أمي .. ظلمتني .. (( من يقول قلب الأم كبير ماشاف قلب أمي ))يارب فرج همي وأنصرني يااارب

كلمي اختك الكبيره ..
قوليلها انك نفسك تتزوجي ومو حرام او عيب انك تتزوجي قبلها
حنني قلبها وخليها تكلم امك تقول انها راضيه انك تتزوجي قبلها

والله حرام عمرك بيروح والسبه انو لازن نزوج الكبيره
الله يعينك ويحنن قلب امك عليكي

صح ياقلبي انتي انسانه ولها احاسيس بس صدقيني عمره ام ماتفرق بين اولادها
بس اكيد في شي بداخلها او سر بعدين راح تكشفيه
بالذات يوم كررت لاتسامحيني امك بداخلها شي والله اعلم ايش هو
روحي بوسي رجلها وراسها والله ثم والله راح تندمي على كل كلمه كتبتيها لو سار لها شي
لانه اللي ماعنده ام حاله يغم
شوفي لو الزواج ربي كاتبه راح يسير لو امك وقبيلتك كلها رفضت
المشكله كتبتي انك عارفه الموضوع دا وبعدين تقولي امي ماسامحها فكري لو ربي رزقك بزوج وجاتك بنت تقولك الكلمه هادي ايش موقفك حطي نفسك موقفها
والله الزواج مو كل شي مو عشان انا متزوجه لاوالله بس عشان اتمنى ابر اهلي واعطيهم روحي بس تلاقي ناس توقف بحلقك ماتقدري تواصليهم
بر الواليدن غالي وبركه روحي اجري على صدرها وضميها وقوليلها سامحيني يامي والله شيطان لعب براسي وقوليلها امرك ولو اقعد العمر كله خدامه تحت رجلك
وعاتبيه بدلع قوليلها وين يمه مباركتك ليا بالنجاح والدلع هيا ابغا احلى كيكه من يدك صدقيني عمرها ماراح تقسى عليكي
جرحتيها فلازم تداويها
اذا كلامي فيه جرح لكي سامحيني بس مابدي اي وحده من اخواتي في الاسلام تندم بعد وقت مايفيد فيه الندم واعتبرتك اخت ونصحتها ربي يرزقك باحسن زوج بالدنيا

أختي لا تكونين سلبيه وطالبي بحقك ومو من حق امك واي احد يرفض خاطب عشان اختك اللي اكبر منك . هذا ظلم حسبي الله ونعم الوكيل .وردود اللي قبلي غريييييييييبه مره ترا مومن البر ان اموت وانحرم كل شي وش دخل بر الام في اني احرم نفسي من الزواج.والاولاد والاستقرار الا اذا كان الخطاب اللي يجونك تشوفهم امك انهم مو كفو ولا يصلحون هاذي حاله ثانيه.... مراح اروح بعيد واقولك قصة فلانه وعلانه لاا بقولك قصتي انا بنفسي والله كنت انخطب من يوم عمري 14 واللي يخطبوني شباب ما ينرفضون ابد علم واخلاق ودين ونسب وحسب وكانت امي تقول لا ما تتزجين قبل اختك ولازم تراعين نفسيتها وشعورها واالاسف كنت صغيره ما اعرف مصلحتي وكنت اسكت واقول هاذي امي واستمرت في الرفض لين تزوجت اختي ويوم تزوجت اختي ما صار يخطبني الا عوير وزوير واللي ما فيه خير والمتزوجين والشياب ...ويوم وصلت الثلاثين تقدم لي واحد عمره 70 سنه ومزوج احفاده بعد وتخيلي جت امي تقول تزوجيه ما راح احد يجيك غيره و صارت تعيرني يالعانس قدام اخواني وتقول من اللي بياخذك في ها العمر وانتي صرتي عاله على خوانك يصرفون عليك ..ومن الحره منها دعيت عليها مع انها امي لكن الظلم طعمه مر ..دعيت عليها بمرض معين وانا في قمة قهري واقسم بالله ان المرض صابها وهاذي هي من مستشفى لمستشفى استغفر الله .. وبعد ما دعيت عليها قمت استغفر ربي ...لكن كل سنه مرضها يشتد الله يشفيها ..

عموما انبهي لا تخلين اناس يضيعون مستقبلك بحجة ان اختك اكبر منك ...

اللــــــــــــه يفــــــــــــرج همــــــــــــــج