مو حاسه بالامان مع زوجي ولا مع اهلي !!! كرهت وظيفتي بسببهم !!!!

اقسم بالله احيانا تكون الوظيفة نقمه ونقص عليك وتعب نفسي بسبب استغلال زوجك واستغلال اهلك لك

كلن يبي ينهشك من جهه ويبي حقه منك حتى لو مو محتاجين وانتي مطلوب منك تكرفين وتكافحين وخيرك لغيرك من الزوج والاهل

اخواتي لاتفكرون اني جشعه او طماعه لااااوالله بدليل ان لي سنوات موظفه ورصيدي صفر مقصره بحق نفسي كثير ولا اسافر ولا شي اللي اوفره يروح لهم لما اعطي زوجي يزعلون اهلي ولما اعطي اهلي يزعل زوجي

قسم بالله تعبت نفسيا صرت اشتري رضا الناس براتبي وياليتهم اي ناس زوجي واهلي
لما اعطيهم يرضون علي ولما اتركهم لظروف امر فيها تشين النفوس وكأن وظيفتي دخل اخر لهم ما لي انا حق فيه وياليتهم اي ناس اقرب الناس زوجي من جهه واهلي من جهه وليتهم محتاجين التمس لهم العذر لكن مثل ماقلت لكم لانهم تعودوا مني اعطيهم واذا قطعت هالعاده فأنا في الجحيم والكل غاضب علي وكأني مسويه جريمة

والله اني اذا لبست اطفالي لبس حلو وسألوني اهلي عن سعره يقولون بينهم اني بطرانه وبعدها يقومون يطلبوني فلوس ولايزعلون رغم ان لبس اطفالي متواضع لاهو ماركات ولاشي بس يكون احيانا بالاعياد او المناسبات الرسميه غالي شوي

قسم بالله تعبت نفسيا من هالموضوع والان لي سنه ونص في اجازات تاركه وظيفتي بسببهم ومهدده بالفصل

ودي اترك وظيفتي واستقيل بس مو حاسه بالامااااان لامن جهة زوجي ولا من جهة اهلي

اخاف اترك وظيفتي واندم لاني مو حاسه بالامان معهم

خاااايفه وربي ومو حاسه بالامان والله العظيم ضايقه فيني الدنيا بسبب مشكله صارت امس الكل يطلبني اعطيه وانا انفجرت فيهم وانا والله العظيم مقصره في حق نفسي عشانهم لااصرف على نفسي ولا اسافر ولاعشت حياتي

تعبااانه الله يوفق اللي توجهني وتخليني احس بالامان اللي فاقدته

وش اسوي وش الحل مع اقرب الناس لي اللي مو حاسه معهم بالامان زوجي واهلي

79 تعليق 11,584 مشاهدة

شاركي في النقاش

سجلي الدخول لإضافة تعليق.

التعليقات

75
  1. @am_alhyf

    السلام عليكم ورحمة الله وبركااته ..كيفك عزيزتي ياارب تكونيين بخيررر ..

    انا دايماا لما ادعي بالوظيفه اقول ياارب تكتب لي الخيرر لانك صاادقه والله ..مساكيين الموظفات كلن عينه في راتبك

    اخوك عاطل ومايبغى يقدم لك حتى خدمه بسيطه ويزعل اذا مااعطيتيه وزوووجك عينه في راتبك ..انت عارفه حتى عيالنا الصغار

    صاروا يقوولون اليووم 25 هههه يوم الرواتب ..

    شووفي حبيبتي ان بقوولك وجهة نظرري ...انت زوجك اعطيه معاك مو مشكله اعطيتيه نفسك يغلى عليه الراتب؟ اهم شي وقبل كل شي

    خصصي من راتبك جزء شهري تصدقي فيه بشكل ثاابت ان شاء الله مية ريال كل شهرر بيكون خير وبركه علييك بحول الله وقووته ..

    وعيالك حياتك كلهاا اعطيهم ودلليهم ولبسيهم ..لاتقصرين معهم

    اهلك اللي هي امك اعطيها هي وابووك من غير تقصير ولازيااده ..وارضيهم قد ماتقدرين

    ذوولي اللي انت صدق مسؤله عنهم ورضااهم مهم لربك ثم لسعادتك واستقرارك ..

    غيرهم بالرضااا ان قدرتي اهلا وسهلا مااقدرتي طنشييييييييييهم ولاكانك عندك شي ..

    اما وظيفتك لاتتركينها حبيبتي ودايم ادعي الله يبارك لك في فلووسك وصحتك ..

    ووفقك الله وسدد خطاااااااااااك وقلبي معاك ..
  2. @hdf_222

    الله يعينك ذكرتيني بأخواتي
    الكل يبغاهم يعطونه فلوس
    الكل حاس انهم مقصرين
    لكن انا من رأيي انك لازم توقفين وقفه حاااااااااااااازمه
    مع زوجك واهلك
    تري من طيبتك الزايده استغلوك
    اكيد بنك كلما احتاجوا فلوس مفتوح
    تري مافيه احد يشبع من الفلوس
    ماااااااااافيه
    وكمان كلما اعطيتيهم ماراح يرضون
    انا اعرف وافهم
    لكن خلاص ارجعي لوظيفتك
    وعلى طول اشتري ارض او عماره (واكتبيها بأسمك مو بإسم زوجك)
    وقصدي فيها
    كل ماسألك احد قولي مسكينه طفرانه قاعده اقصد
    احرميهم كلهم من فلوسك مدة 3شهور او اكثر
    ولاريال كذا ولاريال واحد
    بعد ثلاثة شهور اعطيهم لكن ببخل
    علشان يعرفون من انتي
    وماعليك لو قلبوا الدنيا عليك
    اصبري ولاتنكسري
    لو حسوا فيك انك ترضخين لهم بالزعل
    عمرهم مارضوا عليك
    طبعا الكلام قلتيه بسبب تجارب اشوفها قدامي
    وادعي ادعي ادعي ان الله يشغلهم بأنفسهم
    مالك الا الدعاء والله
    وانتبهي تفصلين من وظيفتك لاتفصلين لو تنطبق السماء على الارض
  3. @alglylh_4

    الله يشرح صدرك ويفرج لك
    ويارب يرزقني الوظيفه الرسميه
    دعواتكم بنات الاسماء بكرا تطلع
  4. @ryham_1_1

    ياحبيبتي ارجعي لوظيفتك هي سندك بالدنيا وكل شي هالايام يبغى فلوس
    وبالنسبه للراتب اعطي امك وابوك كل شهر 500 او اللي يغطي حاجتهم
    اما اخوانك وزوجك اعطيهم على شكل هدايا او وجبات عشا وغدا عشان ما يطمعون فيه واللي يزعل بسلامته لأن الحق ماينزعل منه
    يوم ورا يوم وراح يتعودون على مبدأك

تابعي تجارب أخرى من هذا القسم.