شاركي في النقاش

سجلي الدخول لإضافة تعليق.

التعليقات

941
  1. @btol2004

    ام عزيزان جزيتي الجنة اختي ياليت لو كتبتي طريقة كيكة البرتقال تضعيها هنا ...مشكورة اختي
  2. @slaf2120

    واو تجنن والله:) كيف سويتي الاقماع


    انا بخير الحمد الله :)


    ترى ماغطيتها اول ماخرجتها من الفرن كنت تعبانة والمغرب شوي ياذن فخليتها:) شوفتي الفلاحة:)
    بس عجبتني في العجن صراحة مررررررررررة رهيبة وعلى فكرة انا سويت نصف الكمية بس لكن كانت طرية بصورة ماهي طبيعية:) اول مرة اشوف عجينة طرية زي كذا

    شوفتي كيف صرت لازم اتعلم اعجن وافرد واطبخ الحين ماهو بكيفي:)

    لا تنسي ابغى طريقة الاقماع خليني افاجئ بعض الناس:)
  3. &عيــ عبودي ــون &
    الله يخليج لنا ياأم عزيزان::::: عجينة العشر دقايق صارت معتمده عندي وعند كل اللي ذاقها...يزاج الله خير أنتي والأخت صاحبة العجينه<ذكريني بأسمها > تصدقين حتى الدونات نسويه بها حتى خبز الخمير ضبط بعجينة العشر دقايق.. مشكووووووووره …
    مشكورة ياأم عزيزان على المجهود اللي بذلتيه في هذا الملف وطبعا حبيت أخبرك
    أني سويت الكيكة الرخامية وزوجي تخبل عليها وانشاءالله بسوي الاكلات الثانية
  4. @am_aazyzan

    صاحبة الموضوع
    cat_moon44
    مشكورة ياأم عزيزان على المجهود اللي بذلتيه في هذا الملف وطبعا حبيت أخبرك أني سويت الكيكة الرخامية وزوجي تخبل عليها وانشاءالله بسوي الاكلات الثانية
    بتول

    هذى طريقة كيكة البرتقال


    المقادير :

    1 ونص قلاص طحين

    1 ونص قلاص سكر ناعم

    ثلث قلاص زيت

    5 بيضات

    فانيليا واشوي خل عشان ريحة البيض

    بيكن باودر ملعقه

    ربع كوب عصير برتقال+ مع القليل من بشر البرتقال

    الطريقه :


    نضيف الفانيليا والخل على البيض ونخفق جيدا ثم نضيف عليه الزيت والسكر والعصير ونخفق حتى يتجانس

    نضيف الطحين والبكن باودر ونخلط جيدا

    نضع الخليط في قالب مدهون

    وندخلها الفرن لمدة ساعه الا ربع على حرارة 160 درجه او حتى تنضج ويصير لونها ذهبي

    بعدها نطلعها من الفرن ونخليها اشوي ثم نقلبها على السلك حتى تبرد تماما



    الصوص:

    ربع قلاص عصير برتقال

    نص قلاص ماء

    1 قشطه

    نص كوب سكر

    الطريقه :

    نحمر السكر على النار حتى يصير لونه ذهبي ثم نضيف عليه القشطه والماء والعصير ونقلب فيه حتى تذوب كتل السكر كلها

    ونخليه يغلي على النار لمدة ربع ساعه ... حتى يثخن عندنا مثل التوفي

    ولما تبرد الكيكه نصب الصوص عليهااااااااااا

    وهذى طريقتها يا عزيزتي

    :cook:
  5. @am_aazyzan

    صاحبة الموضوع
    cat_moon44
    مشكورة ياأم عزيزان على المجهود اللي بذلتيه في هذا الملف وطبعا حبيت أخبرك أني سويت الكيكة الرخامية وزوجي تخبل عليها وانشاءالله بسوي الاكلات الثانية
    سلافه

    هذى طريقة الاقماع

    وبعد مانعمل العجينه نفردها على سطح مرشوش بالطحين

    ونقطع العجينه بهذا الشكل مستطيلات او خطوط



    وهذا شكل القمع ويباع جاهز ... واللي ماتلقى القمع ممكن تلف القصدير على هذا الشكل



    بعدها نبدي نلف العجينه على القمع بهذا الشكل ... وانتبهي ان تسكري نهاية القمع حتى ماتخرج الحشوه منها في النهايه

    https://d2s63a22uzwg40.cloudfront.net/PE/2005/11/17/08/11150004-1.jpg

    ونصف الاقماع في صينية مدهونه بزيت خفيف ... ثم نمسحها بالبيض المخفوق بالفرشه طبعا



    ندخلها الفرن حتى تتحمر على درجة 170 ... لمدة ربع ساعه ... نتركها تبرد اشوي وبعدها ننزع الاقماع عنها ونحشيها

    وبالنهايه تصير معانا بهذا الشكل :)



    انا اهني حشيتها لبنه .. وغمستها بالزعتر اخر شي ... وخليت كم حبه عشان اوريكم شكلها من الداخل :)



    وطريقتها سهله وحلوه للتقديم

    :cook:

تابعي تجارب أخرى من هذا القسم.