ملف استشارة يوميه ...4

السلام عليكم

مها
حمدلله على سلامتك بجد وحشتنا طلتك ربنا يكرمك و يسعدك

روشانا
عقبال السنة الجاية يا جميل و دايما ربنا يسعدك

و ألف مبروك لرانيا وبورك في الموهوب و ربنا يقر عينها بالبنوتة

إيمان
ألف مبروك الحمل ربنا يكملك على خير ويرزقك طفل سليم البدن و الدين
قوليلي أخبار ماكينة الايس كريم إيه؟؟

يا بنات حد جرب جبنة موتزريلا القوالب ؟؟ أو إيه أحسن نوع حلو من ساعة ما رجعت و مش لاقية نوع حلو بجيب دومتي و جرين لاند أهو شاغلين بس الجبنا جوا الكيس لما بتفك بتحب بعض اوي بتلزق على طول في بعض مش عارفة ليه

حاجة كمان دقيق الحمص هو بيتعمل من الحمص اللي بيتباع مع اللب والسوداني مش حمص الكشري صح؟؟ عشان عاوزة أعمل الطعمية في الفرن كنت بعملها بـدقيق الحمص و سألت مش لقيته فطحنت حمص عشان استعمله هههههه المطبخ بيقولك اتصرف

ابلة دينا
معلش استني عليا شوية هقوم الشكل العجينة اللي جوا دي و أكتب بقية الحاجات اللي معتمدة عندي و كمان النهاردة جربت فتة شاورما دجاج انما إيه قنبلة ما شاء الله إن شاء الله أكتب الطريقة

فاصل و لو مش فطست من حر الفرن يبقى نواصل إن شاء الله

امانى سوبر ماركت الفار فى البازار هتقوليلى فين البازار هقولك مبعرفش اوصف :)
بس هو قريب من المعدية اللى عند شارع النهضةوالجمهورية اشهر شوارع بورسعيد اسالى الف من يدلك

ولو بتيجى القاهرة انا اشتريتة من اولاد رجب وده موجود فى مصر الجديدة ومصطفى النحاس وعند وندر لاند