ايش رايكم بهاي المشكله خلونا نحلها مع بعض... خطيبي صدمني .. اعترف لي بعلاقات سابقة

متابعة النقاش، صفحة 6

شاركي في النقاش

سجلي الدخول لإضافة تعليق.

التعليقات

60
  1. السلام عليكم ورحمة الله

    اختي انا اول مره اشارك بالمنتدى وهذا لاني شفت انه من الضروري انصحك بعد ماقريت مشكلتك

    لاني مريت بنفس تجربتك ولو ان مشكلتي اهون ماوصلت للزنا..
    حبيبتي زوجك ماقالك هالموضوع وانا متاكده من كلامي الا لانه قرر يبتدي معاك صفحه جديده بحياته والمفروض انتي تساعدينه وتكوني عون له
    شوفي اختي انا يوم عرفت من زوجي كل هالقصص قلت له ماضيك انا ماحاسبك عليه ولا اسئلك عنه ربي الي يحاسبك عليه،،والمهم بالنسبه لي والي ماراح اسامحك عليه انه مايحصل مثل هالمواضيع بعد ارتباطنا وزواجنا والله هو المطلع عليك وهو الي يحاسبك ويجازيك
    وشرطت عليه اذا يبي حياتنا تستمرونبداء صفحه جديده ينسى كل هالمواضيع وطلبت منه لايذكر لي مثل هالقصص ولايذكرني فيها لانها ولو كانت بالماضي بتأثر فيني وتجرحني

    والحمد لله اختي انا صار لي متزوجه خمس سنين ومرتاحه مع زوجي وبالرغم انه بمكان وطبيعة عمله يكون مجبر يقابل نساء ويحتك فيهم الا اني ماشفت فيه الا الانسان المحافظ والملتزم بالعهد الي بينا وانا واثقه فيه اللهم لك الحمد

    للمعلوميه كانت علاقة زوجي مع وحده من قريباته والي متعبني اني اشوفها واقابلها كثير عشان كذا احمدي ربك انك ماتعرفيها ومابتجمعك فيها الايام لو ربي وفقكم وتزوجتوا هذا غير القصص الي كان يحكيها لي عن سفراته للخارج او حتى بالداخل

    اختي ان الله غفور رحيم لاتنزعي الرحمه من قلبك ولاتنسي انه من ترك شي لله عوضه الله خير منه وعسى ان يكون هو التأب وترك الحرام وعوضه الله فيكي الخير

    انا اسفه جدا على الاطاله ويارب اكون قدرت افيدك ولاتنسي اكثري من الدعاء والاستخاره والله يختار لك الي فيه الخير
  2. وش عرفها انه تاب؟؟
    هذا الشئ بينه و بين الله سبحانه و تعالى
    مش ممكن يكون قطع علاقته فيها علشان صارت بعيده و مش علشان الي كان يسويه حرام؟؟
    ولاتقولوا كل الشباب كذا
    في شباب ولاد عالم و ناس و متربيه
    الي يتربى صح و على خوف الله منايسوي كذا
    و كلنا طشنا و غلطنا بمراهقتنا و لكن اغلاط بسيطه و كنا نعتقد اننا كبار و نفهم
    ليش الولد مايقدر يمسك نفسه عن الفتن في الخارج بس البنت تقدر؟

    انا لو منك ارفض رفض قاطع
    اصلا بمجرد يعترف لي بهذا الشئ بطردته خارج البيت
    نحن الشباب عندنا بالجامعه بس اعرف ان هذا الشاب عنده هالحركات عالطول ينزل من عيني
    بدك زوجي يكون كذا؟؟؟؟؟؟؟

    و بعيدن لا تقولون الله يسامح فكيف نحن لا
    لان الله هو الرحيم و الغفور يقدر يسامح و يغفر لنا ذلاتنا
    بس الانسان مايقدر

    سؤال...لو كنت انت الي مكانه و غلطتي و تبتي؟ تتوقعي يقبل فيك؟؟؟؟؟؟؟
    طبعا لا..ليش طيب؟ ماهو الله بيفغرلك و يسامحك لانك توبتي..ليش هو مايغفرلك؟؟
  3. @alamor_3

    مريومه*_*
    بنات حرام عليكم .. هذا بدل ماتهونون عليها .. كذا تقولون فاجر وزاني عييييييييب .. وين قاعدين .. انا اقولها لك للمره الثانيه .. اغلب الاولاد كذا .. بس الفرق انه اعترف لك .. يمكن يكون غلطان .. بس صدقيني موملزوم يقول لك فكري فيها .. انت وش …
    اسألي شيخ واستخيري الله
    والله يوفقك لما فيه خير لك
  4. شي موطبيعي
    اجل وش معنى قول الرب جل وعلا : ( الزاني لاينكح الّا زانية )
    اخواتي انا بحثت عن تفسير للأيه في احد المواقع
    وهذا التفسير نقلته كما قرائته:
    أخرج النسائى عن عبدالله بن عمرو قال : كانت امرأة يقال لها : أم مهزول ، وكانت تسافح ، فأراد رجل من أصحاب النبى - صلى الله عليه وسلم - أن يتزوجها ؛ فأنزل الله : {والزانية لا ينكحها إلا زان أو مشرك وحرم ذلك على المؤمنين} 0 وأخرج أبو داود والترمذى والنسائى والحاكم من حديث عمرو بن شعيب عن أبيه عن جده قال : كان رجل يقال له مزيد يحمل من الأنبار إلى مكة حتى يأتيهم ، وكانت امراة بمكة صديقة له يقال لها : عناق ، فاستأذن النبى - صلى الله عليه وسلم - أن ينكحها ، فلم يردَّ عليه حتى نزلت : {الزانى لا ينكح إلا زانية أو مشركة} الآية ، فقال رسول الله - صلى الله عليه وسلم - يا مزيد : {الزانى لا ينكح إلا زانية أو مشركة } الآية ، فلا تنكحها .وأخرج سعيد بن منصور عن مجاهد قال : لما حرَّم الله الزنا ، فكان زوانٍ عندهن جمال ، فقال الناس : لينطلقن فليتزوجن ؛ فنزلت .

    وهذا هو الرابط للي بتتأكد
    سورة النور الايه 3
    http://stream.islamonline.net/sharawi/

    ولاتنسين اختي اكثري من الدعاء والاستخاره والله يوفقك يااااارب

تابعي تجارب أخرى من هذا القسم.