للعضوه @ام عبودي@ مااقول الا حسبي الله ونعم الوكيل هذا كلام تقولينه وتنصحين البنت بهالطريقه انتي شايفه انها تجامع انسان او اللي يجيها انسان
هذا جن ياماما ياليتك تجربين مره وتقولين لنا كيف تقدرين تمنعينه عن الاغتصاب بالاكراه سواء الوحده رضت او مارضت انتي ماتتخيلين هالشي
الكلام حلو وسهل والنصايح تراها بلاش وياكثرها يكون بعلمك ترى الجن تقدر تشيل الواحد من مكانه وتوديه بمكان محد يدري عنه
وانتي ياصاحبة الموضوعي والله اني بكيت لحالك وحسيت فيكي يابعد قلبي ويارب يشفيك ويرفع عنك وصدقيني بإذن الله ماعليك اثم وذنب لان هالشي غصب عنك وانا ادري انك مااستسلمتي له بسهوله انا اعرف احساسك زين ادري انه يجي ينقض عليك بلا رحمه ويكتفك عن الحركه وماتقدرين تتحركين حتى الكلام وتكونين بحالة شلل كلي وتام بس احب ابشرك انك مازلتي بكر وعذراء بإذن الواحد الاحد ومايقدر يسويلك شي هو مجرد احساس بالجماع شوفي بعلمك شغلات تسوينها وبإذن الله يفك عنك
اول شي لازم تروحين راقي ثقه وذو دين
ثاني شي جيبي مسك الغزال تلاقينه عند محلات العطور العربيه وحطي بين فخوذك وبمسحه خفيفه على عورتك من قدام ومن وراء وجيبيلك كوتكس ومليها زيت زيتون مقري فيه والبسيها بالليل اذا جيتي تنامين وادهني كامل جسمك بالزيت ودايم خلي ريحتك عطره وخليك على نظافه ونامي على وضوء وشغلي قرآن وادري انه مرات يجيك ويتسلط عليك وحتى وانتي مشغله قرآن بس حصني ارحامك انتي في حرب مع الشياطين
ولازم تقوين ايمانك وعقيدتك واسمعيها كلمه من اخت لك مسلمه تحبك بالله
انتي بداخلك مو موافقه على هالشي ولكن استسلمتي غصب عنك وعلى قولتهم مايحس بالنار الا رجل واطيها والبنات اللي تكلمو مايدرون ولايحسون بالضغط والالم اللي يسويه الجني لما يبرك على الجسم مايحسون ان فوقك جبل مايتزحزح
لكن ياقلبي انا حاسه فيك وحاسه بكل شعور حسيته انا من زمان كنت مثلك وكنت احاول اقاوم بس مرات مااقدر وبالاخر استسلم مو لاني مستلذه او مستانسه عالوضع ولكن لاني احس بقوه عظيمه على صدري انا مرات لدرجة اني احس اني اطير من سريري واحس اني بروح وبياخذوني معاهم بس اكتشفت سر عظيم لو تقولينه اقوى واعتى الشياطين يطيرون
اسمعي وطبقي اللي بقولك عليه اول ماتحسين انه حضر وبدت اطرافك تنشل وماتقدرين عالحركه اقري بصدرك ورددي اية الكرسي الله اكبر كبري ياخافون من التكبير ادري انه باللحظه هذي حتى فكرك ولسانك منشل لكن قلبك صاحي اقريها بقلبك وبتحسين بإذن الله انه يبتدي يفك عنك بالبدايه بتحسين انه لما تقرين تحسين يبتدي يضغط عليك بكل قوته لدرجة انك بتحسين ان روحك بتطلع واذنك بتتفجر بس ماعليش كملي قرايه الين توصلين الى قوله تعالى بآية الكرسي (( وهو العلي العظيم )) ردديها وشوفي كلمة العظيم كيف وقعها عليه شوي وبيروح عنك ويختفي لانها تذبحهم
صدقيني انا كنت مثلك اول بس عرفت السر وصرت اطبقه وتأدب خادم السحر عندي من يحاول على طول اقرى اية الكرسي وارردها بقلبي لين احس بضغطه القوي علي واللي احس روحي بتطلع معاه وبعدها احس بدى لساني ينفك واقراها واول ماتصحين من الشلل على طول اوقفي وانفضي فراشك وتوضي اورجعي نامي واقري المعوذات ونصيحه لاتنامين بالظلام افتحي الانوار
بقولك شي الانسان المصاب بمس او سحر شي طبيعي ان نفسيته تتبدل باليوم الواحد مية مره مره يكون في حالة يأس ومره في حالة ايمان وتفائل وانه بيشفى ومره حزين ومره عصبي ومره بغضب ومايدري من وين تجيه هالاحاسيس فاللي تمرين فيه شي طبيعي
والله اني عمري ماتكلمت عن نفسي ومعاناتي ومابي احد يدري لاني مابي احد يشفق علي او يستهزأ او يكذب ولكن ماكتبت وقلت عن جزء من اللي عانيته الا لاني حسيت فيك وابيك تشوفين مو بس انتي تعانين في غيرك كثير يعاني سواء انا او غيري وابي اخذ بيدك وبقدر مااستطيع اني اساعدك
