السلام عليكم ورحمة الله وبركاته
كل عام وأنتم بخير وعافية والله يجعلنا من المقبولين
كتبت موضوع سابق لي إني اكتشفت إن زوجي بيتزوج ومقدم تصريح للزواج من برا
ويالتني ماعرفت أحس نفسي أموت في اليوم مية مرة
لي 3 شهور من عرفت وحياتي نكد أنبسط معه يوم والباقي نكد وسافرنا داخلي بالصيف بس كانت نفسيتي دمااااااااار
أطالع فيه وهو نايم وأقول في نفسي طيب ليش يفكر بغيري ؟ ليش ماصارحني ؟ ليش خلاني انصدم ويجيني الخبر من برا ويوم واجهته أنكلر بالبداية وبعدين اعترف ؟؟؟؟؟؟؟؟؟؟
أحاول أمشي بس عجزت
العام الماضي كنت ولادة برمضان وهذي السنة ألم وهم والله تعبت من التفكير وأحس نفسي أعيش بدوامه
لافكرت بأولادي أرتاح شوي
يعني قاعدة أتخدم فيه وألبي طلباته وأسوي كل شي وأنا عارفة إه يستنى التصريح وامكن يسافر بعد العيد مصمم يخطب من برا وسافر قبل كذا وأخذ أمه معه
وكله من تحت لتحت وأنا فانية عمري في تحسن التبعل والحين هذي النهاية؟
من لها تجربة تقولي كيف عاشت هالفترة اللي قبل هو ماصار شي بس يقولي مصمم وتعبت وحاولت أني أخليه يبطل بس مافاد شي
دلوني انصحوني ؟ كيف أتعايش معه هالفترة بدون نكد علي وعليه الاجازة والله ماتهنيت فيها والحين رمضان وماادري العيد كيف بيكون
مشكلتي إني انصدمت فيه لأني سخرت عمري له
أحيانا أقول ليته صارحني امكن تبرد حرتي لكن يسافر من وراي وينكر تقهرني مووووووووووووووووووووووووووووت
وذبحني التفكير بالمستقبل أخاف يتغير أخاف تسوي له شي ويتركنا أخاف أخاف من أشياء كثيرة
أنتظركم وأرجو منكم الدعاااااء لي إن الله يفرج همي وينفس كربي ويسخره لي ويصرفه عن هذا الموضوع وجزاكم الله كل خير
شاركي في النقاش
سجلي الدخول لإضافة تعليق.
التعليقات
59- ادعي في هذي الايام ان ربي يصرف قلبه عن الزواج
الله يفرج همك ويصرف قلبه عن الزواج - الله يسخره لك ويصرف قلبه عن الزواج
ويريح بااااالك يااااااارب
قلبي معااااك - حبيبتي ما يصير الا المقدر و المكتوب ،فانتي وكلي امرك لله تعالى
- شوفي حبيبتي تقربي لربك
وادعي ان الله يجملك في عينيه واحصائيات تدل على ان الرجل يفضل حب المواقف على حب العواطف
فلنفترض لا سمح الله صار الشي اللي انتي حاسه انه دمارك وخايفه منه
وهو رعب لكل زوجه >>>>
حبيبتي انا زوجه ثانيه>واصغر من ضرتي ب13 سنه<<واجمل منها بكثير>>ورشيقه>>>والحمد لله من اصل ومن بيت ناس
في البدايه انعمى شوي فيني
لكن الحين اقولها بكل صراحه>>>زوجته لها مواقف قويه وتتحمله اكثر مني>>>الان وبعد فتره من الزمن ليس بالبعيد>>>احسه يقدرها ولا يستغنى عنها>>>
بس نصحيه لا تكيدي ولا تجعلي الغيره تعميك>>>وخفي من حب زوجك >>>واجعلي لك اهتمامات خاصه
حبيبتي الايام هذي الزوجه الاولى يكون لها نصيب من قلب الرجل كبير واسألي المجربات - حبيبتي حاسه فيك وبمأساتك
ومقدره وضعك
ولكن الآن رمضااااااااااااااااااااااان لا تخللي لصوص رمضان تسرقه منك
لاتخلي التفكير هذا يضيع عليك رمضان
حبيبتي وبصدق اقولك فكري بعقل بعيد شوي عن العاطفه
هل تستفيدي ان تعكرت وتضايقت وتنكدت ؟
والله ماحد ينغم غيرك ويضيق ويخسر لكن
أدري ان الشعور الي تركه بقلبك فظيع وحسيتي انه جرح لك
بس خذي الموضوع من جوانب اخرى واستغلي موسم رمضان انه موسم دعااااااااااااااااااااء واقبال على الله
قولي يارب خلي انسي بك وبقربك ولا تخلي تعلقي بس بهالرجال
والله لو قلبك انس بالله ماشال همه هالكبر استغني بالله عن الناس وادعي رب الناس انه ينفس كربك ويشرح صدرك ولا يجعله يغدر فيك ان تزوج بل يزداد تقديرا لك واحتراما وحبا ..
ادعي واسألي وعقدر ضيقك عقدر مابيكون دعائك رائع
حبيبتي انصحك لله شوفي حياتك وعمرك يمكن الآن لما صرت محطمه ومهشمه من الداخل تدفعيه للزواج أكثر من قبل خليك متماسكه وعايشه حياتك وانبسطي واصرفي الموضوع من تفكيرك
الله ينفس كربك يارب ويفرج همك قريب
مواضيع مشابهة
تابعي تجارب أخرى من هذا القسم.