرا سايحه او الكحل اول شي ابدي بتنظيف وجهك من جديد بطريقه بسيطه يعني استعملي منظف خفيف انا شخصياً استعمل منظف مكياج العيون من شانيل لونه ازرق بحري يعني المهم انه قوامه زيتي مرره حلو ويزيل المكياج بسهوله .
وبعد ماتنتهي من التنظيف انعشي وجهك بتونيك وبعدين حطي عليه كريم مرطب يكون اساس قبل اي شي تحطينه على وجهك وتجنبي منطقة العيون وماحولها .
وبعد كيذا ابسطي كريم الاساس الحين فيه اشياء مرره ممتازه ممكن تدورين على الي يناسبك منها بس انا انصح بكريم اساس ماك مرره كويس ودرجاته متنوعه بس الي عندها خبره بكريمات الاساس تقولنا انا مو هذاك الزود خبرتي فيها .
وبعد كيذا انشري البودره على وجهك وتجنبي البورده المظغوطه خلال النهار لانها تعطي مظهر ثقييل مره .
وجربي البورده البرونزيه حقة لانكوم فيه منها كم درجه مرره تحلي الوجه وتعطيك لمعه خفيفه بس حلوه .
واذا كان عندك عيوب بوجهك يعني كندك منطقة الانف مثلاً كبيره او الخدود مليانه فيه عند كريستيان ديور علبه طويله فيها اربع درجات تتدرج من البني المتوسط الى البيج وانتي طبعاً تعرفين انه اللون الغامق يعطي خداع بصري ويصغر مناطق واذا كان عندك اي استفسار قوليلي لان موضوع البودره متشعب وطويييييييييل .
والبلاشر بالنسبه لنا يالخليجيات الي بشرتنا تميل للسمار احسن الوان البلاشر المشمشيه والقرميديه والطوبيه تعطيك احساس بأنها طبيعيه وان التورد في خدودك رباني مو من اثار المكياج .
ولاتفكيرين نهاااااائي بأنك تستعملين اساس افتح من لون بشرتك بأكثر من درجه وحده على ابعد تقدير لانه بدال مايحسن مظهرك بصراحه يعطيك بشاعه غير طبيعيه كنك حاطه جبس على وجهك .
وبالنسبه للعيون فيه مسكرة بورجوا مدري هي جديده ولا قديمه المهم انها مررررررررررره ممتازه لون علبتها اسود وابيض وهيا تتكون من جزئين الأبيض يطول الرموش والاسود يلونها بس انا مااحب الأسود منها بس استعمل الجزء الابيض ولمااجي الونها استعمل مسكرتي العاديه
لان احس انه سوادها مو عميق :).
وشو كمان فيه قلم لونه فضي تلوني اجزاء من حواجبك فيها مع المكياج تصير كنها منتوفه يمكن سلفتك استعملتو بس والله ناسيه اسمه بس ان شاء الله اني راح ادور على اسمه واقولك . وممكن تكون سلفتك مسويه تشقير لانه بعض انواع التشقير ماتبان لو ايش ماصار وانا اعرفوحده تجي البيت سودانيه بس تشقيرها روووووووووووووعه اذا كنتي تبغينها قوليلي .
ومع هذا العيد اصبغي شعرك وقصيه وسوي هاي لايت لانه الصبغه الحلوه تحلي واذا كنتي مليانه مثلاً سوي رجيم ورياضه صدقيني راح تحلوين زياده على حلاك .
واذا كنتي في الرياض قوليلي لاني اعرف كم صالون ممتازين .
وبس هذا الي في بالي ولما اتذكر شي راح اجي اقولك لانه بصراحه تعبت من الكتابه <================= مهي عجازه ابد
وتقبلي تحياتي اختك
^الكتكوته^
تغير المكياج يعمل كذا معقوله
متابعة النقاش، صفحة 10