السلام عليكم
كانت نايمه وجاء رجلها قالها خبر محزن وكان صدمة بالنسبه
لها سكتت ما قالت شي هالخبر محزن لها ولرجلها
علي طول حست بتكسير بجسمها وثقل براسها
هذا الكلام قبل ثلاث شهور تقريبا
كل ما مرت الايام زاد التعب
وصارت دايما راقده تسحب نفسها من الفراش بالقوه
تطبخ وهي دايخه ومو مستوعبه اللي حولها
اول ما تخلص تروح علي طول للفراش
ومعاد تحس بالدنيا ولا باللي حولها
تقوم تنادي بناتها وقبل يجونها تكون شبه فاقده للوعي
شهيتها للاكل ضعيفه جدا جدا
بعد فترة رجلها اصابه ما اصابها
توقعت انه نقص حديد فجابوا فيتامينات لهم الاثنين
رجلها احيان يتحسن واحيان لا
مره قبل الفجر حس بشي يسيل ويوم مسحه كان الدم يسيل من خشمه
وغرق الدنيا رغم انها تقول كان راقد بمكان بارد حيل واول مره بحياته
يجيه هالشي
المهم راحت عند اهلها والتعب مازال فيها
وبالتدريج تحسنت حالتها
يوم جاء رجلها بياخذهم ودخلت علية المجلس رجعت
تقول لاهلها رجعلي تكسير العظام يوم شفته
ويوم رجعت بيتها رجعتلها الحالة وزادت سوء
اذا نامت حست باختناق وانها بتموت
المهم سافر رجلها وطول
الغريب انها قبل يسافر كانت تحس بالموت
وبعد سفره تحسنت بالتدريج وصارت بخير
وهو بعد يقولها انا من سافرت معاد حسيت بشي
وكانوا مشتاقين لبعض
اول مارجع رجعلها التعب وحست انها متضايقه
ومهي قادره تقعد معه ولا تشوف وجهه
يقول لها انا ماني قادر استحملك
انا بطلقك
ويسافر وهو ناوي يطلقها
تقول احس اني فاقدة قدرتي علي التركيز
ومافيني اي حيل اسوي اي عمل
تنام باي مكان لو توها قايمه
فيها ضيقة مو طبيعة
تجيها فترات تتحسن يوم يومين
وترجع تنتكس
الا اذا سافر رجلها وطول بعد فترة من سفره
تتحسن كثير ما ترجع طبيعيه مية بالميه
بس تقعد مع بناتها وتكلم تلفون وتضحك
فالفترة الاخيرة زاد التعب نسالها وشتحسين
فيه تقول كل شي يعورني ماني قادرة احدد
مكان الالم
وطبعا رجلها سافر وخلاها
واهلها مسافرين
من عندها تفسير لحالتها
اسال الله العظيم رب العرش العظيم ان يشفيها
ويعافيها ويسر امورها
هذا اللي حصلها باختصار وما زالت تعاني
امس كانت تعبانه حيل رغم ان رجلها مسافر له يومين
الموضوع مغلق