فلا تيأسين ياأختي انتي مأجوره وانتي من اهل البلاء وويوم القيامه بتقتصين من هالجني اللي سكن جسمك ويعذبك صدقيني عذابه عظيم عند رب العباد لانه ظلمك واستحل جسمك بغير وجه حق والله حرم الظلم على نفسه وبين عباده وانتي انسانه مظلومه وربي راح ينصرك ولكن توكلي على الله والجأي الى الله جاهدي نفسك ادري انه مو بالسهوله اذا ماتقدرين تقرين قرآن اسمعيه شغلي الرقيه والادعيه والسور من النت واسمعيها
يمكن اللي بقوله لك يكون فيه عزاء لك وتحسين مو بس انتي المبتلاه انا مااقدر اقرا القرآن اتعب كثير واحس صدري بينفجر فأسمعه وحتى النظافه مااحب لكن اقاوم واحس بتعب ومعاناه بس مااخليه يسيطر علي وانتي بعد لاتخلينه يسيطر عليك ويخليك تيأسين صدقيني انتي في كرب عظيم وبلاء كبير والله يحبك لانه اختارلك هالبلاء ماتدرين يمكن يكون سبب لدخولك الجنه فلا تحزني وافرحي واستبشري خير والحلو انك استوعبتي حجم البلاء اللي انتي فيه وكتبتي عنه والاعتراف بوجوده بداية الطريق الصحيح للعلاج حبيبتي سوي اللي قلتلك عنه وان شاء الله يخف عنك ايذائه
وبقولك شغله ترى المرض الروحي بجميع انواعه مس او سحر حنا والجن مثل الميزان مره هم بالعالي وحنا بالاسفل ومره حنا بالعالي وهم بالاسفل
مثل اللعبه حنا واياهم متى نكون بالعالي اذا كانت عزيمتنا قويه وتعلقنا بالله وتوكلنا عليه مطلق ومتفائلين ( يعني نفسيتنا ومعنوياتنا مرتفعه )
واذا كانت نفسيتنا دمار والحزن والهم مسيطر علينا صار الجني بالعالي وحنا بالاسفل
وصدقيني انا صار لي فتره مااحب ارد على اي موضوع اتضايق واتعب بس كتبت لاني تنرفزت من رد العضوه ام عبودي وحسيت بقهر وظلم لك
وحبيت اقولك في خوات بالله لك يحسون بمعاناتك ومروا باللي مريتي فيه
ولو اقولك عن قصص بنات يشيب لها الراس
واي استفسار او سؤال ارسلي لي رساله وانا بالخدمه ولاتلتفتين لكلام اللي يحبطونك او يقولون انك معطيته مجال
انتي ماعطيته مجال او فرصه ولاسمحتيله يغتصبك هو يعتدي عليك غصب عنك وانتي ماتقدرين تدافعين عن نفسك وماعندك سلاح فتضطرين انك تستسلمين عارفه شعورك بس ان شاء الله انا والعضوات اللي فيهم خير بنساعدك ونخليك قويه وتمسكين اقوى سلاح الا وهو كلام الله انتي قويه بإيمانك وانا متأكده انك راح تغلبينه وتنتصرين عليه بس طبقي اللي كتبته لك
اسمحيلي اختي تطفلت على ملفك الشخصي وقريت من مواضيعك الدوره مانزلت عليك وتتعبك ترى الجن والشياطين تسكن الارحام وخاصه العاشق او خادم السحر لتعطيل الزواج او التفريق علشان كذا يأذونك بالدوره ياأنهم يمنعونها او تنزل شحيحه او انه يكون نزيف فأفضل علاج عمل الحجامه للأرحام
والافضل عمل حجامه في راسك وفي الكاهل والاخدعين وسلسلة الظهر ماتصدقين يوم سويتها ايش صار معاي شي مو طبيعي والله ان اللي تحجم لي انهبلت من راسي صار يغلي الدم براسي تقولين كأنه ابريق شاهي عالنار والدم كان اسود وهذا دليل على انه قديم فيني المرض وارتحت شوي بعد الحجامه وقالت لازم اكررها كل اسبوعين تصدقين ان خادم السحر حضر يوم حجمتني سبحان الله كأن واحد جالس يرقيني خايف انه يموت من الحجامه ويصارخ يقول لاتفكون العقد وتطلعونها وانا تعبت فيها سبحان الله اكتشفت ان الحجامه تطلع الاخلاط الرديئه اللي يحطها الجن بالجسم وعليك بعد بالسدر اشربي سدر طازج يوميا خذي سبع سدرات وحطيهم بالخلاط وصبي عليهم ماي صحه صغير وخليهم لين يصيرون مثل الميلك شيك مخفوق السدر واشربيهم بالعافيه وشوفي تأثيره عالخبيث اللي عندك بيربيه زين والله اعتى الشياطين تتأدب ان اللي عندي شيطان مارد تربى من السدر سبحان الله مفعوله عجيب عليهم وهالكلام انصح فيه البنات وان شاء الله بكتب موضوع عن الحجامه والسدر للبنات
واعذريني كل ماتذكرت شي كتبته وعدلت بمشاركتي
المس دمـــــــــــــــــر حياتىُ
متابعة النقاش، صفحة 14