للبنات الفاسخات من ملكــــه و المطــلقات من ملكـه .. تعــالــو فضفضــو/ قديم

السلام عليكم اتمنى انكم تدعون لي بالزوج الصالح انا والاخت بيادرو وبنات المسلمين اجمعين --انا انقطع نصيبي كذا مره مدري ليش ولا اهلي يدرون ليش الحمدلله على كل حال انا راضيه دايم اقول الجاي احسن بس بقولكم قصه بنت جيرانا تقدم لها واحد وملكت 5 سنوات وبعد الخمس سنوات جاهم وطلق وقال مالنا ببعض نصيب والبنت مره تاثرت والكل تكلم عليها بعدها جلست فتره بالبيت والحمدلله الحين تزوجت ومعها بنت واللي تزوجته مره مدللها ومو مخلي عليها قاصر والحمدلله ربي عوضها وغيرها كثير بس وعسى ربي يعوضكم ويرزقكم بالازواج الصالحين ويستر عليكم وعلى بنات المسلمين

الله يرزقنا جميعا الازواج الصالحين

والله خنقتني العبرة على قصة صاحبة السمو الله يفرج همك ويرزقك الزوج الصالح وحسبي الله على كل ساحر وساحرة الله يشل ايديهم بالدنيا يارب

وبالنسبة لي انا اقول الحمدلله على فسخ العقد لانه ماكان مناسب لي وماله شخصية مستقله وكنت ابكي يوم الملكة واقول لاهلي ما ابيهم يجيبون المملك ولا يجون خلاص بس ما اقتنعوا من كلامي وجلست امي تقرأ علي قران تقول هذي عين بس في النهاية الحمدلله اللهم اجرني في مصيبتي واخلف لي خيرا منها وحسبي الله ونعم الوكيل

وتخيلي نفس يوم استلام الصك اتقدم لي عريس خطبة فقط بس بعد مايناسبني وماتم النصيب بس هو شكله لسا حاطني بمخه لان انعرض عليه كذا بنت وكله يرفض طبعا سمعت من ناس معرفه بينا

وللحين ماتقدم لي احد

طبعا تصير لي مواقف بحكم ان عملي مختلط مرة واحد كلم زميلتي كبيرة بالعمر وام وقالها تسألني اذا اوافق على واحد قريبهم بس هي غلطت وكلمتني قدام زميلتي الثانية وهذيك نطت من مكانها وقالت كلميه عن اختي وطبعا حتى لو بوافق بيصير حزازيات وعينهم فيه ورفضت بسبب هالزميلة

ادعي لي بالترقية والنقل والزوج الصالح لان خلاص الوضع لا يطاق بمكان عملي كله حسد وغيبه ونميمة اعوذ بالله

وهذي قصتي من طقطق لسلام عليكم

واليوم الجمعة الله يرزقنا جميعا كل مانتمنى

آآآآهــــ الموضوع جا على الجرح الله يعوضنا خير ويرزقنا آميييين

تفائلي بالخير حبيبتي انا مريت بنفس الحالة تملكت على واحد منصب دكتور وما ينعاف بس ابوي كان طمعان في المال وطلقني منه غصب عنه وكنتعمري16 سنة بكثر المشاكل لحد ماكره نفسه وطلقني تخيلي وحدة في هذا العمر يقولو مطلقة مع ان احسن شي ما كنت اعرف قيمة هذي الكلمة وهو احسن شي وزوج بعد2 سنة وعمري18 بواحد غني بس معدد وقدي مرتين وما استفت شي غير القهر انا في عالم وهو في عالم ووالله الحياة ماهي في الفلوس ابدا طبعا المستفيد اهلي وابوي اما انا قاعد يضيع شبابي في النكد والتفكير وهو ولا هنا احس اني اتعامل مع ابوي تفكيره مرة كبير وشخصيته ثقيلة بحكم العمر راحت طيشت الشباب وفرفشته ما حد يحس برغباتك ولا يفهم نفسيتك شيبت قبل عمر ام24 صرت ام45 لاني فرفوشة وطفولية وضحوكة كل هذا انطفى كل الي يشوفني يقولي وش فيك كأنك شايلة جبال الدنيا فوق راسك وين الابتسامة وين تنويرة الوجه هو زوجي ما يسويلي شي ما اضلمه بس محبوسة ومقيدة غير هم الجارة وحركاتها حتى دايم اتحسب على ابوي واقول ضلمني وضلم بنت الناس يوم جيت على راسها انا ما ارضى لنفسي هذا الشي ليش ارضاه لغيري ليش اخرب حياتها وانكد عليها دايم احس بتأنيب الضمير بس هذا شي كان مو بيدي كنت بيبي لما اتزوجت ومثل الهبلة وشي مو برغبتي لاني ماكنت مثل بنات الحين يفهمون كل شي بس ما اعرف الا المدرسة والدراسة والكتب مثل ما يقولو قطة مغمضة والله بدون مبالغة لكن الحمد لله على كل حال الله يعوضني خير ويخلف علي يارب