المرقوق الجنوبي بالخضار والدجاج لأيام الشتاء مع الصوره .

السلام عليكم ورحمة الله وبركاته .

حبايب قلبي بنات حواء ..

سويت لكم أكلة المرقوق الجنوبي مع الخضار .. ينفع في هذه الأيام أيام الشتاء .

إن شاء الله ما يكون الموضوع مكرر .. حتى تكتمل فرحتي .

وعلى فكره هذي اول مره انزل موضوع بالصوره .. وحده فرحانه .. :D :27:

المهم نبدأ في الموضوع .. ماعلينا من الكلام الزايد بس هذا من زود الفرحه .

المقادير .

بصله .
ملعقه صغيره ثوم .
زيت .
حبتين طماطم مخلوطه .
بهارات على حسب الرغبه .
ملح .
نص حبه دجاج مقطعه قطع صغار .
خضار مشكله .. على حسب الرغبه مقطعه قطع صغيره .
نص ملعقه معجون طماطم .

مقادير العجينة .

نص كاسه دقيق .
ماء دافي وملح .

الطريقه :

تعجنين العجينه وتتركينها على جنب .. وتحمرين البصل والثوم في الزيت ..

وترمين عليه الدجاج والبهارات والملح وتتركينه قليل ..

وترمين الطماطم عليه وتتركينه قليل .. وتضعين معجون الطماطم ..

وتصبين عليه الماء وتتركينه على نار هادئه يغلي ..

تاخذين العجينه وتفردينها دوائر صغار وترمينها مع الدجاج في القدر ..

وترمين عليها الخضار .. طبعاً تتركينها حتى تستوي على نار وسط ..

انا سويتها في قدر الضغط أخذت مني (10) دقائق ..

وبعدين تأكلينها بالهناء والعافيه .

وهذه صورته ..

http://www.w6w.net/upload2/16-11-2005/w6w_2005111620071198f08204.jpg

وهذه الصوره الثانيه . وهذا كان غدانا اليوم .

http://www.w6w.net/upload2/16-11-2005/w6w_2005111620404093a6d451.jpg

أنا في إنتظار ردودكم الحلوه .

42 تعليق 7,583 مشاهدة

شاركي في النقاش

سجلي الدخول لإضافة تعليق.

التعليقات

41
  1. يااااااااا سلاااااااااااااااااااااااااااااااااااام .. ممكن تغرفيلي شوي -جوعانه-
    تسلم ايدج عزيزتي .. ما قصرتي على المجهود
  2. @lyh_alsd

    الصراحه اول مره ادري ان فيه مرقوق جنوبي لان المرقوق اكله نجديه بحته ولا يمكن يسونها بدجاج من المستحيلات انها تتسوى بدجاج بس يمكن الجنوب الشي ذا جايز لهم

تابعي تجارب أخرى من هذا القسم.