ملف استشارة يوميه ...4

لأ لأ لأ لأ لأ اوعى تصيفى تانى يا رشروش


مستنيااااااااااكى وتسلم ايدك مقدما


انتى بس انزلى وعيشى حياتك ربنا بس يقدرك وتخلصى الجمهورية والتلاتينى ...الخ وبعدين روحى المحلات اللى عند المعديه عند دليسبس وروحى المحلات اللى عند طرح البحر بس دول غاليين شوية وياسلالالالام لو عندك هواية تتفرجى على الاطقم الصينى روحى عند الزينى اما الاكل فروحى اتغدى عند عبده كفتة الاصلى بقى مش المضروب اللى عندنا او روحى البرج او كاستن اما منتجات الاكل المستوردة هاتيها من عند الفار ولو بتحبى الملبس اللوز هاتيه من عند الغزل فى الجمهورية ولو ياميش رمضان نزل هاتيه من هناك وهاتى علب كمبوت عشان الحر فى رمضان

فى ايه تانى يا روشانا انا نسيته ؟؟؟؟

:icon33::icon33::icon33:




نسيتيه !!!!!!!!!!!!!!!!!
ده انا نسيت اسمى بعد اللى قريته :)

فى البيت الالمانى لو تعرفيه يا دينا المخزن بتاعة بقة فى شارع متفرع من طرح البحر بروح هناك بتجنن على الافكار والابداعات صينى واجهزة كهربية وحاجات للبيت والمطبخ واحيانا بلاقى عنده شنط كاجوال وشوزات تحفة
مرة جبت شوز كاجوال شمواه نازل من 90 الى 35 جنيه وتحفة تحفة من هنا لبكرة الصبح

انا مش عارفة اسم الشارع حماتى اللى بتودينى لكن هو ليه محل البيت الالمانى برضه فى شارع الجمهورية ممكن تسأليه عنوان المخزن اللى عند طرح البحر فين هيعرف انك مقرقرة وعارفة قرار السوق :)

الياميش و الكمبوت و البارفانات الاصلى الحاجت دى عند رسلان فى البازار برضه احسن من الفار اعتقد ولا ايه يا دينا؟