شاركي في النقاش

سجلي الدخول لإضافة تعليق.

التعليقات

343
  1. @ykfy_yadnya

    حبيبتي روحي واقهريهم وخلك حذره انتبهي لا تامنين احد الشيطان حريص لاتاكلين شي لحالك اذا انمرضتي من يعوضك عن العافيه انتبهي كلش له علاج الا الاكل والشرب انتبهي ربي يحفضك وينصرك ع زوجك الظالم
  2. @nyna_mhmd

    بسم الله اللهم اهدني لكتابة الصواب
    شوفي أختي انا مدري عن وضعك مع زوجك يعني انت متنازله عن حقوقك هذي و لا هو فارض عليك الامر
    انت مو مشكلتك انه راح يسافر معها ثلاثه شهور هذي آثار للمشكله
    المشكله الاساسيه طريقة تعامل زوجك معاك و طريقه تقبلك للظلم اللي واقع عليك
    انصحك من قلبي تستشيري احد من أهلك تثقين في حكمته و رشده
    و زي ما يقولو الحرمه ما لها الا حرمه تربيها
    انا أقول الرجال ما له الا رجال يربيه
    و اغلب الرجال لو عرفو انه ورا حريمهم عزوه حسبو لها حساب
    أتمنى من كل قلبي تستخيرين الله في وضعك مع زوجك و تسألين أهلك
    واذا كنت راضيه بكل اللي يصير لك أسأل الله يرضي قلبك زياده و يبرد عليك
  3. شوفي يا قلبي سبق ورديت في موضوعك وارجع وارد لانه موضوعك واضح جدا

    اللي يسويه زوجك هذا تانيب ضمير يمكن يحس انه ظلمها يوم تزوج عليها وللاسف كنت انت الضحية باقولك ليش لانه زوجك لو يحبها لهالدرجة ما كان تزوج هذه اول وحدة ثاني وحدة لو انه سحر مثل ما يبون يقنعونك بعض البنات كان من الاساس ما خداك اللي تسوي سحر عشان يحبها الاولى تسويه عشان ما يتزوج عليها ولا انا غلطانة

    ثالث شيء حطي في بالك دائما انه وعلى نياتكم ترزقون وما تزعلي مني شوفي انت اهلك يوم زوجوك كانوا يدرون انه هو امه اجنبية صحيح ولا لا يعني ليش ما تذكرو انه اهلها ممكن يسحرونك الا الحين لو هم راعيين سحر ما كانوا سحروه من الاول وزوجوه بناتهم ليش يعني يسحرونك اكتشفت انه الناس مكبرة هذا الموضوع في عقلها لين صارت ما تعرف تفكر بصراحة فصفي النية وانا اختك
    رابع شيء انت يوم اخدتيه عرفتي انها اجنبية يعني طبيعي تروح تشوف اهلها عاد تقعد شهر شهرين 10 بكيفها طالما زوجها راضي وهي كانت على دا الحال سنين قبل لا انت تتزوجيه فلا تحاولي تغيري عليها لاني اتحدى اي وحدة من اللي قاعدين يقومونك عليه وعليها انها تتنازل عن حقها او انه تخلي ضرتها لو صار لها ضرة في يوم من الايام تغير حياتها او تحرمها من اهلها
    خامس شيء وهو الاهم انت اللي لك من الموضوع كله هو العدل انت تبين العدل وهذا الشيء بييجي بمناقشة زوجك ناقشيه ولا تتنازلي عن حقك انت تكلمي معاه قبل يسافر وقولي له ابيك تسفرني لو ما عليك امر مو من باب العدل لانه في ذا الموضوع العدل انها تشوف اهلها مثل ما انت تشوفين اهلك مو ذنبها انه اهلها بعيدين ويستوجب السفر ولكن من باب انك تطبعين وياه لحالك يمكن تحاولين تصلحين الشرخ اللي بينكم
    والله يسخره لك ولها ويوفق بينكم

    نصيحة للبنات قبل تردون يحطون انفسهم مكان صاحب الموضوع ومكان الزوجة الاولى الانسان بطبع عاطفي ويرحم المظلوم لكن في ذي الحالة ما تدرون من المظلوم الاولى او الثانية ولو تلاحظون صاحبة الموضوع ما جابت ضرتها بشر ولا قالت سوت وعملت كل مشكلتها ما زوجها فلا تخلون العصبية هي اللي ترد وترى اعتراضكم على زواجها منه اعتراض على حكمة الله مو ذنبها انها اجنبية في مجتمع له عقدة من الاجنبيات
  4. @mhaoyamp

    دمعة جريئة
    شوفي يا قلبي سبق ورديت في موضوعك وارجع وارد لانه موضوعك واضح جدا اللي يسويه زوجك هذا تانيب ضمير يمكن يحس انه ظلمها يوم تزوج عليها وللاسف كنت انت الضحية باقولك ليش لانه زوجك لو يحبها لهالدرجة ما كان تزوج هذه اول وحدة ثاني وحدة لو انه س…
    واظح انك وحده من الثنتين
    ياانك اجنبيه بحت
    او في عرق اجنبي
    ولا ماكان قلتي عقده ماعقده

    الحمدلله مافينا لا عقده ولاهم يحزنون
    بس يمكن اللي حوالينك متعقدين

تابعي تجارب أخرى من هذا القسم.